279.


Iphone4s既鬧鐘雖然響更,但我都係唔願意落床…
返一間陌生學校…仲要用女生身份…個種壓力真係好大…

我覺得之前既我做到…唔多唔少係因為有表妹做我既原動力…

而家無啊,完全無啊!



我將被單蓋住自己全身…
唔想落床…不如…曠課啦…有幾耐曠幾耐…

曠到…有辦法唔曠為止…
我無勇氣…無自信啊…毒撚邊到會有呢個自信啊?無啊無啊無啊!

咦?係咪有人開門?定我聽錯…

『表哥你仲唔起床?』表妹既聲音突然響起…



係幻聽啦…連幻聽都有埋…壓力太大啦…嗯…唔應該返學…

『快d…起身啊!!』突然有股起力量想拉走我張被單

下?

「表妹?」真係表妹?「點解妳會係到嫁?」

『我就知道你會唔敢落床!所以我先拎左條後備鎖匙!』



「點…點會呢?我只係…唔記得較鬧鐘之嘛…」

『講大話,快d落床換衫!』

「表妹…唔好啦…我真係唔想…」

『之前既表哥無遲到過,亦無請假過嫁!』

「下…佢勁囉…但係唔係我…」

表妹只係瞇起眼睜住我…唔

「嗚…」唔通我真係要…返學…

『黎啦!』表妹唔知幾時已經將套女裝校服拎左起手


『其實我都無遲到過,如果你唔返我都唔返啦。』

「表妹…嗚…」

係表妹既「強迫」下,我唯有著起件女裝校服。
 
「唔得…真係好唔慣…」一路著我已經一路抱怨…

而家冬天嫁嘛,點解仲要著裙喎,仲要咁薄!
根本就有心靠害!我而家下面好凍好涼囉…

一d安全感都無...

『拿,著件冷衫會好好多。』表妹將件冷衫掉比我…



「咪又係上面…而家重點係下面啊...」我好輕鬆咁提起裙腳...

只要有寒風吹過,就乜都比人睇光哂啦!

『噗!』表妹笑左出黎

「點解要笑喎?」

『因為…我都係第一次見到咁既表哥,當初…係冰瑤黎幫你嫁。』

「下…係喎…個陣妳…」

聽冰瑤既講解,個陣既表妹比紫晴既另一個人格威脅更;

男變女,多重人格,未來人,時空旅行,


點解呢一年會發生左咁多事?而且每一件都係不得了既事!

『拾好野就好行啦…呢個星期都係對卷所以好易過嫁姐!』表妹激勵我

「唔…唔…」我不情願咁揹起個十分女子氣既包包…

應該係名牌黎?到底幾時買嫁?

一打開門個下,寒風又令我卻步起黎…

「哇…真係好凍…到底表妹妳點習慣到嫁?」

『我著左咁多年!』表妹講『行啦!』向我遞出右手…

然後我都將隻左手…放係表妹隻手上面…



『啊…』表妹即刻收返埋隻手『傻左tim…』

「傻…左?」

『無野…要遲到啦!』

因為就遲到,所以我地係以快步行返學校…途中無講到任何野…
表妹岩岩收返埋隻手…果然…係因為…

「邦文…佢到底係乜野人?」

『下…』表妹另轉身,表情有d驚訝

「我有d好奇…我只係係相到見過佢…係facebook到…」

『佢好風趣,對我亦好溫柔。』表妹微笑『不下於表哥你咁溫柔。』

「真係…咁佢人品呢…」

『佢好識關心人,對每個人都好好。』表妹繼續講『點解無啦啦要問呢個問題?』

「我只係奇怪…我唔係同表妹一齊…會唔會係因為…」

『唔關邦文事,我同邦文一齊只係一星期多小小既事。』

「下…竟…竟然…」我不禁咬牙切齒起黎…

只係一星期…如果我早一星期失憶…或者就可以…

『真正既原因,係因為邦彥。』表妹繼續講

「下…點會…點會啊…」

『你好快就會知道…』表妹笑一笑『對家蔚黎講,佢最重要既人係邦彥…』

表妹佢…慢慢又另返轉身…背對住我…

『唔係樂宜。』
 
*
 
而家我同表妹企係操場準備早會…周圍都係陌生既面孔…
好緊張…好緊張…好緊張…

「我平時應該排係邊嫁?」

『而家未洗排住啊,我地好自由嫁...一陣排係我後面就得啦…我會叫紫晴排係你後面…』

「死啦…好緊張啊…其他同學…我都唔知叫乜名…」

『我坐你隔離嫁…唔洗擔心啦…有事就叫我...』

「真係?」

『係,不過係隔離而唔係隔離台…』

「咁隔離台邊個?我識唔識嫁?唔會係邦...」

『芷…芷螢。』

「下?」我未來個仔(女)坐我隔離?

『啊…紫晴阿kay佢地黎啦,』表妹講『咁遲既?』

『無,miss lee叫左我地去幫手拎野…表姐無事嘛?』阿kay擔心咁望住我

『未有好轉…』

『即係記憶…』

『嗯…依期要拜託妳地啦。』

『放心啦!』阿kay講,之後望住我『表姐…我地一齊加油啦!嘻嘻…』

「嗯…」

正如預定咁,表妹企係我前面,紫晴係後面,所以成個早會都無乜問題…除左…

『小蔚,早晨。』邦彥企係我隔離…

我無視佢…

『我琴日訓得唔好…小蔚妳呢?』

繼續無視佢…

『小蔚妳放心,係台灣旅行之前…我一定會幫妳搵返記憶。』

「下?」我終於忍唔住望住邦彥「仲去嫁?」

『我唔會退團…』邦彥講『依個係我既堅持…』

「下…」點解佢可以對我咁好嫁?

『小蔚…我講過做到。』

「嗚…」我唔敢望住佢啦!「有得你啦!」

我好似感覺到,前面既表妹係到笑更?
有乜好笑喎!我完全覺得唔好笑囉!