233.


「所以係發生乜野事?」返到屋企,我問堂兄堂姐…

『無…我只係下定決心要同阿芬講清楚…話我同佢既關係只係一場誤會…』
堂姐托住頭…沮喪咁講『然後雅芬突然就拎起把刀…』

『而我咁岩係附近經過,』堂兄講『咁我當然衝出去想保護阿妹…』



『你只係一個跟蹤狂!』堂姐無名火起『你出黎令到阿芬更加激動呀!』

『又係我既錯?』堂兄無奈咁講

『唔係咩!係咪因為佢!因為佢妳先拋棄我!?,阿芬一見到你就即刻講…』

『又…又好似係…哈…哈哈…』堂兄RR鼻講

『我而家都唔知點好啦…』堂姐講…



『訓返晚佢會無事嫁啦。』堂兄講…

『你就想…』堂姐搖搖頭『無你咁好氣,我返房。』

『一齊?』堂兄都企起身,

但想入房個陣,”碰!”堂姐大大力關門,結果打中堂兄個鼻…

『啊…呀…』堂兄痛苦咁禁住個鼻…



『抵你死呀!變態跟蹤狂!』房入面既堂姐大嗌…

堂兄望住我,之後笑一笑『衰左。』接住講

點會呢,堂兄…

雖然堂姐係咁講,但我相信門既另一面,堂姐佢而家係笑更。
 
『咁我走先啦。』堂兄背返起個袋之後同我講
 
「下?」係到訓咪得囉「點解唔留係到?」
 
『其實我係附近租左旅館,如果唔住咪浪費左D錢囉。』
 
「但係…」


 
『而且,我聞到呢間屋仲有多一個女人氣息。』堂兄聞一聞之後講
 
「你係狗呀!?」連芷螢係房到訓更都知!?
 
『所以作為一個健全,身心又健康既男人,我唔應該留係到。』堂兄RR手臂講
『如果唔係獸性起上黎,我驚我會做錯事。』
 
「咁係咪性騷擾呀?」
 
『喔,堂弟你果然有做女人既前途。』堂兄呵呵咁笑
 
「點都好啦,我信得過堂兄你。」我講「住埋今日中止左個租返黎訓廳啦!」
 
『呃…如果我個妹肯既話…』


 
「佢一定肯。」
 
我好有信心。
 
*
 
第二日,堂姐好早就起左身…
 
『阿哥呢?』堂姐望一望周圍…
 
「佢返左旅館訓…」
 
『係呀…』果然,堂姐露出一點點失望既神色。
 


『阿哥?』芷螢一臉疑惑…
 
「一陣同妳解釋,芷螢。」我望返堂姐「堂姐…同堂兄講啦。」
 
『下…講…講乜?』
 
「同佢講妳未放得低佢…」
 
『點…點得喎!而且我都話過我唔肯定…』堂姐彆扭咁講
 
「真係…?」我企起身…望實堂姐…
 
『下…』
 
「真係…未放低佢?」我學琴晚追問堂兄咁追問堂姐…


 
『我…』堂姐斜斜咁瞄住門口…
 
但而家門關左…堂姐無得走…
 
「係唔係呀?」妳一定要面對呀!
 
『我…我…我要跳窗啦!!!!』堂姐激動咁跑去窗口!
 
『呀!』「下!?」我同芷螢即刻跑去捉住佢。
 
樂宜到個陣,我仲係梳化到禁實堂姐…拜託芷螢去開門…

『你地…玩更摔角?』樂宜有d愕然咁問

「唔…唔係呀!」

『比…比我跳啦!』因為堂姐係咁掙扎,所以我係咁食波餅…

「妳跳左堂兄,點喎!」我接住講

『唔好提佢啦!我唔想聽到佢個名呀!』

「堂兄都唔係佢個名!」

結果,因為唔可以因為咁遲到,所以點都係要放手…

「唔迫妳啦…唔好做傻事呀…」我同堂姐講

『就算唔跳…』堂姐雙眼水汪汪『阿芬佢都會黎隊死我…』

唔洗咁消極掛?

『阿芬?』樂宜疑惑咁望住我

「即係miss lee…」我同樂宜講

『下?』佢聽完更加疑惑

「一陣出去同你地兩個解釋…」我同樂宜芷螢講

*

『估唔到…miss lee同柔姐姐…』樂宜一聽完…好驚訝

「我都係咁諗…唔知miss lee佢…今日會點呢…」

由其琴晚比我望到個件事…

結果…『今日miss lee請左假。』副班主任陳sir入黎講

『唔係掛?』『miss lee喎!』『點會嫁?』

由同學既反應睇得出,miss lee平時都唔會請假…

果然呢件事…真係好嚴重?
會唔會一日未解決呢件事…miss lee都會唔返呢…

所以,今日既英文堂係自由時間…

我望一望前面既”紫晴”,講開又講…
已經好耐無去過佢地個邊…唔知偽”子朗”呢期點呢…

啦…我唔係掛住佢呀!只係唔放心,唔知佢會對子朗同紫晴既身體點姐!
我拍一拍”紫晴”既背脊,佢即刻成個人震一震,結果嚇到坐佢隔離個個女仔…

『家…家蔚?』然後”紫晴”另轉頭望住我…

同上星期一樣,”紫晴”今日都係臉露疲態…
跟之前佢同阿芝拍拖個陣容光煥發完全係兩個人。

唔通…偽”子朗”真係晚晚都調教”紫晴”?
但呢個只係基於佢再同阿芝來往姐…佢應該唔敢嫁?
 
「其實…」雖然講出黎有d尷尬「係個日之後你同你家姐而家點?」
 
『我…』”紫晴”再震一震『可…可唔可以出去先講?』
 
「嗯。」我點點頭
 
鏡頭一轉,我地而家係洗手間…
 
「所以呢…」我望一望周圍,無其他人。
 
『假家姐佢…設左我門限。』
 
「下?」我驚訝…門限,乜野年代呀?
 
『嗯…』”紫晴”尷尬咁講『佢限我每日五點前返屋企…如果唔係…』
 
「如果唔係…」
 
『就…嗯…就好似個晚咁…嗯…』”紫晴”扭扭捏捏咁講
 
唔怪得…”紫晴”每日放學都走得咁急啦…
 
「得…」我阻止”紫晴”講落去「完全明白,咁你同阿芝…仲有無聯絡?」
 
『有…傳過短訊既…』”紫晴”講…
 
「所以你都係無同佢講分手?」
 
『我…始終…未…未放得低…』”紫晴”講『但我已經無再見佢嫁啦!真嫁!』
 
「我…我信你。」
 
如果無見…應該無問題掛?
 
「但我認真子朗你要知道一件事。」
 
『下?』
 
「阿芝佢家姐就係miss lee。」
 
『唔係掛!?』[red]"紫晴"[/red]驚訝『即係你地既班主任?』
 
「無錯…」我點點頭「所以你用呢個身份都係唔好同阿芝太親密好d…」
我決定講大話…「如果唔係比miss lee知道左…就好麻煩。」
 
『我…我…咁…家…蔚…你岩…』
 
老實講事實係咪咁我都唔清楚,
 
阿芝係les,可能唔多唔少都係因為比miss lee傳染,
我有個可怕既念頭…分分鐘,miss lee知道阿芝同佢一樣都係les會好自豪?唔會掛…
 
總之唔可以比miss lee,阿芝,”紫晴”三個人有交集…
 
啊呀呀,我真係多野煩!