238.


我…我好感動。
堂兄…竟然會去到求婚咁誇張…完全係超出預期。

原本我已經睇到喊哂咁…見到堂姐聽完笑笑口,
我仲以為一定會即刻應承...但竟然會就咁走左去…

不過係帶住隻戒指走…


尷尬嘛,我明既,堂姐。

『咁…咁即係點啊?』堂兄RR頭,之後望住我。

「即係…追啦!白痴!」雖然咁講,我都係好開心。

隔離既miss lee大大力推堂兄背脊…

『比到幸福小柔呀…唔係…下次你件衫上面個d就真係血!』



好可怕!

『係…係既!』堂兄向我地點點頭,之後就跑左去。

「加油呀!!!」我大大聲咁嗌…

之後,就得返我同miss lee…佢望住我…『妳應該肚餓啦?家蔚?』

「嗯…一放鬆之後就有少少…」



『我請妳食飯啦。』

「下咁樣…」

『無論以邊個身份我都應份咁做,學生定係好朋友既堂妹。』miss lee講

「咁…多謝啦…」好朋友嗎…

睇黎,miss lee佢真係放低左…到底堂兄同佢傾過d乜呢…
成日玩玩下,怪人一般既堂兄…認真既時候…唔通真係好厲害?

Miss lee,帶左我一間食意大利菜既餐廳…
D野食價錢真係唔平,攪到我又開始唔好意思。

『即管叫啦,唔洗理我荷包嫁…』



「但係…」連個沙律都$88…點叫得落呀…

『今日係我既重要日子。』miss lee講『幾多錢我唔在乎…』

雖然係咁,我都係叫左個價錢最低既意大利粉。

『所以…今日我無返到學,你地無唔聽話嘛?』

「點會呢…我地好自律嫁…」

『我當然清楚啦…不過照道理都要問下嘛!』
miss lee笑一笑,之後佢望住窗…『希望小柔佢…真係幸福啦…』

「佢一定會,我相信我堂兄。」我望住miss lee…我有種感覺…



雖然佢表面好接受到呢個結果…但佢心裡…唔多唔少…

「miss lee…」我…伸出一隻手放係miss lee隻手上面「有乜野…唔洗忍耐嫁…」

係想大喊出黎…

『但…但係…』miss lee眼濕濕咁望住我『呢到咁多人…』

我企起身,坐係miss lee隔離…「而家…就唔怕啦?」

『嗚…家蔚…』miss lee佢係佢呢一瞬間,放低左老師既身份…伏係我身邊…

將所有傷心既餘韻抒發出黎。
 


『嗚…嗚…』直到到意大利粉上菜,miss lee都仲喊更…
 
「新既紙巾呀…」我再遞一張紙巾比miss lee
 
好彩有紙巾係身,如果唔係我件衫一定會濕哂。
 
『嗯…嗚…』miss lee拎起張紙巾抹一抹『家蔚…妳真係好細心…』
 
「哈…哈哈…」我無奈咁笑一笑
 
『人又靚…』
 
「哈哈…miss lee都靚啦…」
 
『又成熟…』


 
「哈…唔好讚人啦…」比老師讚呢個感覺真係奇怪…
 
『胸又大…明明只係學生…』
 
「下?」感覺…好似over左?
 
『而且…』miss lee望住我『又係小柔既堂妹…』
 
下…下…下!?!??
 
『有…小柔既影子…』miss lee既嘴唇…微微既顫動…
 
點解我背脊會寒一寒嫁?
 
『治療失戀既良藥…家蔚知唔知啊…?』miss lee問…
 
「下…我…」
 
『就係…發展另一段感情…』
 
呢句野點解好似有味咁既!?
 
『家蔚…雖然妳有男朋友…』
 
唔得…「miss lee!妳既妝…化哂呀…」我要轉移話題…
 
『啊…下?』miss lee驚訝『我…我去一去洗手間先。』
 
「好危險!」miss lee行開之後,我同自己講…
 
真係好危險…差d…就會比miss lee順勢講落去…
佢係les,佢係les…我…我…唔係...
 
唔係…因為已經有男朋友…
 
到miss lee返到黎 (補好妝),佢好似已經冷靜返落黎,所以我地就開始食野,
結果,是日既晚餐係凍左既意大利粉…
 
原本miss lee仲想送我返屋企,但我拒絕左。
 
當初我就唔應該同miss lee兩個人食晚餐!啊呀呀…
 
感覺,之後既學生生涯會變得好危險!?
返到屋企,堂兄同堂姐佢地都係到…
 
『咦…堂妹返黎啦?』堂姐講,佢地而家…
 
拾更野?
 
「你地拾更野?點解既…」
 
『我同阿…以達佢…遲幾日會返去英國。』堂姐回答
 
堂兄係隔離點點頭
 
「下?點解…」
 
『因為…』堂姐尷尬咁用右手手指掂自己左手既無名指
『你今日都知道嫁啦…以達佢…同我求婚。』
 
「嗯…」
 
『咁…咁係電話到唔好解釋既,所以我同佢會返一返英國同屋企人解釋…』
 
「咁…咁…」我忽然…又變得好空虛…
 
我同堂兄堂姐…又要分開…?
唔會掛…
 
但諗真…佢地本來就係住係英國…留係個邊都好正常…
 
「唔會再返黎…?」
 
『點會呢!我工都無辭到!』堂姐講
 
「下?」
 
『無錯,我大茶飯都未食!』堂兄接住講
 
「咁…即係…」
 
『我同以達已經決定左,係個邊既事攪掂之後』堂姐向我笑一笑
『會試下返黎香港呢到生活,睇下適唔適合自己…』
 
堂兄點點頭
 
「咁…太…」我心中既喜悅…已經唔可以再忍耐「太好啦…」
 
『不過呢次返去都唔會好快返,我諗都要一個月…』堂姐講
『但我應承家蔚你,我會同你一齊面對uncle…』
 
「即係新年前你地會返黎…」
 
『嗯。』堂姐點頭『所以家蔚你可以放心,你唔會一個人面對。』
 
『uncle有我幫口一定無事既。』堂兄自信咁講
 
『到時我唔會比以達你在場。』堂姐講
 
『what!?』
 
『你只會令件事發展得越黎越奇怪。』
 
「無錯。」我點頭
 
『咁係讚更我?』堂兄講
 
『no!』「唔係囉!」我同堂姐同時講
 
『如果到時…uncle唔要你…』堂姐笑一笑『就過黎同我同以達一齊住,真真正正咁做我妹妹。』
 
「堂姐…」
 
『嗯,到時得閒可以一齊玩下3p,啊!?』堂兄即刻比堂姐踩左一腳『係3G啊!』
 
『3G點玩啊!』
 
即將既告別,只係相當短暫,一諗到呢點…
喜悅既眼淚…又開始流出黎。