281.


落到去七樓教師既樓層…我同表妹撞到正…
但表妹佢…好似留意唔到我,而且垂頭喪氣咁…發生左乜野?

「表妹!」

『啊…』如果我唔嗌佢應該會係我側邊行過『表…表哥?』



「點解表妹妳…好似唔多開心咁既?」我嘗試問…

『下…有咩…』表妹撇過頭『無啊…』

「係咪miss lee同妳講左d乜...佢堅持調位?」

『唔係...佢話會遲下先再打算...』

「咁芷螢呢...唔通芷螢佢有乜意外?」



『都唔係...miss lee佢根本收唔到芷螢請假通知...』

咁...咁樣...

「表妹…雖然我唔知乜事...但妳有唔開心一定要同我講…」

『無…真係無事…』

「係咪邦文對妳唔好!?」我假設性咁問「雖然我無見過佢,但我覺得佢唔係好人囉!」



『點會關邦文事呢!』表妹驚訝『更何況而家係學校!我都聯絡唔到佢!』

「啊...咁又係…」

『家蔚…』表妹望住我『就算你失左憶都係對邦文有偏見。』

「下…乜有d咁既事?之前既我…」

『而家係個好機會啦,比家蔚你重新認識下邦文。』表妹重新笑一笑

「下…」邦文…咪即係男仔…仲要邦彥細佬...

我唔想識囉。

Lunch時間,我,表妹,阿kay,紫晴四個人出去食飯…


雖然對「我」黎講係第一次,但聽佢地講…已經係一件好平常不過既事…

『黑椒扒飯?』阿kay好驚訝『表姐妳果然無哂記憶…』

「有問題咩?」我問阿kay…黑椒好味wo...

『無…』阿kay講『雖然有d野忘記左係有少少失落啦…不過…嘻嘻,或者咁仲好!』

完全唔明阿kay講乜…

至於紫晴,佢由我失憶到而家都係keep住用擔心既目光望住我…

其實失去既記憶入面…我最想知道返同紫晴(上世于子朗)既事情…
始終係變成女仔既原因嘛…我真係唔想咁就無左呢段記憶…



「紫晴…或者搵日我上一上黎妳屋企?」

『下?』紫晴好驚訝

「啊…係咪唔方便?或者…妳上黎?」

『表姐!點解突然同紫晴去到呢個地步嫁!??』阿kay突然好激動…

「下…乜野地步…」

『自由咁去人地屋企…嗚…我都想呀!』阿kay羨慕咁講…

「下…妳係咪有野誤會…」

『如果家蔚想…』紫晴有少少怕羞咁dup低頭『我無所謂嫁…』


 
『嗚…女同女…真係好…嗚…』阿kay非常唔高興…

「誤會啦!」

而家我終於有少少明白啦…
邦彥…miss lee…阿kay…紫晴…

到底之前既我…做左幾多…令人誤會既野呀?
 
奇怪既念頭成個下午都係到纏繞住我…

唔通做女仔…就會有咁多特別既事情發生?
如果我做返男仔…就會同以前一樣…一個無人理會既毒撚…



『家蔚…食唔食朱古力?係小藍既…』放學前既班主任時間,
一個花名阿麻(怪名)既女仔遞盒朱古力比我,之後指住角落位既另一個女仔。

個個女仔(應該就係小藍)向我笑一笑。

「哦…多…多謝。」我好緊張

做男仔…唔會受到咁多人歡迎…

『小蔚…記唔記得我地之前一齊整過蛋糕?』邦彥係後面問…

亦唔會受到人喜愛…

「唔記得。」做…做蛋糕?唔會做做下做到上床做掛?

女仔…真係咁好?
我…係咪唔應該咁固執呢…

但呢份混亂既恩緒…好快就被打破,
放學當我同表妹行到出學校門口…我終於見識到個個人。

邦文。

『小樂。』邦文笑一笑

小樂。小樂!??小樂?!!?!??!?我都無咁叫啦!!

『邦文!』表妹有少少驚訝『你放咁早既?』

『其實未放嫁…不過為左小樂我偷走都要嫁啦。』邦文笑一笑,然後佢望住我…

我又望住佢…
從佢既雙眼…我睇得出…

佢唔係好物,係衰人,大衰人。

大大大衰人衰人衰人衰人衰人。

『啊…弊!』表妹突然講『我留左份旅行通告係班房…要去拎返。』

「我係到等妳…」『我係到等小樂妳…』我同邦文同時講...然後又互相望住對方…

『你地等我一陣。』表妹講完就擰住身走返入學校…

然後得返我同邦文…

『妳同我阿哥關係好似差左喎。』邦文突然講

「下?」我愕然…點解咁講?

『阿哥今日明明返夜班,佢應該可以送妳返屋企。』邦文講

邦彥的確係打算咁做,但我口窒窒咁拒絕左佢。

「唔…唔關你事。」因為邦文應該唔知道我失左憶,所以我費時亂講野…

『小蔚妳都仲係對我咁差嘛。』邦文講『即使我已經有小樂…』

就係因為咁我先對你差!我差d脫口而出…
 
『認真講啦,之前我追小樂或者真係別有用心,但而家唔同哂啦…』

「咩話?你追表妹係…」別有…用心?

『小樂…點講呢…佢有種魅力…』邦文認真咁講
『就算係我都比佢呢份魅力深深吸引…我想為佢而改變…』

「即係你本身佢表妹無感情!?」我突然變得好激動,睜住邦文

『嘛...』

「係唔係啊!」

『本身…係。』邦文講『而家唔係。』

「我理得你而家唔而家!咁唔得…我果然無估錯…你真係衰人!」
我捉實邦文件恤衫,不過唔夠力吊起佢「玩弄樂宜既感情…你呢種人…呢種人…我絕對唔認同!」

『樂宜…』被抓住既邦文微微一笑『嘛...』

「係…就係樂宜!」咦…?

奇…怪?

我鬆開捉緊邦文恤衫既手…

好奇怪…呢種感覺…

『妳唔認同都無辦法…最重要係小樂認同我。』邦文講

可惡…
唔怪得我會打從心底憎呢個人…因為呢個人…真係…真係…

『依期個天氣唔錯。』邦文突然轉移話題…望住個天...

「下?」

『我遲下打算約小樂睇星,啊…或者就係妳地旅行完個晚,岩岩好係星期五。』

「睇…星…?」

『無錯...最衰我無車,亦唔夠歲數...不過都係過程姐...』

「完全...唔知你講乜...」車乜鬼...過程乜鬼...

『睇完星…情到濃時…我地會發生乜野事呢…我開始期待啦。』

「你…!」

我忍唔住啦!我要打佢…狠狠咁打佢…即使可能會比同學或者老師發現…

『啊…我返黎啦!』就係我幾乎打算郁手個陣…表妹就返到黎…

「表…」

『小樂我地行囉。』邦文突然捉住表妹隻手

『下…?』表妹驚訝『但係家蔚…』

『小蔚佢有我哥哥嘛。』邦文望住我後面既方向…

邦彥佢正行更過黎…我唔係拒絕左佢嫁咩!

『咁樣…家蔚…』

「表妹…我…」

『今晚見啦,係老地方。』表妹微笑住講『記住叫埋冰瑤。』

面對住呢份微笑…我講唔出想講既說話…
因為會好惡劣…肯定會傷害到而家既表妹...

所以我只能眼白白睇住邦文拖實表妹離開…

無能為力…