225.


「旅…行?」我不敢相信咁問一問...

阿彥點點頭…

「去邊到…?」長洲…定係南丫島…

『唔…睇下小蔚想去邊…台灣呀…泰國呀…日本都勉強夠既…歐洲就唔得啦...』



「日本?」聽到呢兩個字我就好似醒左咁…「下?」

『睇黎小蔚仲有少少混亂咁。』阿彥笑一笑『去旅行呀…我地兩個。』

「用…用入面d錢?」我指一指本存摺

『嗯。』

「但…呢d錢係阿彥辛辛苦苦打工打返黎…」



『反正我都無乜需要用到既…咪諗住…』

「唔…唔洗啦…其實…去…去下離島…澳門都得姐…」

『呢d隨時都可以去,小蔚。』阿彥有d尷尬咁側一側面
『我…我只係想同小蔚一齊分享下我努力既成果。』

「阿彥…」



『錢隨時都可以賺…』阿彥再講『相處既時間就唔可以。』

如果我再講話去離島,返大陸,或者食自助餐就算既話…
就真係對唔住阿彥…所以我…

「嗯…」只係點點頭,之後撲埋阿彥到…「阿彥阿彥阿彥!最鍾意你啦!」

呢份,無疑係好大既驚喜。

*

「咁…幾時去?」

『如果而家先決定…其實聖誕有d急。』



「嗯…」得返兩個星期多d...仲要應付考試...

『其實我個人係想新年假期出發既。』阿彥再講

「自…自遊行?」

『其實我估問題都唔大既,小蔚對自己普通話有無信心?』

「都…勉強得掛?」我回想返之前福建打黎既電話。

『只要普通話可以…英文唔係太差既話,就算日本都無問題既…』

「但…日本…阿彥d錢就…」

『小蔚,』阿彥認真咁望住我『雖然咁講好老土,但妳比錢重要得多啦。』



「噗!」我笑左出黎「真係好老土呀!」

不過…

「但係我鍾意。」
 
『一於搵日出去旅行社研究下啦,而家應該繼續睇戲。』阿彥講
 
「係喎…」我望一望鐘「睇完就差唔多啦…不如訓完起身就去旅行社啦?」
 
『嗯…可以。』
 
然後,係阿彥重新添完甜酒之後,我地就開始第三場戲。
 


time traveler's wife,呢套戲係DVD鋪已經吸引左我眼球,
套戲主要講乜呢,各位自己去GOOGLE大神啦,
 
睇到主角唔能夠改變未來…只能眼白白睇住佢發生個陣…
 
我不禁喊起黎…
喊…或者因為套戲…又或者因為想起我而家既情況…
 
到底…我會唔會同主角一樣…
雖然個意義唔同…但未來係咪真係改變唔到…
 
雖然主角之前一直都唔鍾意自己既能力…
 
但係最後既最後,我估佢甘心有得事實發生…面對死亡…
係因為佢明白到…呢個能力已經比左好多野佢…


 
明知自己早死…但可以見到未來大左既女…係福氣,
明知自己早死…但仲可以見到未來既老婆…都係一種福氣…
 
佢用佢有限既生命…見證左無限既事…
 
係一套好戲…不知不覺就寫左段影評。
 
唉,或者係因為我感受太深。
 
我望一望隔離既阿彥…係最後…我會唔會同佢變成陌路人…
我唔想…
 
所以…我先應該珍惜每一次…同阿彥一齊既時光…
同主角一樣…
 
出字幕片尾曲個陣…我不禁…攬實阿彥…
 
『小蔚…?』
 
「就咁…比我攬下…阿彥…」
 
『嗯…』
 
「阿彥…永遠唔好離開我…就算發生乜野事…」
 
『當然…』
 
「永遠…」
 
『永遠。』
 
永遠。
 
好自然地…我同阿彥又錫起上黎…
甜甜既感覺…又係我唇間迴響…

阿彥…阿彥啊…

比上次更利害既迷醉感覺…開始攻上腦…
或者係因為上次…一部份甜酒都用左黎整蛋糕…所以無今次咁利害…

好奇妙既感覺…嗯…

「阿彥…」我望實阿彥既雙眼…應該係話…我根本就唔可以抽離…

阿彥既雙眼入面…有我係到…
心…都係一樣…

『小蔚…』

情況…就好似大家都明白咁…
我地開始…接吻…更進一步既接吻…成人吻…

到底係點樣做…我唔清楚…我知道阿彥都一樣…
我地都係一邊探索…一邊了解…

感覺…就好似香滑既雪糕係舌頭到自己郁動一樣…

一樣係…甜甜地…濕濕地…
唔同既係…係暖既...而且唔會消失…唔會只係停留一瞬間…

我…我好熱…

啊…呢點都係同雪糕不同既…
雪糕…係消暑…但我而家…只係越黎越熱…

我雙手…不欲寂寥…但又唔知可以點做...所以我選擇攬緊阿彥…

我明白阿彥…都想做一d野…
但佢基於保護我既心理…所以唔想進行…

唔知可唔可以傳達比你…

今次…

我唔再猶豫啦…阿彥…

唔再…

或者…真係傳達左比阿彥咁…
佢隻手…終於慢慢向上…到我心口附近…

雙舌…終於抽離左…阿彥張開眼望住我…

『小蔚…』阿彥情深咁住我『真係…可以?』

佢隻手…已經準備好…
只要跨過呢個界線…我地就會一直進行下去…

嗯…

我點點頭…

「可以哦…」