229.


『小蔚…』阿彥望住我…

「可惡呀…你細佬…」我終於講出口…

『佢雖然份人係怪怪地,不過本質唔壞既…』

「係咩?」我望住阿彥「我唔覺囉!」



『因為妳岩岩識佢姐,小蔚。』阿彥笑一笑『而我就識佢已經差唔多十六年。』

「咁…雖然係咁…」

『繼續行啦…小蔚。』阿彥牽住我隻手

「嗯…」

離食野時間,仲有一個鐘,所以我同阿彥就繼續行旅行社…


但行到最後,我地都未決定好,因為有d旅行社星期日無開到…

「不過至少…有兩個都睇得上眼既…台灣...定日本好呢...」

『一於搵日放學我地再黎過。』

「嗯…其實我真係估唔到阿彥你會諗到去旅行呢個驚喜…」

老實講,之前幾日先送完生日禮物…
講真,要再諗一件真係驚喜既事真係唔容易…



「阿彥…阿彥…阿彥!你太好啦!」

『其實…』阿彥有d尷尬…『唔知應唔應該同小蔚妳講。』

「我乜都樂意聽。」我拍一拍心口

『其實我原本真係對個驚喜好苦惱。』

「嗯…」

『但妳知啦…搵人商量始終唔係咁好既…』

「嗯…」



『但佢好似知道我煩惱咁…所以黎幫我…』

「下…?」

『咁我地就商量啦…我將我有既提議話比佢知…佢再同我慢慢分析…』

「邊…邊個佢?」

『樂宜。』阿彥回答『係佢建議我同妳去旅行。』
 
又…又係樂宜…

『佢話…女仔…一定好想同鍾意既男仔去一去外面世界。』阿彥講

「樂宜…」



『咁我又有呢個金錢喎…所以我覺得呢個建議好唔錯。』

係唔錯…但係…

『我係咪好無用?小蔚…』阿彥望住我『咁都要人幫我…』

「唔…唔係…點會呢…最重要阿彥有心嘛...」

一開始,唔應該提起呢個話題…
我唔應該…再知道有關樂宜幫助我既事…

『咁我呢......就只有祝福你地
樂宜…係個日妳講既野…妳一直都係灌切到底…



『小蔚?』

「唔…一於去台灣啦。」我同阿彥講

『下?突然決定好既…』

「諗下諗下都係平d好。」

『但係…』

「唔好但係啦,機票酒店平d,只係因為我想係旅行到食哂你其他錢咋!」

『小蔚…』阿彥呆一呆,之後微笑『嗯,我d錢隨便妳食。』

*



『啊…表姐妳黎太好啦!嘻嘻…』阿kay一見到我就笑一笑…

我望一望佢隔離既…邦文,佢果然黎左!可惡…
然後係樂宜…佢企係邦文隔離…岩岩…應該無野掛…

「妳地岩岩去左邊?」我問阿kay…

『信和呀!』阿kay回答『邦彥你細佬好勁呀,周圍都識人既!』
然後佢舉起佢部iphone…係新既殼『呢個殼免費嫁!原本買要成2舊水!』

連送禮行動都出埋…你估你係送禮勤呀?

『過獎啦kay…我只係咁岩識人姐…係呢,』邦文轉去望樂宜『小樂,妳鍾唔鍾意個殼?』

小樂!?小樂!?
我即刻行去樂宜到,之後拉佢過黎…

『家蔚?』樂宜驚訝…

「妳手機…有換殼?」我問樂宜…

『佢朋友都有送…不過我未換…』

「唔好換!」我同樂宜講

『下?』

『呀…』邦文行埋黎『小蔚係咪都想要殼呢?同我講聲就得嫁啦…』

「唔需要囉!我要既阿彥自然會買!」

『點同呢…我fd個d限量版…阿哥有錢都買唔到…』

「總.之.就.唔.要.你.既!」我向邦文吐舌…

睇黎我唔應該再隱藏自己對邦文既厭惡…如果唔係…
樂宜…阿kay…佢地就會好危險!
 
『家蔚?』樂宜見到我向邦文吐吞有d驚訝…
 
「我地行囉!樂宜!」今次我…拖住樂宜隻手…一齊行!
 
『家…家蔚?』
 
「樂宜妳識去嫁可?」
 
『嗯…』
 
『唔洗咁心急喎!』阿kay講,之後快步追上黎…邦彥同邦文都係…
 
樂宜隻手…自從迪士尼之後都無再拖過…我幾乎唔記得係點…
好細少…但都好溫暖…
 
去到abc餐廳,果然好多人…如果正常咁排…
肯定要排超過兩個鐘…
 
『正常排呢,就肯定要兩個鐘。』邦文講左我諗既野『但係…』
 
佢行去同個侍應講兩句之後…
 
『有位啦…仲要係vip房。』
 
『嘩!邦文你真係好勁!』阿kay講
 
一間餐廳有vip房,唔係掛?
 
然而,入到間房,真係唔到我唔信…
 
『平時係用黎比d大客…或者唔想露面既明星食。』邦文解釋
 
『嘩…而家我地咪好似明星咁囉…』
 
『可以…放手啦…』樂宜細細聲同我講
 
「啊…係…」所以我放開左…
 
然後,坐位大至係咁…
 
空位 邦文 阿彥
阿kay 樂宜 我
 
『你地可以隨便叫…』邦文講『個老闆話可以計我地半價。』
 
「車!」我即刻回應「又唔係免費…乜野隨便叫!」
 
『家蔚…你好似怪怪地咁既…』樂宜細細聲同我講
 
「一陣同妳解釋!」我同樂宜講
 
好快就會拆穿你真面目!邦文。