223.


「我…唔知道…」結果,我答左一個同堂姐一樣既答案…

『我就知道…』

「芷螢…?」

『咁樂宜呢…妳覺得佢放低左妳?』



「我…唔肯定…都過左咁耐...樂宜佢而家…對我既感覺…」

『妳…無諗過問?』

「妳諗得太簡單啦!芷螢!呢d野…無可能問出口…
我而家作為阿彥既女朋友…叫我仲用乜野資格去問樂宜喎!」

『咁不如我…代妳問?』芷螢提議...



「代我…問?」

『作為…你同佢個女…代妳問…』

「唔得…」我搖搖頭「唔得…」我唔想知道…

無論個結果係點…我唔想知…我寧願一直係咁…

當初係我自私…係我衰…但至少…而家一切都安好…
我唔想因為知道一個答案…而改變呢個現況…



『咁…就咁話…』

「我…我行呢邊。」

『拜…家蔚。』

我而家終於明白…堂姐既處境,好難…真係好難。

『小蔚!』去到阿彥屋企樓下,天已經黑左。

「阿彥…等左好耐?」

『無…都係樓下姐,行囉。』阿彥伸左一隻手。



「到底有乜驚喜先。」就算係冬天…阿彥隻手…都係好溫暖。

『一陣妳就知。』

或者…牽住阿彥隻手之後,我唔會再猶豫…掛?
 
嗯…絕對唔會先岩…

『小蔚,應該買邊隻麵粉好?』

芷螢…佢真係越黎越奇怪…
自從上次陸運會叫我同阿彥分手之後…今日又提起樂宜件事…

佢係咪…知道一D野…又唔肯話比我知?
一係…佢只係表面接受,其實根本唔希望未來比我改變?



芷螢…到底妳係到諗更乜?

『小蔚?』

「係…麵粉…呀…」我望一望…曲奇…「阿彥你屋企成晚都無人?」

『嗯…細佬又話要去女朋友屋企,不過聽朝好早就會返黎。』

「聽朝呀…其實我都未見過阿彥你細佬喎…」

係咪應該…拜見下呢?

『呃…』阿彥臉有難色『你都係唔好見到好d。』



「下?點解呀?」我笑一笑「驚我比佢搶走呀?」

『呃…』阿彥猶豫…

唔係掛?

「下?你要諗既?」

『我其實係諗更…』阿彥笑一笑『點講小蔚先會最開心…』

「呀!」我拎起盒麵粉打阿彥「你直接話唔會我都開心啦。」

『哈,其實問題唔係佢搶唔搶到,我好有信心我對小蔚係最好既。』

「嗯,咁係乜呢?」



『問題係佢份人怪怪地。』阿彥講

「怪?我見識得多啦…」堂兄夠怪啦…唔夠?仲有個偽紫晴。

『或者啦…其實小蔚妳本身都怪啦。』

「咁…咁又係…」我點點頭「呀!咩喎!!」我再次用盒麵粉打阿彥

『盒麵粉凹左啦!快收返佢啦!哈哈…』

「死火…」我即刻收返埋盒麵粉…係後排。

『就係小蔚夠怪我先鍾意嘛。』阿彥繼續講…

「又.口.花.花!」

『咁買邊盒呀…』阿彥繼續講

「今日不如都係唔好整曲奇囉。」我同阿彥講

『下?』

「如果食埋野先整…肯定整到好夜啦…」

『咁又係…』

「不如食完野…周圍行下…買d DVD…返去睇電影啦?我記得阿彥屋企有dvd機...」

『嗯…咁都唔錯...』

所以,我地就離開左超市,首先係醫肚。
 
 
阿彥帶左我去附近一間泰式店食野,食完之後
我地就去左一間商場入面幾大既DVD店,而家選擇更睇乜野片…

『鬼片?』阿彥拎起一套叫做兒凶既片。

「又鬼片…係咪男仔都鍾意同女仔睇鬼片嫁?」

其實又唔單止男仔…阿kay都係…
回憶返上次上佢屋企睇電影…真係…難忘,

我同紫晴就唔同呢,選都選d愛情片睇。

『錯啦,小蔚。』阿彥望住我,相當認真
『男仔帶女仔睇鬼片,其實係真係鍾意人既表現黎。』

「下?」

『小蔚,妳估女仔真係驚鬼片咩?其實大部份都唔係,
好多女仔其實都係扮驚,佢地真正想要既係男仔出手保護佢既感覺。』

「出手保護既感覺…」

『妳答我啦,小蔚,妳驚唔驚鬼片呀?』

「其實…唔驚…」比起驚愕片既嚇位,我比較驚隔離既人突然大嗌。

『就係咁啦…有時d女仔其實大膽過男仔嫁…』

「真係?」我仲一直以為我係因為男變女先會唔驚…

『不過而家知道小蔚唔驚鬼片…就好似小左d樂趣咁…』阿彥笑一笑

「點會呢…照借啦!或者我會驚呢?」

『下?』到阿彥驚訝…

「借啦…鬼片…借啦…」

原來學習怕鬼片,都係女仔既一門學問,

就係咁,我地就借左三部電影,一部鬼片,一部科幻片,一部愛情片。

然後我地又重新去左超市,
買乜?更係買愛爾蘭甜酒啦…嘻嘻。

結果上到去阿彥屋企,已經差唔多係九點鐘…

「睇完三套…就岩岩好可以訓教啦。」

『小蔚好想訓教咩?』

「掛住阿彥張床嘛!」我講笑「嘻嘻…」

但阿彥只係呆呆咁望住我…睇黎佢…認真左?

「講笑咋!如果阿彥想既,傾通宵得啦!反正聽日星期日。」

『係既,不過到時就無得訓啦…因為細佬會返黎…』

「照訓囉!驚乜!」我打開買張既dvd..「一於睇住科幻片熱身先啦!」

『好…我就去倒甜酒…』

我同阿彥既溫馨時刻,又開始了。