224.


第一套睇既係猿人爭霸戰前傳,作為系列作,呢套都算幾成功…
我個人認為個尾收得太急係一個小敗筆...不過都係一套佳作。

男主角仲要靚仔呢!加返唔少分嫁!不過同阿彥比都係阿彥好好多囉!

「幹杯!」我舉起杯甜酒同阿彥講「呀…呢套當初應該去睇嫁!」



不過個期岩岩變成女仔…所以無左件事…

『妳飲左好多啦!小蔚,仲有兩套要睇嫁!』阿彥講,不過都係同我幹左...

「車!最多之後個d加多d奶囉…咪咁掃興嘛!」

亦可能因為頭幾杯只係溝左好少冰同奶…
而家已經feel到興興地,嗯…真係要慢慢飲,唔係一陣醉或者訓左就麻煩。

然後係第二套,兒凶…


老實講,我都係唔知道恐怖位係邊到…不過…

「嘩!」我決定試下…扮驚「原來…嘩!真係幾恐怖嫁…」

之後就乘機勾實阿彥…再扮打冷震…

『噗!』但點知阿彥笑左出黎

「下?」我驚訝…



『對…哈哈…唔住,見到小蔚咁落力係到扮驚…我唔應該笑。』

「衰人呀!難得我咁比心機!」

『係啦…係啦…』阿彥突然攬實我…

嗯…?

『而家…係咪無咁驚呢…』阿彥既聲音係我頭上面傳黎…

下…又話知道我扮…

哦…明啦…係阿彥都扮埋一份…

『傻妹黎既…小蔚…』阿彥溫柔咁講…『唔洗驚…』



點解既…真係好似…好舒服…咁…
比人保護既感覺…原來就係咁…

「好驚呀…」係阿彥既懷中…我微笑更…「真係好驚…」

『唔洗怕…』

之後既嚇位…唔知係咪知道有阿彥係身邊保護我既關係…
我好似真係變得開始驚…睇鬼片咁...

好奇妙…真係好奇妙。

睇完第二套,已經零晨一點有多…



『小蔚…眼訓未?』隔離既阿彥問

「未喎…」我睜實阿彥「你係咪唔記得d野呢?」

『下?』

「驚喜呀!」

因為芷螢突然提起樂宜件事擾亂左我既關係…
其實連我自己差d都唔記得…

不過而家記得啦!阿彥你走唔甩!
 
但阿彥…只係睜大眼望住我…
睇黎估唔到我會提返呢件事…然後…



『小蔚…』阿彥終於開口...

「阿彥…無?」無...任何驚喜?

阿彥佢…點點頭…

雖然我本來都係為難阿彥,但我其實以為點都會有d野…
乜都好…甚至係一個吻都得…我都好開心嫁…

但係…

『對唔住…小蔚…』

「無…無野喎…」



『但係…』

「真係無野喎…可以同阿彥一齊其實已經滿足啦…我仲求乜野驚喜喎…哈…哈哈…」

唔係話怪阿彥…
但…感覺有d失落…咁…

『今日既驚喜…我的確比唔到小蔚妳。』阿彥講

佢係梳化下面既袋到…拎起左一樣野…

一本…存摺?

『但我希望將呢個驚喜…放係之後。』阿彥比左佢本存摺我…

「下…下?咁即係點?」我…完全唔明…

存摺...比我...呢個情節...好似係邊到睇過...
呀...記得啦...係老公交比老婆...

咁...咁...咁係咪…即係…
另類既求婚呀?

求婚?唔係掛?但比存摺我喎…咪即係話將佢既錢交哂比我囉…

唔係咩?唔係咩?

求婚呀呀呀呀呀呀呀呀呀呀??????????
 
係咪求婚呀?應該係啦?
我原本以為求婚應該浪漫d既…估唔到咁突然…

定其實而家都好浪漫,只係我察覺唔到咋?
下?咁點呀…咁點呀…咁點呀?

我而家應該點呀?媽呀…妳個女比人求婚呀…呀呀呀呀呀

「太早啦!阿彥!」當我拎住本存摺,我終於爆發

『下?』

「我我我我我我我…岩岩先十七歲咋!唔應該諗呢d野…」

係囉,諗真…太早啦…而且咁突然…

『但係…』

結婚喎…雖然上次去完婚禮之後,的確有少少心動…
但…但真係太快啦!唔應該咁快!

「起馬都…都都都都一年之後啦…到時大家都成年嘛…哈…哈哈哈…」

係囉…十八歲先嘛!
咦?但而家開始準備…攪完一大輪其實都十八嫁喎…

阿彥…唔通已經計好哂…

唔係掛?嘩!?嘩!?嘩!?
結婚?真係要結婚!?

估唔到我做左女仔五個月…就已經有人要…
嘩呀…

『小蔚?要成年?下?』阿彥再次表示疑惑…

「結…結婚嘛!呢到香港呀!我地都未成年結唔到嫁!」

『小蔚妳誤會啦!』阿彥彈起身,慌忙咁解釋『唔係咁嫁!』

「邊…邊到誤會喎!存摺嘛!又話驚喜放係之後!唔係結婚係乜野喎!」

阿彥慢慢坐返低…
然後雙手放係我雙肩上面…

『啊…小蔚妳想像力真係強。』阿彥無奈咁笑一笑…

「下…真係唔係結婚?」我原本興奮既心情即刻冷卻左…

阿彥搖搖頭『更係唔係啦…而且學小蔚咁講,太快啦掛?』

「雖然係咁姐…」咁…咁我係到期待更乜野呀…

『而且…』阿彥繼續講『我而家都未有能力養到小蔚妳啦…』

「嗯…」阿彥始終係學生…又唔係蔡+讚…唔會有錢…

『不過…』阿彥捉實我隻手…慢慢打開本存摺

雖然唔係大數目…但…以只係做散工黎講…已經係好多好多…

『而家我有既錢…都夠我地去一次旅行既。』
 
岩岩…阿彥講左d乜…
我好似聽到…係…旅行?