264.


我無理會到天氣係幾凍…
只係靜靜咁企係屋企樓下…靜靜咁思考…
 
阿彥佢…話想冷靜一下…
雖然好壞…但情況仲唔係最壞…起馬…唔係分手…
 
唔得…我唔可以咁諗…咁對於我同阿彥黎講…


已經係好危險既局面…
 
唔得…唔得…唔得…唔得…唔得…唔得…
 
阿彥撞到我同阿理kiss,再撞到我同子朗kiss..
呢種咁TBB方式既誤會方法…點解會發生係我身上…
 
點解阿彥會識去個棵樹到…
明明係平時唔會去既地方…根本就唔會去…
 


唔好同我講過路過…無可能..
 
無可能…咁即係…咁即係…
 
 
我抬起頭,望住著更燈既大廈,芷螢既房間。
 
*
 
「芷螢…比妳部電話我。」


 
『下…』芷螢驚訝…
 
「我要睇妳部電話。」我遞出右手…
 
『點…點解…』
 
「唔通妳有野唔比得我睇?」
 
『唔…唔係…但係…』
 
「咁就比我睇啦!」我睜住芷螢…
 
肯定又係妳…因為芷螢唔清楚我已經知道左佢打比阿彥…
所以佢就再黎一次…點解…點解要咁做…


 
「快呀…」
 
『但係…』
 
「係咪唔聽媽媽話呀!」
 
『姐姐…?』原本刷更牙既小芋行出黎見到呢個情況好疑惑…
 
『我…我…我我…』芷螢佢…慢慢將部手機…拎出黎…
 
但係…係部手機就到手個陣…
 
『都係唔得!』
 


芷螢佢,跑向窗口,將部手機掉落街。
 
各位無睇錯,芷螢掉左部手機落街…

估唔到佢會做到呢步…
但佢做左呢步...亦都證明左...

「果然係妳!」我大嗌

『我…唔知你講咩…』芷螢側側面,唔敢正視我…

「妳如果唔係身有屎,都唔洗掉左部手機落街啦!」我繼續嗌

『無呢回事…只係…部…部手機已經壞壞地…』



「nokia啊!分分鐘掉死人都未壞啦!」

『咁又點喎!nokia都唔保證唔會壞嫁嘛!』

『一家人…相嗌唔好口呀…』小芋係隔離,細細聲驚驚青咁講

我無理佢…

「重點唔係nokia到…點…點解妳要打比阿彥!」

『咩話…』芷螢睜大望…望實我…

「係啦,妳呢個表情!無得扮啦!」

『無…我無…』



「第一次…都可以因為小芋呢件事…暫時唔理住…但第二次...我唔可以再忍啦!」

我行埋去捉實芷螢…

「妳知唔知我真係好鍾意阿彥嫁…我唔可以無左佢嫁…」

『咁你又去扮阿理女朋友?又錫子朗?』芷螢反駁『咁對得住邦彥咩?』

!?

因為太驚訝…我鬆開手…

「點…點解妳會知道…」

『仲有…明明你對樂宜仲有感覺!明明有感覺!』芷螢繼續講

「下…我無…我…」

『我係幫更你咋!但係你唔明…』芷螢搖搖頭…

「唔係…你無幫到我…你拆散更我同阿彥…」

『兩位姐姐…』小芋繼續細細聲想勸我地…

「妳知道所有事…唔通…芷螢妳…妳記憶已經…」

芷螢佢微微張開口…然後dup低頭…

「妳到底…到底…」

如果芷螢記憶返左黎…咁樣…咁既話…

it's a quarter after one i'm all alone and i need you now

電話響起…

我拎起我部iphone4s…上面顯示既…

係阿彥!

「我聽埋電話…再…再同妳講呢件事!」我怨恨咁同芷螢講「阿彥!」

『小蔚。』阿彥把聲…好沙…『我岩岩...冷靜落黎...諗得好清楚...』

「阿彥…唔好聽其他人講既野…我…我一定會同你解釋嫁…唔好亂諗野…」

『不如…我地分開下?』






 
 





下?