282.


邦文拖走左表妹之後…得返我同邦彥…

『小蔚…』邦彥佢終於開聲

「我地有無睇過星星?」

『下?』邦彥愕然



「我係話之前既我…有無同過你…」一路講…我個頭越dup越低…

『無。』邦彥搖搖頭

「係啊...」唔知點解呢,突然有少少失望…

『小蔚係咪想去?』邦彥問

「下?」我望住邦彥「痴線!唔…唔唔唔好誤會啊!我只係問咋!無其他意思!」



『如果小蔚鍾意既…我…』邦彥突然捉實我雙手『我今晚請假同妳去!』

「傻啦你!」哇,邦彥雙手既溫度…又慢慢傳黎…哇…

『妳肯既…過埋夜都得,聽日學都唔返…』

工又唔返…學又唔返…就係為左我?

「下…下…下…」我係咪又面紅啦?唔係掛…



點解咁嫁…我…我唔想變gay…唔想呀呀呀呀…

結果,我大大力揮甩邦彥雙手,冒住走光既危機急急腳跑左去。

返到屋企即刻沖個左凍水涼 (點解天氣咁凍都咁熱嫁!?)
之後打算落樓下餐廳食個常餐之後就出發搵表妹冰瑤佢地…

『小…家蔚!』一入餐廳阿理就即刻走埋黎招呼我…

咦…佢而家係啡髮,順眼左好多喎!

根據表妹同冰瑤既證詞,失憶前既我係同阿理係幾熟既…
但熟到乜野地步呢…點都唔會係男女朋友關係掛…



點都唔會係男朋友…因為我已經有邦彥嫁嘛…

邦彥…

痴線!佢唔係囉!
至少…嗯…而家唔係…囉…

『家蔚,常餐到。』阿理好開心咁坐低左『大廚已經同意比我入廚房幫手啦!』

「係啊…」

『好彩個次多得家蔚…如果唔係我已經要返上大陸…』

「嗯?」我拎起杯咖啡飲一啖…e,唔錯喎…



『叫家蔚做我女朋友…真係太好啦…』

「噗!」d咖啡即刻噴左出黎,仲小心噴左d係阿理件衫到。

「啊…對唔住啊…」

『無野…我…我去拎毛巾先。』阿理企起身之後走左去…

做…做佢女朋友?
我唔係應該係邦彥女朋友(好似係)咩?

原來我…一腳踏兩船?
 
「冰瑤!表妹!!」去到老麥,我仍然好激動…



『家蔚…?』冰瑤愕然咁望住我,表妹都係…

「原來我…唉…我都唔知點解會咁…啊呀呀!」好混亂啊…

『表…家蔚你冷靜D先!』表妹講

「等我仲以為我變左女仔都唔會咁…但係…嗚...」憎死自己啦

我都唔知講唔講好…如果佢地知道左…會點樣呢…
而且…我特別係唔想比表妹知道…

『家蔚,任何野我地都願意聽…』

「我驚…妳地聽完…會睇唔起我…嬲我...」



『點會呢!』表妹認真咁講

「咁…我講啦…」

『嗯!』『講啦。』

「我…好似…我係話失憶前既我啦…好似…好似呢…一腳踏兩船。」

佢地兩個睇完之後個反應…呃…無乜特別。
原本仲以為佢地一定會好驚訝。

『係邊個?』『家蔚…?』

「阿理…佢話我係佢女朋友…」我繼續講…

然後…

『估唔到…家蔚妳係咁。』冰瑤搖搖頭,表情好失望...

『家蔚…你唔配做我表哥…』表妹都講『表姐都唔配...』

下…岩岩明明仲無乜反應嫁喎…點解…

『睇黎今日聚會到呢到啦…樂宜。』冰瑤望住表妹講

『係囉…呢種人…唔配我地幫佢…小瑤。』表妹點點頭

「喂…唔好呀…個個唔係我呀…我無理由鍾意阿理嫁嘛…我…」

『妳…』『你…』

「拿…點講呢…雖然講出黎唔好意思…但我對阿理都無感覺!唔似…唔似…呃…」

『唔似…』『唔似乜野呢?』

奇怪…點解佢地好似引導更我咁既…

「唔似…唔似…」我塊面又開始熱「邦彥…嗯…邦彥咁…
邦彥佢既一舉一動…由其係捉住我隻手…我都會…嗯…變得有少少奇怪…咁…」

『噗!』表妹終於笑左出黎,連冰瑤都好似幾滿意…

「下…?」我即刻疑惑…

『妳同阿理件事係假既。』冰瑤講『我地一早清楚。』

『可能只係阿理講得唔清楚家蔚你先誤會。』表妹接住講

「下…下…下!?」

『不過而家我地清楚一件事啦。』冰瑤再講

『無錯...嘻嘻。』表妹笑一笑

原來我一直比佢地玩更!啊呀呀呀呀呀~~~~~~~
 
「即係…我要清楚返先…我同阿理真係…」
 
『無呀!長氣!』表妹講
 
『個件事妳其實只係為左幫阿理。』
 
「講起上黎…又好似…」
 
『所以唔好諗咁多啦,家蔚妳對邦彥係一心一意!』表妹講
 
「唔…係啊…」
 
咁都好d…等我仲以為我變左女仔之後到處留情…
 
「我對邦彥真係…唔得!」我搖搖頭「我唔想承認…」
 
『呵呵,不過呢個係好開始。』冰瑤笑笑口咁講
 
「下?」
 
『同邦彥多d一齊,就可以容易搵返記憶,小瑤妳係想咁講可!』
 
『嗯…的確…』
 
唔通我真係唔應該抗拒…
要學會…嗯…接受?
 
啊呀呀…但係gay…始終都係gay喎…