256.


夜晚我地一伙人係別墅到打邊爐…
D料又係神奇地準備好…連買都唔需要…

『呢間屋真係應有盡有…』阿kay感概咁講『如果係屬於我既就好啦…』

『今晚係妳既。』冰瑤笑住講



『一晚邊到夠喎…』阿kay唔開心咁講『點解妳妹妹住大屋妳又住細屋嫁...表姐...』

「唔好問我...食肥牛呀…小芋...」我夾份肥牛比小芋

『多謝姐姐!』小芋講,真係好可愛!如果佢唔係未來人真係好想養返隻!

我心情唔知點解好左好多,一來禮物樂宜話好鍾意,
二來呢,邦淫話告白但又無左件事喎,
睇黎,佢一係放棄左,一係其實已經告白完比人拒絕左,一諗起心入面就暗爽起黎…



打完邊爐,清洗完d野之後,好快已經十一點半…
我地而家都係坐係梳化到休息…等待聖誕既來臨…

『奇怪呢…』咬緊蘋果既芷螢同我講『唔見樂宜既?』

『小蔚…食唔食橙?』阿彥問,舉起一隻橙

「好呀…阿彥!」我接過阿彥既橙…

『係囉…阿文都唔係到…』阿彥望望周圍…



我原本仲握實既橙即刻跌左落地下…

「阿…阿彥…你講咩話?」

『我話阿文佢…都唔係廳到…或者係洗手間?』

就係呢個時候…

『各位…有大獲野!』阿kay (原本去左洗手間) 急急腳行返黎…

「大獲野?」唔通…邦淫佢真係…

『邦文佢拉左樂宜去後花園…好似想…』



唔會掛…

*

鏡頭一轉,而家我,阿kay,芷螢企係一條柱後面,
望住後花園既邦淫同樂宜…

冰瑤一句「八卦野我無興趣」之後就係留到同小芋佢地玩波子棋。
而阿彥都一樣。

明明係重要事!好重要嫁嘛!

邦淫同樂宜…佢地坐係花園既長椅到講更野…一定係…
但因為距離有d遠…所以聽唔到佢地講乜…



個d大大聲告白方死全世界都唔知既情節…只會係漫畫動畫世界出現…
現實根本就唔會咁!

可惡…大聲d啦!
 
『表姐妳好似好緊張咁既?』阿kay望住我

「樂宜係我表妹嘛!表妹嘛!」我答

『咁又係…』阿kay點點頭,望返後花園個邊…

過左一陣,佢地兩個都企起身 (原本係背對住我地),之後側一側互望對方…

我終於望到樂宜既表情…佢好似…



幾開心?

「啊!」我嗌左出黎,即刻比阿kay禁住個口

邦淫同樂宜,不約而同望黎我地個方向…
唔會比佢地發現左掛?不過發現都好,咁可以阻止佢地…

一定要阻止佢地…

但佢地好似無發現到…又開始望返對方…

邦淫開始講野…態度同平時對我既態度好唔同…
感覺…就好似阿彥對我既態度咁…
雖然我聽唔到佢講乜…但從表情到感受到…



樂宜佢…只係dup低頭…得閒笑一笑…之後回幾句…
睇黎未開始告白…不過就快…

樂宜就快…就會拒絕邦淫…無錯…

過左一陣,佢地兩個都無再講到野…靜左係到…

然後…再先開聲既…係邦淫…佢告白了,

但我聽唔到佢告白既內容…完全聽唔到…

樂宜佢…抬起頭…望住邦淫…無笑到…亦都無唔開心…

拒絕佢呀!樂宜!拒絕佢呀!

樂宜佢開始講野…同邦淫講野…應該係拒絕既內容…
你好好人,但好人唔夠,我已經有鍾意既人…無錯…就係咁…對唔住,

邦淫會露出非常失望既表情,之後orz咁跪係到…
然後…樂宜佢就會轉身…向我地呢邊行埋黎,無錯…劇本一定係咁…

事實一定係咁…

但係…邦淫一路聽…都無露出失望既表情…佢仲係保持住溫柔既笑容…

樂宜佢…都係一樣…

點解會咁…劇本唔係咁嫁…

然後慢慢…樂宜行埋邦淫前面…之後…


攬住佢。




*



『小蔚?點解妳會坐係到?就倒數啦...』阿彥佢…終於發現到我…

我而家…坐係岩岩…樂宜同邦淫坐個張長椅到…

大概以為坐係到…就可以明白岩岩發生左乜事咁…因為…我根本唔明白…

唔明白…

唔明白...

『小蔚…』阿彥坐係我隔離…之後伸個頭望住我…然後…佢愕然了…

「我…係到睇更花。」

雖然係咁講,但我雙眼都係眼淚…

眼前早已經一片朦朧。
 
『小蔚…妳…喊更?』阿彥問…

「邊…邊有啊…」

『但係…』

我提起右手放係臉頰到…感覺好無力…
再慢慢向上移去右眼…眼淚…果然…係眼淚…

「係…係開心既眼淚黎…」我同阿彥解釋

『開心既…眼淚?』阿彥疑惑…

「樂宜佢…」我強擠出一個微笑「同你細佬開始左。」

『所以阿文佢成功左?』阿彥一臉難以置信『真係估唔到…』

「我都…估唔到…」我企起身,雙腳一樣好無力「但事實就係咁。」

被告白既人攬住告白既人,點都唔會係拒絕…
雖然我唔想承認,但事實的確係咁。

「我好開心…」

如果邦文佢…真係對樂宜好既話...

「真係嫁…」

但亦好心痛。

*