248.


因為聽日(星期三)係放假既關係,
所以食完野之後阿kay暗地裡建議大家(除左樂宜)各自換完衫之後出去旺角…
 
『買禮物!』出到旺角,阿kay好興奮咁講
 
無錯啦…因為十二月二十四日就黎到,
所以阿kay就約好我,芷螢,”紫晴”,阿彥一齊出黎買送比樂宜既禮物…


 
我原本都估唔到阿彥會黎…
 
至於邦淫,佢懶神秘所以無跟到我地去…
 
『樂宜之前幫左我咁多嘛,如果唔係佢…小蔚生日我就會錯過左。』阿彥咁解釋
 
「咁又係…」我好認同…
 
『咁我地出發啦!』阿kay等齊人之後就講


 
「阿kay妳已經諗好買乜野?」我問
 
『嘿嘿,當然啦!』
 
「芷螢呢?」
 
『我…大概都上網研究左…』芷螢尷尬咁講…
 
我再望一望”紫晴”,佢好明顯就無安排,


本身子朗同樂宜就唔多熟嫁嘛,佢出現只係為左代替紫晴…
 
而我自己呢…其實都未諗好…
或者…雖然係老土啦,其實我都想送返一件衫比樂宜…
 
因為佢…送左件外套比我嘛…
 
順便一提,我無著個件外套…
因為係阿彥面前…著返呢件外套感覺好危險咁…
 
個日係馬路...就算阿彥無發現到我 (橙紅外套) 同阿理 (換左髮型),
都可能會記得呢對咁顯眼既人。
 
行下行下,阿kay就帶左我地去佢既目地的…
 


手作店…
 
「所以…」之前個塊鏡…
 
『無錯啦…其實我真係好鍾意呢間鋪嫁!嘻嘻…』阿kay講
『你地隨便睇下啦…我去同搵個店員姐姐…』
 
講完就拋低我地…
 
我望一望個店,店面都幾大下…而且擺放左好多好有特色既精品…
當中,最主要都係用木制…唔怪得…個塊鏡係用木框啦…
 
『真係幾有特色…』芷螢拎起一個木制公仔…
 
『係呀…唔知阿芝鍾唔鍾…啊』”紫晴”唔小心說漏嘴…


 
「你要用男仔身份比佢呀!」我睜住”紫晴”講
 
『係…係既…』
 
『小蔚呢個好似妳。』阿彥拎起一隻木制兔仔同我講
 
「我可愛好多啦!」
 
我望一望,其實係一個手機鏈黎…
望真d…真係好精細…
 
『小蔚鍾意?』阿彥問
 
「幾…幾啦…」


 
『咁我就送比妳啦…』阿彥笑一笑,之後就行去櫃面…
 
阿彥…你真係太好啦…
相反…我就唔係…我唔係一個好既情人。
 
到阿彥行返黎個陣,阿kay都跟埋過黎…
 
『睇成點呀?d精品係咪好正呢…嘻嘻。』
 
「嗯…個老闆真係好有心思…」
 
『佢好好人嫁!所以我先鍾意係到整禮物送比人!』阿kay講
 
「咁阿kay妳係咪打算留係到…」


 
『嗯…我要留係到整份禮物比樂宜,你地自己繼續行啦。』
 
「嗯…」等我仲以為…阿kay之前送比我個塊鏡係特別tim…
 
唔係既…咁阿kay識樂宜仲耐啦…
其實做手制禮物都好正常姐!
 
『你地有無睇岩呀?』阿kay講『其實可以一齊係手作室到整…』
 
『唔洗啦…』『嗯…』芷螢同”紫晴”講
 
『車!咁表姐呢?』阿kay問
 
「我…我都諗其他野送比樂宜。」
 
『咁好啦…』阿kay有d掃興咁講『咁今晚一齊食野?』
 
「當然啦…」
 
『咁拜拜啦…』阿kay講完就行入間房…
 
一出返去…準備離開商場個陣…
 
「啊…阿彥…我想去一去洗手間…」我同阿彥講
 
『嗯…同妳上去?』
 
「唔洗啦…你地係到等啦!」
 
其實…我當然唔係去洗手間啦…
係因為我係岩岩間手作店…都見到一樣…想送比阿彥既野…
 
一隻都係木制既…帶帽紳士兔仔。
同岩岩個隻可愛既木制白兔可以話係一配呀…
 
嘿嘿,一陣等阿彥送比我個陣,我就將呢隻兔仔送比佢…
 
之後,跟左芷螢既意思去左另一間精品店,
呢間野就比岩岩個間大路d…而且大好多…我地各自係到睇…
 
所以唔知道芷螢買左乜…
連”紫晴”都買左野tim…
 
『生日你就知啦!』當我問芷螢買左乜個陣芷螢講
 
車!鬼鬼祟祟。
 
然後既時候…佢地都跟我去睇衫…但結果…
 
『仲未諗好?小蔚?』阿彥雖然無乜特別表情,但我估佢都開始攰攰地…
 
因為我已經行左足足兩個半鐘…都未搵到件覺得岩樂宜既…
另外兩個女仔 (好似係),芷螢同”紫晴”一早已經投降去左附近既麥當勞坐…
 
真係無用!
 
「都係算啦…」我同阿彥講…

我決定左...一於考完試之後…自己出黎試…費時麻煩到人…
點解我會咁三心兩意嫁…對於買衫…

唔通…女仔就係咁?
以前做男仔個陣,明明就可以好隨便…黑白灰相當簡單...

但而家…買衫都耐過人…買衫送比人就更加耐...

『小蔚?』

「我遲下先自己再買…反正都差唔多到阿kay約定個個時間…」

『嗯…』