251.


.
 
..
 

 
我愣住左係到…


 
如果係我識得芷螢之前聽到呢翻說話,
我一定哈哈大笑,之後同小芋講返「從前有三隻蝦,蝦蝦蝦」呢個笑話…
 
但係…而家…
 
「妳…妳講更乜…」
 
『我係未來人。』小芋再講
 


「證…證據呢?」
 
『呃…』小芋好苦惱『證據呀…』
 
「好,妳答我!下期六合彩號碼係乜…?」
 
『唔講得!』
 
可惡既死小孩!我六合彩美夢呀!
 


「咁…下屆特首係邊個呢?」
 
『都唔講得!』小芋又即刻講『妳知道呢d都唔可以即刻確認我身份嫁啦!』
 
咁又係…睇黎小芋都蠢唔哂…
 
「好啦…就假設妳真係未來人…咁妳黎呢到係做乜呢?」
 
『唔…』小芋思考更『唔知講唔講得…其實我係黎呢到進行一個任務嫁!』
 
已經講左啦唔該!
 
「咁係乜野任務呢…」
 
『我咪話要搵個人囉,佢係重要人物…』


 
唔知點解…我有個念頭浮起上黎…
我地學校…未來人…
 
「妳…妳真係純粹係搵…而唔係…」
 
『啊…正確d黎講係要捉佢返去。』小芋猛烈點點頭『佢唔應該存在係呢個時代!』
 

 
『姐姐…』小芋用純真既眼神望住我『妳識唔識一個叫做陳芷螢既人啊?』
 
我後退左兩步…雙腿…開始有少少顫抖…
呢個叫小芋既細路女…佢講更真話…佢真係未來人…
 


『姐姐?』
 
而且…佢既真正目的係要捉芷螢返去…
如果…只係帶芷螢當然無任歡迎…
 
但係,根據佢岩岩既講法,犯左時空法…犯法…
咁即係…芷螢比呢個細路女捉返去就會好危險…
 
唔得…唔得呀…
 
「我…我當然唔識呢個人…」
 
『係啊…』小芋有少少失望『咁唯有聽日再黎啦…』
 
聽日…係聖誕聯歡…芷螢會出現


 
「聽日放假呀…」我同小芋講
 
『係咩…但我見到岩岩D哥哥姐姐好開心咁去買野話準備既…』
 
「佢地自己攪派對之嘛,哈哈…總之呢,聽日就無人嫁啦…之後都係無人…」
 
『係啊…』小芋DUP低頭『死啦…就快到限期嫁嘛…』
 
「限期?乜野限期?」
 
『其實啊…』小芋抬起頭『呢個年代好多新鮮野玩嫁…』
我玩到無哂形呀!都無左任務呢件事!』
 
你睇到未呀…呢個細路女既長官,


請一個岩岩十歲多D既細路女做任務根本就係失敗既決定。
 
「不如咁啦…姐姐請妳食糖果…妳講多D關於妳任務既事我聽?或者我會幫到妳?」
 
『唔…』小芋思考『姐姐妳既行動咁似怪叔叔既?』
 
「點會呢…係都係叫怪姐姐啦,哈哈…」
 
『咁呀…既然都無野做…』
 
YEAH,睇黎就黎成功啦…
 
『都係唔制,一陣姐姐會捉我去賣,咁我咪返唔到未來囉。』
 
…死小孩。
 
結果,小芋講完句『咁之後見啦~怪姐姐。』
之後就拍拍蘿柚走左去,追都追唔到。
 
而我至少知道一樣野,就係要提醒芷螢…點知…
 
『或者…返去未來都好?』芷螢咁講
 
「點可以呀!」我驚訝…估唔到芷螢會有呢個念頭…
 
『我…反正…對而家既情況…都做唔到乜野…』
 
「就…就算我同阿彥一齊...妳都唔係無辦法變返男仔嫁嘛…
而且…妳走左我點算喎…仲有…返去可能要坐監嫁…!」
 
雖然我唔清楚犯時空法係乜野罪…
 
『媽…』芷螢望住我『嗯…我唔應該咁諗…』
 
「總之…我地諗計啦…只要限期之前個個叫小芋既女仔搵唔到妳…佢就要放棄…」
 
但諗真,如果小芋係黎自未來…
佢對芷螢既位置應該好熟識嫁…無理由到而家都搵唔到芷螢…
 
呢點…真係奇怪…
但拋開呢點唔講…如果小芋知道學校地址…咁我地屋企既地址咪都係…
 
叮噹叮噹叮噹…
就係呢個時候,門鈴突然響起…
 
『媽!?』芷螢驚訝
 
「唔會係堂姐…唔通…」最壞既情況…真係黎左?「芷螢…妳…妳入廁所避下先!」
 
『嗯…嗯…』芷螢點點頭,之後就行入廁所關埋門…
 
我就戰戰競競咁…行去…慢慢…打開門…
 
我原本以為會係小芋上門…點知…
 
Miss lee…
 
『家蔚…可唔可以開門先…』唔知點解…miss lee眼有淚光…
 
「嗯…」我打開門…miss lee入屋之後我望一望走廊…無其他人…
 
好彩…
 
「係呢…miss lee…點解…」
 
但我都未講完,miss lee就撲埋我到喊…
 
『嗚…嗚嗚…婆婆佢…婆婆佢…』miss lee喊住講
 
「婆婆…唔係聖誕黎咩…」
 
『嗚…佢琴…嗚…日…過左生啦!』
 

 
下?