243.


星期六既朝早,我好早就起左身…
 
「有d緊張tim…」
 
點解緊張呢,一來係扮人女朋友…
二來仲要係類似見家長咁既活動…
 


我選左條連身裙,再加上樂宜送個件橙紅外套…
 
「好合身!」
 
『家蔚…』芷螢睡朦朦咁係房到行出黎『你要出街?』
 
「嗯…早餐陪唔到妳食啦…」
 
『但…唔洗溫書咩…陪邦彥?』
 


「唔係啦…其實係要幫一幫朋友…」
 
『男仔?』芷螢問
 
「其實妳都見過嫁…係婚禮叫阿理個個男仔…」
 
唔知點解,芷螢一聽完身體微微震一震…
 
『陳佑理?』
 


「係呀…」咦…點解有種奇怪感覺?「妳都知道佢就快改姓?」
 
『下…佢唔係…呀…』芷螢窒一窒『係呀…我知道…但你出去無話比邦彥知?』
 
「嗯…其實唔係重要事…」
 
『呃…』芷螢若有所思『咁早D返啦…今次考試唔容易。』
 
「得啦我要做妳榜樣嫁嘛!拜拜~」
 
原本阿理想係樓下接我,但係以防萬一,我叫佢唔好…
所以我地約定左係地鐵站等…
 
阿理一早已經到左…佢一望到我…招呼都無打…只係企係到…
 


「係咪…著得唔好睇?」咁奇怪望住人…
 
『唔係…唔係!』阿理醒覺『妳好靚…真嫁。』
 
「嘻嘻,咁就好。」
 
因為要見人嫁嘛,所以我選左套幾鍾意又成熟既衫黎著嫁!
同阿彥一齊就唔同呢,多數係選D可愛活潑D既…
 
「咁…我地而家去關口等佢地?」
 
『唔洗…佢話唔洗麻煩我地…』
 
「咦…睇黎佢舅父舅母都幾好人?」
 


『係掛…』阿理講『佢叫我地直接係尖沙咀等就得…』
 
「嗯…佢地想買野?」
 
『嗯,一來啦,二來佢地都想係海旁睇下。』
 
「咁行啦…」
 
『嗯…』阿理緩緩舉起佢隻右手…
 
「阿理?」但我唔知點解…
 
『啊我又傻左…』阿理笑一笑,收返埋隻手『我諗到時我地要拖下手…如果唔係…』
 
「哦…而家唔洗啦!唔洗咁緊張喎!」我同阿理講


 
我呢個假冒女朋友都無你咁緊張啦!
 
到左尖沙咀站,未出閘之前阿理已經見到疑似佢舅父舅母既人…
 
『可以…拖手嗎?』阿理襯佢地未發現我地之前問
 
「嗯…黎啦…」
 
『家蔚…一陣佢地問問題如果難答就由我黎…』阿理講『妳唔洗點出聲嫁。』
 
「嗯…』
 
然後阿理就捉住我隻手…
佢隻手…唔知係咪廚師既關係…感覺比阿彥隻手粗糙…


 
但都好溫暖。
 
『好耐無見啦。』舅父一見到阿理就拍一拍佢肩
 
我原本以為佢地係大陸生活所以會講普通話,
但點知都係粵語,我鬆一鬆口氣,
 
至少,唔洗用半桶水既普通話同佢地溝通。
 
『嗯…』
 
「uncle,aunt你地好…」我好有禮貌 (至少我覺得係) 咁同佢地打招呼。
 
『嘩…呢個就係阿理你個女朋友?』阿理舅母講『黎黎,抬起頭。』
 
我望住舅母…佢比想像中年輕,我估應該只係四十出頭…
 
『好靚女啊…又有禮貌。』阿理舅母滿意咁點點頭
 
「過…過獎啦…」
 
『咁我地行啦。』舅父講『你地食左野未?唔介意陪我地飲茶嘛?』
 
「點會呢?」『點會呢?』我同阿理同時答「呀」『啊…』
 
『果然係男女朋友!真係夾姐!』阿理舅母講,舅父係隔離滿意咁笑
 
「哈…哈哈…」
 
去到茶樓,阿理去左拎位…而家得返我地三個…
 
『妳叫家蔚可?』阿理舅母問
 
「係呀…」呢條問題易答。
 
『妳同阿理拍左幾耐拖?』阿理舅母再問
 
「都有一年嫁啦。」呢條我同阿理夾過,都易答
 
『妳而家幾多歲?係咪讀更書?』阿理舅母繼續問
 
「呢層…」死火…
 
『唔好咁心急啦。』阿理舅父講『入到去坐低先慢慢傾啦。』
『係既…係既。』阿理舅母講『啊…阿理識到個咁好既女仔,
佢媽媽在天之靈一定好開心姐,係咪呀?』
 
『嗯…』阿理舅父點點頭『我個妹一定好開心。』
 
好彩,阿理舅父舅母都係好人…咁樣…呢兩日應該無問題既。
 
『黎,隨便叫啦,唔洗客氣。』一坐低,阿理舅父就拎左張紙比阿理…
 
『係囉,最緊要識得飽。』阿理舅母講
 
『其實小蔚都唔係食好多野。』阿理一路填一路講
 
小蔚?
 
「係…係呀...」
 
『我就係唔明點解香港女仔都鍾意瘦。』阿理舅父講『一d肉地都無。』
 
「著…著衫好睇d嘛…」
 
『係囉!老公,你睇家蔚瘦瘦地著得幾好睇!我地既思想過時嫁啦!』阿理舅母講
 
『或者啦,哈哈。』阿理舅父笑住講
 
『小蔚妳想食乜野?』阿理細細聲問
 
「隨便得嫁啦…其實我唔係好肚餓…」我同阿理講
 
阿理點點頭,之後就交左張表出去。
 
『係呢,唔介意我繼續問嗎?家蔚,妳而家讀更書?』阿理舅母繼續問
 
『係呀…』阿理搶先答『佢讀更香港大學法學系…』
 
「下?」我驚訝…
 
香港大學?仲要法學系?