241.


時間一轉,就轉入去考試週…
同上次統測一樣,濃濃既溫書氣氛又直捲成個課室…
 
不過,最緊張既一定係…
 
『點…點算好…家蔚…』”紫晴”慌張咁講…
 


唔知有無解釋過呢,子朗佢讀文科既…而紫晴就理科…
所以…子朗而家既情況比當初既我更嚴重…
 
當初既我…只係惡補一科已經用左唔少時間…
而家既子朗…真係唔敢想像。
 
原本上下堂…交功課…都可以靠樂宜同我幫手攪掂…
 
但而家係考試,幫唔到…又無可能出貓…
 


「我都…唔清楚…」我望一望樂宜,佢都好焦慮…
 
最重要,就係時間相當緊迫…之前忙住其他事情,完全忽略左呢件事,
子朗佢…都係直到考試週既星期一…先同我地講…
 
太遲啦掛!?係咪先!
 
『不如…試下問冰瑤睇下幫唔幫到手?』樂宜問…
 
「冰瑤…的確可能…幫到…」


 
如果冰瑤可以幫我攪到個學位…即係佢同校長都有交情啦…
或者…有辦法可以通融下?
 
「嗯…就咁話。」我企起身「我今晚去搵冰瑤商量…」
 
『而我…就同芷螢盡量幫子朗佢惡補下d科目…』樂宜望住”紫晴”
『如果tip題,我估合格…應該得掛?』
 
樂宜自己都好無自信。
 
「合格…以紫晴本身既成績…一定唔夠…」
 
『咁…咁又係…』
 


如果只係合格…或者更低…
老師佢地…一定會失望…甚至懷疑…
 
如果而家既”子朗”仲係紫晴既話,佢一定可以幫到”紫晴”…但係…
 
『佢唔出黎我無辦法哦。』偽”子朗”講
 
偽”子朗”當然係採取who fuckin’ cares既態度,
點做人家姐嫁!雖然係假嫁姐!
 
「但妳唔會有紫晴讀書既記憶咩?」我問偽”子朗”
 
『nonono~』偽”子朗”搖搖頭『我既記憶只有對家蔚既愛哦。』
 
「紫晴!」我起勢咁搖偽”子朗”「重要既考試呀!妳唔好再收埋自己啦!」


 
『啊…啊…呀…呀…』
 
「危急存亡之秋也呀!」
 
『暈…暈啦…』
 
結果,當然係無用。
 
*
 
結果…個晚打比冰瑤,

『只要有試題就得啦。』冰瑤就咁拋低一句…我都未反應都切佢就收左線。



然後到第二朝…

『考題已經寄左去紫晴屋企。』冰瑤好早就打比我…

「下?」點解可以咁高效率嫁?

『有問題?』

「無…無呀…」

『咁得啦…再有難題就搵我啦…』

「拜…拜拜…」

冰瑤…到底呢個世界有乜野難到妳嫁?


到底...有無人可以去到冰瑤既層次呢…

又聰明…又萬能…我腦海到…忽然浮現一個人樣…

邦淫…

唔會既…佢同冰瑤差得遠啦!佢只係一個靠人脈既花花公子!
而且…人品又差…而家仲想追樂宜…樂宜…樂宜…

邦淫…樂宜…邦淫…樂宜…可惡…

到我醒覺個陣,我原本寫更試題既筆記成頁都係邦淫樂宜四個字,
所以,我決定落去食個午餐,順便買返本新既筆記。

我久違地去樓下既茶餐廳食野…

『好耐無見啦…家蔚。』一入門口就見到阿理…

阿理又染左髮,不過今次係深啡色,所以比人感覺好有活力。

「咦…染左髮喎…」

『唔…好多朋友都話見唔慣我黑髮,但我…』阿理有d尷尬『又唔想染返金髮。』

「咁幾好啊…我好鍾意呀…」如果男仔個陣既我染呢隻色…應該都好唔錯?

唔係喎…就算我女仔染呢隻都會幾好睇呀…
不過仲要返學…無可能…到暑假就可以試下。

『都係照舊?』我坐低之後,阿理問…

「嗯…唔該哂!」

自從婚禮之後,我就無再見過阿理,
我其實曾經試過約佢睇下波,但佢好似有心避我咁。

波係一齊睇先好睇嫁嘛…

『今日杯咖啡點?』食食下,阿理坐埋黎緊張咁問…

「唔?」我飲一啖,同平時又好唔同,不過…「唔錯喎!」

『係我沖既。』阿理笑一笑『而家有機會我可以係水吧幫下手…遲下或者可以去廚房幫手。』

「咁…咁咪好囉!係機會黎嫁,比人見識你既廚藝...」

『嗯…係啦...家蔚...』阿理望住我…然後又望向第二個方向『都係無野啦…』

「阿理?點解講講下又唔講…」

『無…其實好難講出口…』

「講啦…係咪有乜野要幫手?雖然我考更試…但我都幫到你嫁…」

『家蔚…』阿理深呼吸一口氣『女...女...』

女...女?

『女朋友...可唔可以做我女朋友?』
 
「下」

岩岩…阿理講左d乜…
做…做佢女…女朋友…女朋友!???下下下下下!?