247.


星期二,考完試之後我地又出去食野…一出到門口…

『HI…』邦淫又企係…個日比書樂宜既位置,向我地揮手

『咦!?邦文!?』阿kay驚訝咁講,今日佢係到...

「又係你!」我一見到邦淫就好自然咁煩躁起黎…



『一考完試就見到我係咪即刻放鬆哂心情呢?』邦淫笑一笑

「你認為呢?」

『我其實又係黎比書小樂姐。』邦淫再講,然後係袋到拎起本書

『又買到?呢本明明絕版…』樂宜接過本書之後好驚訝…

今次係透明包裝,但因為英文,所以唔知係乜野書...但好明顯真係學術用。



『完全無難度。』

車,懶叻!

『嘩…』雖然唔係好大聲…『哇…』但樂宜真係好驚嘆。

呢種驚嘆…係我未曾比過樂宜既…可惡…

『係囉,你地去食野?』邦淫望住阿kay講



「唔係…」

『係呀係呀!』阿kay打斷左我『不如一齊啦?』

「一齊?唔係姐妹團咩!」順帶一題,因為就快又比賽,所以邦彥去左同足球隊既人食。

『唔好咁介懷啦!家蔚!』阿kay講『係咪呢…樂宜…』

『下?』樂宜睇黎估唔到阿kay會將個波交比佢『都…都係既…』

可惡呀!

去到餐廳門口…阿kay拉左”紫晴”去拎位…
樂宜就同芷螢係到研究更本絕版書…



至於邦淫佢…『小蔚,係咪掛住人呢。』就企係我隔離…

「死開啦你!」我發現我對邦文既態度越黎越差。

『點解咁煩躁呢…』邦淫笑一笑

「咪因為你囉!」衰人!

『係咩…我仲以為…』邦淫用好似睇穿一切既眼神望住我…

『係因為有人做左衰野怕比人知道所以煩躁tim。』
 
「你…」我愕然了…「你…」
 


『我…』邦淫邪笑『係咪好靚仔呢?』
 
「真係你!」呢三個字嗌得太大聲,好彩樂宜佢地無留意到「兇手!」
 
『我唔知妳係到講乜野。』邦淫繼續保持微笑
 
「仲扮野…你岩岩已經講得好清楚…」
 
真係佢…雖然唔知佢點解會知道我係尖沙咀…
但佢識得咁多朋友…或者報串比邦淫聽呢…
 
無錯…嗯…兇手就係邦淫!
 
『啦…小蔚…』
 


「唔好叫我小蔚!好嘔心呀!」
 
『咁妳想我點叫小蔚呢?』
 
「唔好叫我!」
 
『好啦…咁唔好叫我小姐,』邦淫笑一笑『我諗妳真係誤會啦。』
 
「仲扮野…」我怨恨地…睜住邦淫…「你明明有哂意圖…」
 
令到我同阿彥分手…咁佢就可以乘虛而入,
 
你就想呀!
 
『噗!』邦淫笑左出黎『其實妳地扮得咁明顯…好難估唔到。』


 
「下?」
 
『小樂無啦啦叫我觀察住阿哥…fine,當然無問題啦…』邦淫講
『但正常佢點解要我觀察阿哥呢…佢又唔同我解釋wo,
咁即係佢係隱瞞更一d野啦…或者係…幫更人。』
 
「呃…」
 
『我就係到猜測啦…』邦淫扮到好苦惱咁『小樂會幫既人…
又同阿哥有關係既…其實…咪得唔好叫我小姐妳一個囉。』
 
「可惡…」佢咁講真係好有道理…
 
『至於點解唔好叫我小姐妳需要幫手呢…我又再諗啦…』邦淫笑一笑
『肯定係做左d唔見得光既野唔想比阿哥知道啦…』
 
「見得光嫁!」好似係…
 
『原來係咁。』邦淫做作咁點點頭『不過都唔關我事啦。』
 
「所以…真係唔係…」
 
『我答應左小樂幫手,又點會出賣佢呢…』邦淫講
『而且我根本就唔知道唔好叫我小姐妳係邊到…又唔知道阿哥去左邊…』
 
「真係…你唔係有好多朋友嫁咩!」
 
邦淫再笑起上黎『如果我要比每個朋友睇一睇妳個樣,咁我都實在太得閒啦掛!』
 
可惡…雖然唔想承認…
但佢好有道理呀混帳!
 
「嗚…」我唔好憤氣…
 
『點呢…係咪唔服氣呢…唔好叫我小姐。』
 
「彈開啦!」所以我決定唔理佢…打算係佢旁邊行去樂宜個度…
 
『等我仲諗住講多d野比妳聽tim。』邦淫講『幫人幫到盡嘛…』
 
「下…?」我另返轉身…
 
『雖然我真係唔知道阿哥出去既原因…』邦淫講
『但阿哥佢係因為聽完一個電話所以先咁做…』
 
「電…電話?」我驚訝…「咁會唔會係工…」
 
『工事?』邦淫搖搖頭『好明顯唔係…態度唔同。』
 
「咁…會唔會係足…」
 
『足球隊?』邦淫再搖頭『都唔係…
平時足球隊傾電話阿哥都好多野講…但今次佢只係默默聽…』
 
「咁…咁到底係邊個…」
 
『呢層我就唔知啦…』邦淫笑一笑『但妳就唔同呢…唔好叫我小姐。』
 
「下…」
 
『電話…』邦淫行近我『阿哥既電話記錄…妳唔係可以查下咩?』
 
「電…電話記錄...!?」係喎…但係…
 
『無錯…只要睇返記錄…咪知道個個人係邊個囉…』
 
無錯…但係...
睇阿彥電話呢件事…
 
做唔出…做唔出…
 
「我…我點解要信你呀?」
 
『因為我係一個好人,』邦淫笑一笑『我只係想證明呢樣野。』
 
我先唔信呀!
 
雖然邦淫講得好有道理…
 
但睇阿彥既電話記錄…呢樣野好缺德…作為女朋友唔應該咁做…
阿理件事已經錯左一次…唔可以再錯落去…
 
唔可以…
 
*