239.


轉眼間到左星期四,
因為要返學既關係,所以今日送唔到堂兄堂姐佢地…

『不過,都係一個月姐。』行返學既途中,樂宜同我講

「嗯…好快就可以再見,不過屋企感覺又要冷清啦…」



『咩喎,仲有芷螢丫嘛!可!』樂宜同芷螢講

『係囉,仲有我嘛。』芷螢回應。

「但芷螢妳成日都唔點講野…」

有證據嫁,之前係屋企既對話好似無左芷螢咁,你地一定以為我忘記左,其實係唔咁囉...
只係佢一係訓更教,一係就係旁邊食花生,一句野都無講到。

「作為一個女仔應該要識交流嫁嘛!」我同芷螢講



『但係…我本來就唔係女…』

「但妳而家係!所以就要習慣下。」

『但係…』

「唔好但係啦!我作為妳親人就要教妳!」

『噗!』樂宜笑左出黎



「樂宜?」點解笑喎!?

『我諗起當初既表哥。』樂宜講『哈哈哈…』

「下…我當初係點嫁!?」

『咪又係好似而家既芷螢咁,不善交際朋友都唔多個…但而家…』樂宜滿意咁點點頭

「下…乜係咁…咁…咁其實…都係多得樂宜咋…」

『多得我?』

「如果唔係樂宜…就算我變左女仔…我都一定好寂寞…無人無物…」



『點會呢…』樂宜笑一笑『你而家可以咁都係因為你一直努力。』

我…一直努力?

『對每個人…都好真誠…溫柔咁對待…邦文唔算啦!』

「唔好提呢個人啦!」又邦淫…

『其實邦文真係唔係咁壞姐。』樂宜講

「下…」

『我明白家蔚你嬲邦文一定係有d原因。』樂宜講『但如果你肯對耐d一定會改觀…』

「對耐d…樂宜妳…」



『嗯,我琴日先同佢食完飯。』

「無…無野發生嘛!?佢有無對妳…」

『無,佢係認真咁教我英文,仲有,最後埋單真係我比,而且個數都唔少。』
樂宜講『當然,平過本書啦…』

「真係…?」

『昆你做咩呢!』樂宜笑一笑『行啦,再唔係遲到啦!仲有,芷螢,得閒就出下聲啦!』

『下...』

『唔係作為妳家人之一我會唔開心嫁!』樂宜調皮咁講...



係咪我錯覺...我硬係覺得...昔日既樂宜...好似返左黎咁...
但今次...原因...睇黎...唔係因為我?
 
唔會既…就算唔係因為我…
樂宜都唔會係因為邦淫…先會變成昔日既佢…
 
唔會既…
 
但係…
 
「樂宜…妳咁難得係學校會拎起部電話喎…」
 
『下?』樂宜反應唔切…
 


「同更邊個whatapps?」
 
『唔…邦文。』樂宜照直講
 
連午飯時間…
 
『我去打個電話先…』樂宜同我地講
 
『下…樂宜有電話?屋企人?』阿kay問
 
『唔關妳事啦…』樂宜講
 
『神神化化!』
 
如果我無估錯…電話…又係邦淫…
 
到底…到底邦淫對樂宜用左乜野魔法呀?
咁…咁到底好唔好…好唔好啊…
 
「呀呀呀呀呀!!!我好煩惱呀呀。」係女廁,我見無人就自言先語起黎…
 
『家蔚?』但原來miss lee係到『同學?』
 
「miss lee…」咁岩既?
 
自從個日之後miss lee就返返學校,變返開朗受人歡迎既佢…
但係…應該唔係錯覺…miss lee對我…同之前既態度好似唔同左…
 
呢個真係麻煩點黎嫁!
 
『妳好煩惱?有咩唔怕同老師講嫁。』miss lee拍拍心口講
 
「無…其實唔係大問題黎既…」
 
『咁不如就聽下老師我既故事?』miss lee開心咁講
 
「下…」唔係咁好…
 
但我連拒絕機會都無,就比miss lee拉上天台。
 
『呢張係我同細妹既合照。』坐低之後,miss lee拎左張相比我睇…
 
我望一望,雖然係舊相,
但我認得佢…果然…miss lee個妹就係”紫晴”個個阿芝…
 
「好…好可愛呀…」但我都係攪唔清楚點解miss lee要比我睇呢d相…
 
『係呢…遲下介紹比妳識呀…反正,係應該識既!』miss lee笑笑口講
 
應該識…應該識!?到底係乜野意思呀…
 
『另外呢張…就係一張好舊既大合照…』miss lee又拎一張相…我無奈咁拎黎睇…
 
果然係大合照…有好多唔識既面孔…
而且真係有返咁上下歷史…
 
「呢個係妳?」我指住入面一個細路女…
 
『係啊…係咪仲可愛過阿芝呢?』
 
「係…係既。」咁樣…miss lee後面既…應該係佢地離婚既爸爸媽媽…
 
然後…有個人竟然吸引到我…佢係正中間坐更輪椅…
 
「miss lee…我有個問題…」
 
『隨便問。』
 
「你爸爸媽媽係姓乜野…」
 
『家蔚…』miss lee露出失望既神情『我姓乜爸爸咪姓乜囉…』
 
「呀…係喎…」
 
『至於我媽媽…佢姓于。』
 
我聽到答案之後…心中忽然激動起黎…平伏唔到…
但而家…需要既係冷靜…