276.


『仲有發生好多好多事!』表妹開始有少少激動『你要記返起呀表哥!』

「唔好…我唔想…我…無可能…無可能…」

『你真係好愛邦彥嫁!』表妹繼續講『愛到可以為佢做任何野!』

「唔好再講啦!我唔好男男嫁!!!」我大嗌…



我唔信…我唔信…我唔信…

但係…點解…個心…總係有種奇怪感覺…

唔通…我真係鍾意…男仔…?

「我鍾意…我…」氣急敗壞既我望住表妹「我鍾意既係表妹妳呀…」

『表…哥…』



「我明明已經講得好清楚…係妳樓下個陣…
我…我鍾意既係妳…我唔會鍾意其他人…更何況係男仔…」

『表哥…』表妹搖搖頭『唔係…呢個只係過去既你所諗既野…』

「唔係…唔係過唔過去既問題…係而家既問題…」

『好快!你就會明白!』表妹大大聲講『而且我已經有邦文!』



而且我已經有邦文

而且我已經有邦文

而且我已經有邦文

而且我已經有邦文

而且我已經有邦文

「邦文…到底…點解…」佢乜水呀...

…點解會咁…
過去既我…你到底係咪傻左…定係…食錯藥…



明明知道表妹同臨記件事係假既…點解唔同返表妹一齊…

要選擇…一個男人…點解…點解…
 
*
 
一個鐘之後,醫生帶左我去做檢查…
初步既結論,係搵唔出任何原因…連醫生都好震驚…

不過醫生都話既然唔係大問題,或者記憶會慢慢返黎…
至於身體其他部位都無問題,所以醫生話我可以隨時出得院…

咁我當然選擇即刻出院…住係醫院始終都係唔安樂咁。

所以,而家冰瑤同表妹幫我拾更野…



『因為呢個病房只係以家蔚妳個人名義登記,所以妳爸爸唔會知道,放心。』

「咁都好D…一陣佢知道我住院趕返黎點算呀…」

『表哥….咁樣…你記憶個度…』

「我記憶?唔知點解啦…我有d驚去記起返…」

『點解…』

「因為…妳知啦…我目標都係想變返男仔。」我同表妹講

但表妹聽完…個樣變得越黎越擔心…



「雖然我唔知點解我會鍾意上邦彥啦…
不過…如果我要做返男仔既話…咁樣…或者唔好再記起同佢既事會好d?」

『表哥…咁樣…』

「而且我都唔知點面對佢好啦…哈哈哈…」

出到醫院,同冰瑤分開之後 (約好左聽日再聯絡),我同表妹坐的士返屋企。
一打開屋企大門…第一眼個景象真係令我難以置信…

「咁整齊既…點解會…」

『表哥…你知唔知你變得好鍾意整潔呀。』表妹講

「真係…點解既?」



『一來啦…你為左邦彥立定決心…』表妹係行程入面已經多番提起邦彥既名,

好似想令我回想起D乜咁…

『二來…屋企又多左人住喎…啊…』表妹掩住自己個口…

「多人住?邊個住係我呢到?」我好奇「唔會係邦彥掛…?」

唔通…未去旅行我地兩個已經…做…做左越軌既行為?
我越黎越想唔透你啦…過去既陳嘉為…

『係芷螢。』表妹講

「又係佢…佢到底係邊個?」

『或者…表哥你親自去問佢可能會好D…』表妹講…然後行入其中一個房間『芷螢?』

放低行裝之後,我再次拎起我部手機…

唔知幾時到手既iphone (好似係新牌子),上面有一隻公主兔仔…
其實呢個style我真係接受唔到…係的士上面已經嘗試過解佢落黎…但係唔成功…

唉,之後再算。

『點解…會咁嫁…』表妹係房到發出訝異既聲音…

「咩事?」

『芷螢D衫褲…行李…所有野…』樂宜驚青咁行出黎『都唔見哂…』

唔見哂?
 
『表哥你真係記唔起任何關於芷螢既野?』表妹問

「呃…真係…無任何記憶…」我搖搖頭「到底佢係我邊個?」

唔係情侶,但係又同我一齊住…

『佢係…』表妹撇過頭『我唔知你聽完信唔信…』

「表妹講既野我一定信!」我即刻講

雖然我唔知邦文係乜野人…但我知道我仲有機會既…我一定要追返表妹!

『佢係你個仔。』



『由未來返黎。』



『但因為一個唔清楚既原因…佢變左做女仔…』



拍戲呀?

「哈…哈哈?」我而家係咪應該笑?

『都話左!』表妹一見到我笑即刻激動起黎『你唔會信!』

「但係…真係好難相信喎!」我講「太跳躍性啦掛!」

『哼!』表妹無視我

「咁樣啦…假設…假設我真係有個仔…咁樣…佢媽媽係邊個?」

一或係…爸爸…

我又諗起邦彥…
痴線!唔好諗佢,唔好諗佢!

點解我塊面會興興地嫁?陳嘉為你唔係gay嫁!

表妹只係凝視住我,無講到野…

「唔會…我先係媽媽掛?」我不敢相信咁…慢慢講出口…

『我…』表妹慢慢張開口『唔清楚…』

「下?」

『總之芷螢就係你個仔…至於你係老公定係老婆…唔清楚…』表妹細細聲講…

「真係?」

『係啊!長氣!!』

表妹又哼一聲之後坐係梳化上面…我望一望佢…然後再望返自己身衣服…

其實係醫院個陣我已經覺得好奇怪,
點解會係連身裙,我原本仲以為係表妹借比我既…

直到我行入自己房…打開個衣櫃之後…先知道唔係...

「表妹…表妹!」我驚慌咁大嗌「我d男裝衫呢!?!?」

連內衣褲…都全部變哂做女裝…哇…呢個胸圍…仲要有蕾絲邊既!?

到底我記憶消失左既五個月…發生左d乜野事呀?