242.


我激動咁彈起身「我…我…」

『啊…』阿理驚訝咁望住我,然後佢都企起身

「我…我咪講過我有男…男朋友囉!個次婚禮個男仔呀!我…我我我…」

『咪住…家蔚…』阿理舉起雙手



「我諗我地都係唔好再見啦…拜拜拜…」我手震震咁係銀包到拎起張五十蚊..

『妳誤會啦!』

「下?你…你你你你岩岩講到咁白…」

『其實…其實係我太緊張!』阿理解釋『妳坐返低先啦…』

「但…但係…」



但阿理只係望實我…真誠地...

「真係誤會左?」

佢點點頭

「唔係要我做…你女朋友?」再問…然後慢慢坐低…

『又可以話係…又可以話唔係…』阿理都坐返低『呃…真係唔好意思講出口…』



「唔…咁我走嫁啦?」諗諗下,都係唔好再留係到…

『唔好呀!』阿理焦急咁講『其實…家蔚妳知道我已經無屋企人。』

「嗯…」爸爸走左佬…媽媽又過左生…

『但我其實仲有同舅父佢地來往。』阿理接住講

「嗯…」

『佢地擔心我一個人…生活唔好…呢樣個樣…所以問我想唔想返大陸發展。』

「返大陸…?」



『佢地係大陸有公司…可以請我入去做文員…但妳知道…我既志願係想做廚師。』

而且…
我望一望廚房個邊…阿理就快就有機會幫手…

『雖然文員個工錢都幾吸引…但我都係拒絕左…但佢地好堅持…』

「嗯…」

『所以我講左個大話…』阿理dup低頭『話我係香港有女朋友…唔舍得離開佢…』

「下…」我張開口「咁樣…」

『但叔叔阿姨竟然話星期六想落一落黎香港…』阿理個頭dup得更低
『黎玩兩日…順便見一見我個女朋友…』



我…大概已經明白阿理想點…

『其實我女人緣唔係咁好…』阿理講『家蔚妳…係我…少數既女性朋友…』

「呃…」阿理…

『都係算啦…唔好勉強自己…』阿理向我笑一笑
『話哂家蔚妳真係有男朋友…無必要幫我…我自己諗辦法啦…』

阿理…如果我唔幫佢…佢就可能要同佢理想講再見…仲有離開香港…

「係你叔叔阿姨面前…扮係你女朋友…一兩日?」我講出黎…

『家蔚…妳可以?』阿理慢慢抬起頭…



如果…只係一兩日…應該…無問題掛?
 
「我…我諗…可以既。」我最終回應...

『真係?』阿理有少少激動咁緊握拳頭...

「係扮咋…一兩日咋!而且我都要留返d時間溫書…我呢兩週都係考試週…」

雖然下星期一係放假…但都要溫嫁嘛!

『嗯…保持聯絡啦,我會盡量唔煩到家蔚妳,唔該哂呀!』

「唔洗…唔洗。」我搖搖頭「朋友黎嫁嘛!」



『朋友…』阿理愕然望住我...之後笑一笑『嗯,朋友。』

「就咁話啦…我要返去先啦。」我再拎起銀包…但阿理阻止左我

『當係多謝妳…呢餐我請啦。』

「下…」

『細數目之嘛。』阿理堅持...

「咁就多謝啦。」

返到屋企,我又開始煩惱起黎,
到底…應唔應該將呢件事話比阿彥知?

雖然我覺得阿彥聽完一定唔會反對我...
不過,唔知佢心入面係點諗…

因為…話哂係自己女朋友扮人地女朋友喎…
我諗就算點大方…心入面都會唔開心…

『家蔚妳呢個擔心好合理。』係電話到,冰瑤講…

「係呢…」

『如果比著係我就唔會話比阿彥聽…』

「冰瑤妳都係咁諗?」

『因為咁樣刺激d嘛。』

「哈…哈哈…咁又係…」對冰瑤黎講刺激比任何野重要。

『不如…交比我?』樂宜講

我,冰瑤,樂宜其實係3lines更。

「樂宜?」

『我可以叫邦文幫我留意下邦彥既行程…反正而家係考試週…邦彥應該長時間都係屋企既...
只要唔比任何邦彥撞到你同阿理既機會…咁就算表哥你唔話比邦彥聽都無問題啦…』

「咁又係…但係…邦淫...邦文信唔信得過嫁?」

『放心啦!』樂宜自信咁講『我信得過邦文!
但如果佢係出賣我既,咁我咪可以睇清楚佢囉!』

樂宜…真係有心想睇清楚邦文…?
咁…咁的確係一石二鳥既好計喎!

『呢個建議唔錯。』冰瑤和議

「咁…拜託妳啦…樂宜…」

『包係我身上!』

結果,呢件事我就無話比阿彥知…
好快好快…就到左星期六。