255.


『所以…呢位小妹妹係?』去到別墅,冰瑤一開門就問

「佢係我堂妹。」我講「叫做…」

『陳珊芋!』小芋邊舉起隻左手邊講『妳好呀!姐姐!』

珊瑚?



冰瑤望住我,表情係「真係妳堂妹?」

我搖搖頭。

『好啦,入黎啦…』冰瑤笑一笑『好多人都黎左啦…』

入到去,係大廳到我見阿彥邦淫,阿kay,
仲有幾個同樂宜幾fd既同班仍同學,連痴情情侶,消失左好耐既臨記都係到…



「咁多人既…」我同冰瑤講

『樂宜話既,想多d人熱鬧d,今日仲要平安夜喎。』

「咁又係…」

『啊!ps3啊!小芋都想玩呀!』小芋好興奮咁行去大伙到…

唔洗十秒,佢就已經接到手制玩埋一份…



真係快。

大廳既隔離,放左好多食物係到,
感覺就好似琴日聖誕聯歡延續咁,不過d食物…

『好食好多啦!』阿kay講,佢手上面既…係魚子醬?

「呢d食物…」我問冰瑤

『kevin比錢既。』冰瑤笑一笑『 佢話當係禮物。』

係啊…
 
原本仲以為要照顧小芋會分身不暇...
點知根本就擔心過頭,小芋好快就融合左呢個環境



大家都好鍾意呢個可愛既小妹妹,
睇黎小芋真係有種神奇既魔力,可以令到周圍既人同環境都輕鬆起黎…

到左大約六點,我地分散係別墅周圍玩既人,又聚集埋一齊…

因為…

『生日快樂!!!』係冰瑤同邦淫拎個大蛋糕出黎個陣,我地一齊嗌

『多…多謝各位…』都未切蛋糕未收禮物,樂宜已經眼濕濕

『平安夜喎!意義好唔同既,嘻嘻。』阿kay笑住講

『又拎呢樣野黎講笑!』樂宜用不滿既語氣講,但都係笑更...



『哈哈哈~』『哈哈…』『哈哈…』

『黎啦…』阿kay遞枝膠刀比樂宜『我等更蛋糕食嫁。』

『哼,無妳份呀!』樂宜講

雖然係咁講,但個蛋糕實在大得驚人…
如無意外應該都係kevin送既禮物之一…

『嘩!大蛋糕大蛋糕!』小芋好興奮『我要食一半!』

「咁大食呀變肥妹呀!」

『我媽媽話我食極都唔肥嫁!』小芋講



『下!咁好既…』阿kay用羨慕既眼光望住小芋

妳唔係羨慕10歲既妹妹掛?

亦因為個蛋糕夠大,所以插到十七枝蠟燭…

『一下吹唔吹得哂嫁…』樂宜尷尬咁講

『小心呀…吹唔哂會嫁唔出嫁!』阿kay警告道

『唔…唔係掛!?』

就係呢個歡樂氣氛下…蛋糕就切完…分完之後…



『禮物,樂宜。』阿kay將佢份禮物送比樂宜…

同我個份size差唔多大…到底阿kay手制左d乜呢…

『多謝…』

然後到其他人…痴情情侶…臨記…其他同學…
邦淫…佢個份都係好細份…之後到阿彥…然後係遲到既”紫晴”…

之後到…芷螢。

佢同其他人好唔同…唔知點解…佢個份無包裝到…

樂宜一望到就好驚訝『筆…?』

因為我係佢地隔離…所以睇同聽得好清楚…

芷螢送既係一枝筆…但有d唔同既係…個筆頂…特別厚…錄音筆?
 
『錄音筆?』樂宜同我一樣,好驚訝…
 
『嗯…希望妳會有用。』芷螢講
 
『咪住先…芷螢…』
 
『啊…我其實都想食返多個蛋糕,我去拎先~』芷螢講,之後就行開左…
 
餘下樂宜一個人,呆呆咁望住枝錄音筆。
 
「點解呢?」我行埋樂宜到,問樂宜
 
『下?』樂宜望住我『你偷聽?』
 
「咁岩係隔離嘛…」
 
『呢枝筆啊…』樂宜拎起枝筆『唔知呢。』
 
「下…」
 
『不過錄音筆幾時都有用嫁啦。』樂宜笑一笑,之後就收埋佢『咁你呢?』
 
「我?我乜野…」
 
『想扮野呀?差你份禮物咋!』樂宜講
 
「我…我份禮物…呃…」
 
『下…你唔係話無呀嘛!?』樂宜難以置信咁望住我
 
「唔係…但…」
 
『連小芋佢都「咦姐姐生日呀?等小芋錫一啖做生日禮物!」啦!』樂宜講
 
「真係!?」我望一望小芋既方向,佢而家大啖大啖食更蛋糕,
 
細路就有細路既優勢!
 
『唔好再扮野啦!禮物!』樂宜伸出手…
 
「我…有既…但…唔知樂宜鍾唔鍾意…」我行埋自己個袋到,拎起份野…
 
之後交比樂宜…
 
『軟綿綿…唔…公仔?』樂宜問
 
「可以咁講…但又…」
 
『我可唔可以拆開佢?』樂宜再問
 
「下,咁好似…唔…是但啦。」好尷尬…
 
樂宜佢…慢慢拆開個包裝,就好似我之前咁…
唔想粗魯對待個包裝…我地心情係一樣…
 
『攬枕…』樂宜手上面…就係我買既熊攬枕…上面…
『熊仔拎住一塊happy既牌仔…happy…快樂…快樂嘛…』
 
「係咪…好老土呀?」
 
『點會呢…我…』樂宜凝視住我『好鍾意…真係好鍾意…』
 
我諗起阿kay講既野…誠意…最重要嘛…
 
「真係…?」
 
『我…一定每晚都會攬住訓…一定…』
 
「咁…咁就好…」
 
係之後,可能因為平安夜關係…痴情情侶佢地走左,臨記都係(?),
其他人就諗住係呢到別墅一齊倒數…度過呢個平安夜。