228.


就係咁,沖完涼之後已經係四點…

我同阿彥都好攰…而且因為邦文都係屋企既關係…
我同阿彥,當然無繼續到岩岩既事…

我地訓到下午先起身…諗住落樓下食完早餐就出旺角搵旅行社…



點知…

「點解你會跟埋黎嫁?」我問一問隔離個個人…

『出旺角嘛,我順路。』邦文又向我展現一個壞笑

「下?有人陪你咩!」你琴日先比人飛完…

『無人…都可以自己一個行。』邦文回答『散心嘛…』



『有佢啦…小蔚。』阿彥細細聲講『佢點都唔會跟我地到旅行社既...』

可惡,呢個邦文一定係有心!
 
不過學阿彥咁講…佢無理由跟埋我地去旅行社嫁嘛…
 
但係…
 
『呀…其實去下旅行都唔錯。』邦文佢…跟埋我地去去旅行社。
 


「嗚…」我發出細聲既悲嗚…
 
『無野既…小蔚…無野既。』阿彥安撫我…
 
「但係…」
 
『你有錢去旅行咩?細佬?』阿彥問
 
『下…你唔係唔知我實有辦法嫁啦…』
 
『食軟飯。』阿彥細細聲同我講
 
「噗!」我笑左出黎
 
『你又吹唔帳我有女願意咁做喎…』


 
『係啦…知你有魅力。』阿彥敷衍佢…
 
我笑得更開心…
阿彥肯定係到努力令到我開心姐…
 
但邦文好似隻蒼蠅咁跟住我地,真係好麻煩!
 
『我地只要坐定定問野…佢就一定無我地乎嫁啦…』
 
「嗯…咁又係…」
 
結果,我地坐低問機票酒店價錢之後,
邦文「切」一聲之後就走開左…哼!一早應該啦…
 


問完一間之後,我地決定都係問哂唔同間既酒店價錢…先決定係台灣定日本…
其實台灣平平都好既…不過日本一定會深刻d…
 
點好呢…
 
『小蔚其實想去邊多d?』
 
「我呀…」我向阿彥單一單眼「有阿彥邊到都開心!」
 
『哇,好肉麻。』邦文唔知幾時出現係隔離…
 
「又係你!」我真係就快爆啦!
 
『不過我都幾鍾意聽呢d嫁…小蔚。』邦文笑住講
 


唔知點解佢一講小蔚,我就打哂冷震…
 
「嗚…」好凍!
 
『夠啦,阿文!』
 
阿彥終於發火啦…阿彥發火…非同…
 
咦?
 
『家蔚?』係我地面前…樂宜突然出現…
 
樂宜…?
 
「咁岩既!」竟然係到撞到…



『係囉…咁…咁岩既?』樂宜講,佢張原本拎係手既單張收返落袋...

「我同阿彥…想睇下去邊到自遊行…妳呢?」

『啊…』樂宜好似醒起d野咁『無呀…其實一陣約左kay食野…見無聊係到行下之嘛…』

「約左阿kay食野…不如一齊?」我提議…

『下…但你地唔係要睇咩…』

「哦…咁可以之後join返嫁嘛!」

『嗯…咁我whatapps阿kay…同佢講…』樂宜拎起手機…之後禁幾下…

好快電話就響起…

『佢話好喎。』

「一定啦!嘻嘻…」阿kay喎…知道係我仲唔應承咩…

『咦…呢位係…』樂宜終於注意到阿彥隔離個個人…

「下?你仲未走嫁…」我驚訝…

『等lift呀…』邦文講『我叫做邦文,小姐你呢?』好紳士咁講…

『我…我叫做王樂宜。』樂宜回應…

『哦…好名好名…』邦文造作咁點點頭…

『你叫做邦文…即係你係邦彥既…』

『我係佢細佬,無錯,我地今日一齊出黎嫁。』邦文講

「下?!」我大嗌「邊到…」

『你地一陣食野?』邦文打斷我講野…

『嗯…』樂宜點點頭

『去邊間?』

『abc餐廳…』樂宜講

『哦!』邦文拍一拍手『個間呀…呢期好出名嫁…』

『嗯…所以我同一個fd,佢叫阿kay…一陣會去早d排…唉,都唔知要排幾耐,
最衰kay啦!佢話好想試個個乜野朱古力奶油波菜煙肉意大利粉…』

「樂宜!」我想同樂宜講叫佢唔好理邦文…佢唔係善類…

『不如等我幫你地?』邦文打斷我講野...

「下?」幫乜野呀…

『其實個間野…點講好呢,我識得個老闆個女。』邦文笑一笑
『所以如果我打比佢,佢應該可以幫我地留個五人位…』

「點可以…」五人位…我地點睇都係四人啦…即係…

『真係!?』樂宜雙眼發光『好呀…邦文…唔該哂…不如你一齊黎?』

『呃…其實我都未諗好今晚食乜野啦…』邦文笑一笑『你地唔介意既話…』

「介!」

『點會呢…』樂宜搖搖頭

佢都講左五人位即係預埋佢自己啦!
樂宜!妳而家引狼入室呀!
 
『咁就好啦…』邦文笑一笑『啊,lift到啦…』

『呀…我都要走先,其實阿kay都就到。』樂宜同我地講

「呀…樂宜…」妳咪即係要同邦文同lift…危險嫁…

但未講出口…lift就關左,

失敗。