249.


但我地到左餐廳門口個陣 (早左三個字),阿kay,芷螢,”紫晴”都未到…
阿kay就岩岩整完要拾好野先過到黎,至於芷螢”紫晴”…

「唔會係訓著左嘛!」電話唔通…

『等下啦…可以係趕更黎聽唔到姐,而且我地早到左嘛。』阿彥拎完籌返黎之後講



「雖然係姐…」

『不如咁啦…』阿彥係褲袋到拎返岩岩個電話兔仔鏈『襯而家得閒幫妳戴上去?』

「係喎!」我望一望旁邊有位坐「坐去個度整囉…」

所以我地兩個就坐係到…阿彥慢慢拆開個包裝,之後…

『等我幫妳,小蔚。』阿彥伸出手,好溫柔咁講



阿彥…

所以我就將部生活態度交比阿彥…
佢慢慢…睇得出佢未試過…將個手機鏈戴上去…

『成功啦!』過左一陣阿彥就成功左...

「好可愛呀!真係!我好鍾意…」望住隻公主兔仔...我好開心。

我見到旁邊有幾個毒撚用怨恨既眼光望住我地,哼,唔抵得呀!


我就係有咁好既男朋友嫁啦…

咦,唔係喎…佢地既目光係望住阿彥…
咁怨恨既原因...就係因為我...因為阿彥有個咁靚既女朋友...

但唔理啦...「呀係啦…其實…」我係自己個袋拎返岩岩偷偷買既兔仔…

『小蔚…?』阿彥呆呆地望住,睇黎估唔到…

一.對.呀!」我將個紳士兔仔放係我手機公主兔仔隔離,之後用可愛既聲音同阿彥講

『妳專登上返去買比我?』

「啊…識穿左tim…」我尷尬咁笑一笑「係咪好鍾意呢?」



『嗯…好鍾意…』阿彥佢…睇得出真係好感動…

「唔洗用咁既表情喎…」我講「咁樣攪到我都唔好意思…黎啦…今次我幫你手機戴上去!」

『當然。』阿彥就將佢部手機交比我…

「你就乖乖係一邊睇我放上去啦…哼哼…」我同阿彥講…

唔怪得岩岩阿彥要攪咁耐,原來真係唔容易放…
我原本都以為就咁夾實就得…但其實…比想像中難好多…

但阿彥都係係旁邊默默睇住我努力…我要加油!

『75號!有無75號!』就成功個陣…聽到侍應叫我地no.



『係我地…我去拎位先,小蔚,順便望下其他人到左未。』阿彥同我講

「嗯…去…去啦…就得啦…」

結果阿彥一行開,就成功左…

「呼…點解可以咁難既…」我望住阿彥部手機…有種成功感開始傳黎…

然後我都拎起自己部生活態度…放係阿彥部手機隔離…
兩個兔仔而家痴埋一齊,就好似我同阿彥咁…

「你地係一對嫁…記住,永遠係一對…」我同兩隻兔仔講…

然後…望住阿彥部有少少殘舊既手機…
突然有句說話…出現係我腦海到…



『阿哥既電話記錄妳唔係可以查下咩?』

阿…阿彥既手機…而家就係我手上...阿彥又唔係隔離...

『無錯只要睇返記錄咪知道個個人係邊個囉

邦淫惡魔一樣既話語,係我腦海入面迴響。
 
阿彥部手機,而家就係我面前,我只要禁幾個制,
就可以知道個日打比阿彥既係邊個,但係…

天使家蔚:家蔚…

我:你又想黎阻止我!?



天使家蔚:唔係,我今次係黎支持妳睇嫁…

我:下…(驚訝)

天使家蔚:作為女朋友妳呢個係關心既表現黎嫁!

我:但係…

天使家蔚:妳知道自己係真心鍾意阿彥嫁嘛!但而家可能有人意圖想拆散你地丫!
妳咁做只係想保護呢段咁好既關係!係唔係先!?

我:你咁講又好有道理…咁我事實真係鍾意阿彥嫁嘛...

我拎起部手機...決心突然大左...

惡魔家蔚:但係咁喎…家蔚。

我:惡魔!?(嚇一嚇)

惡魔家蔚:妳明明講過自己唔再做對唔住阿彥既事,
妳以為聽天使講完,就可以將偷睇阿彥手機呢件事正當化咩!

我:下…下…(猶豫)

惡魔家蔚:而且啊,妳唔小心比阿彥發現左就只會更弊!

我:嗚…

天使家蔚:唔好理佢,睇啦!家蔚!

惡魔家蔚:收返埋部手機佢呀!家蔚!

我:你地到底邊個係天使邊個係惡魔呀!?呀呀呀~

天使家蔚:死啦!惡魔!(一掌打去惡魔到)

惡魔家蔚:你無資格做天使呀!(還擊)

「好煩呀!」嘈完未呀!?

我竟然嗌左出黎,坐旁邊既一對情侶同對面既個班毒撚都即刻望住我。

「啊…」尷尬既我即刻dup低頭,望實原本已經拎起左既阿彥手機…

我…我…既然我係真心愛阿彥既…咁…咁睇下…都…都或者…

『家蔚?』頭頂到傳黎芷螢既聲音

「呀!?」我比芷螢嚇一嚇

『係咪已經拎左位?』芷螢問,佢隔離係”紫晴”…

「係…岩岩叫到我地…阿彥去左拎位…」我望去門口個方向

阿彥已經行更出黎,向住我地揮手

『咁行囉…』芷螢講…

「嗯…」

結果,因為芷螢佢地岩岩到既關係,我無機會去研究阿彥部手機…
但如果…佢地無咁快黎到,我會唔會真係睇呢…

我唔知道…