235.


陳玲柔視角
 
係我暈低前,
果日既回憶好似走馬燈咁出現係我腦海…

「點解咁遲嫁?」我雙手抱胸,不滿咁問



『啊…岩岩巴士比一隻流浪狗擋住啊…』佢笑笑口咁回答

「下?」我不解…

『之後司機落車趕都趕唔走喎,咁我咪落車幫手囉…』

「what?」

『咁以我既魅力,隻狗女更係走左啦…』



「咁同你遲有乜關係?」

『點知!個司機一見隻狗走開就開車,留左我係外面!』

「咁…」我望一望佢…滿身大汗「唔通…」

『個度無可能再截車,我唯有跑黎啦。』佢哈哈咁笑一D都唔認真…

「你個袋呢?」



『留左係車到…好彩銀包係身咋…

「咁禮物…」

『啊…』

情人節禮物,應該無左啦?

佢點點頭…

「失敗…」

『sorry...』

「唔好Sorry啦,搵返個袋先啦!行啦!」



『嗯…』

凡事唔認真,玩玩下,比朋友甚至親戚話佢怪人。

但偏偏,我就鍾意佢呢點。

佢叫陳以達,我繼父個仔,而家,係我男朋友。
 
我同以達,去到巴士既總站服務台到…希望搵到任何失物通知…

『對唔住,並無任何失物既通知』車站服務員講

完全係意料之內既事。



「唉,都預左!」

『其實無野既…反正袋入面D野唔係好貴…』以達講

「咁即係…」我瞇起眼望住佢「份禮物都唔貴啦?」

『er...心意重要D既。』以達笑一笑

「你去死啦!」我拋低呢句就走左去。

衰人!就係唔認真!成日都當玩,乜都當玩!
就連情人節…我地拍拖一週年都係咁!

雖然表面我係嬲佢…但我知道佢一定會搵返我,帶住一份新既禮物。



所以我去左1224酒吧…佢向我告白既地方…
我今日無叫到酒,因為我知道自己酒品唔好,

今晚,我要清醒…

「梳打水。」我同侍應講

『咦?阿柔妳係到既?』

呀…係阿芬,
學校既師姐,今年係佢最後一年係英國讀

「阿芬…妳飲悶酒?」

『可以咁講,呢D節日嘛』阿芬無奈咁講『妳呢?』



「我?」

等更人…掛?
 
「但無理由嫁…阿芬妳咁靚…人又好!」

所以,為左解下悶,又唔洗比其他鬼仔聊,我決定同阿芬傾計…

『呢d係表面姐…其實我份人皮氣好差嫁…』阿芬邊飲邊講

「點會呢?點會呢?」

『係呢,點解唔飲下酒?』阿芬問『我請妳飲啦…』

「唔啦…我今日唔想醉。」我望返侍應「我要橙汁。」

『點解呢…因為妳希望個個人黎個陣妳要清醒?』阿芬問

「嗯…」我望一望手機,已經一粒鐘,到底以達佢點攪嫁?

『佢一定會黎既。』阿芬講『我相信。』

「希望啦…但佢份人真係好唔認真…」我搖搖頭「咁阿芬妳之後點打算?」

『我?』

「即係…讀完呢年之後。」

『我諗住返香港,可能返去教書。』

「下?但係教書咪浪費左妳既能力囉…」我記得阿芬既成績係好好...

『點會呢?』阿芬笑一笑

「但係妳讀到呢個學位…應該可以留係呢到發展…做更加好既野…」

阿芬搖搖頭『其實我有個細妹係香港個邊要照顧…如果做老師就可以抽更加多時間…』

「阿芬…妳…果然係好家姐。」

『或者啦…』阿芬講『因為家人既錯…所以我而家一定要努力。』

講返阿芬,佢阿爸阿媽因為家庭問題而離左婚,

阿芬跟左阿爸,佢阿妹就跟左阿媽,
佢阿爸因為無心照顧佢,所以就拎左一筆錢比阿芬過黎英國讀書…

一轉眼已經就快五年。

『努力…返到去我要證明我有能力…唔洗靠佢地都可以照顧我同我阿妹阿芝...』

「加油…」我拎起枝橙汁,同阿芬幹杯。

然後,就變成左我地互相安慰…不知不覺…

「三個鐘啦!」我伏係台到…心情越黎越差…「以達佢想點呀?」

『佢…』阿芬都開始擔心『應該無事掛…』

「佢一定無事!佢仲過得好好TIM,所以佢無我!我係佢心目中只係零!」

嗚…

『不如…唔好再飲啦…』阿芬講,其實佢已經飲左好多杯酒,但仲好清醒『我送妳返屋企…』

「阿…阿芬…妳…妳仲好佢一百倍!」我望住阿芬「係一千倍呀!」

眼前呢個人,點解仲未有男朋友嫁?

『妳咁講我會唔好意思…』阿芬笑一笑,之後企起身『黎啦…送妳返去。』

「以達…以達!!!」我將杯橙汁一飲而盡「我憎死你呀!」

阿芬幫我埋左單,我想比返錢佢都唔肯…
我地出左酒吧之後就上左的士…返去屋企。