286.


同冰瑤道別之後,我送表妹返屋企既途中,大家都好安靜…

表妹…個樣好平靜…睇黎無因為無得去睇星而唔開心?
但會唔會其實係我一相情願…其實表妹好想去睇?

「表妹…」所以,我終於開口…



『家蔚?』

「妳星期五…夜晚…其實係咪有野做?」

『下?點…點會呢…』表妹呢個語氣…我幾乎肯定…答案係”有”。

「其實我知道嫁。」

『家…蔚?』



「邦文係咪約左妳去睇星?」

表妹無回答到,不過佢點點頭。

果然,邦文佢講得出係做得出…咁即係個件事…

「表妹…妳…好想去?」

『唔…唔多唔少…但係家蔚你既記憶重要d…』



「點解…」

『因為我好想家蔚你快d記返起邦彥,為左咁我…』

又...又係邦彥?

『願意暫時放棄...』

「點解喎!」我激動起黎,企左係到…

『表…家蔚?』表妹另轉身…訝異咁望住我

「點解表妹妳咁想我同邦彥一齊返喎!」

『下…因為…我…我之前話過會支持你地…同之前既家蔚你講…』



「唔通…妳一d感覺都無嫁咩?明明…明明…」我握緊雙手
「明明妳之前仲鍾意我…邊可能咁快就無感覺喎!」

『下…』

「點解妳仲要不斷支持我喎…點解妳唔試下拆散我同邦彥喎…」

『點解我要咁做…』

「因為機會就係眼前!」我開大眼望實表妹「因為而家既我係鍾意表妹妳!
只要…只要…只要表妹妳而家都係鍾意我…咁仲有乜野問題喎!」

『我…我…』



我捉實表妹既雙肩…

『啊…!』表妹輕輕嗌左一下…睇黎我整痛左佢...

「只要係而家…妳鍾意我…我又鍾意妳…咁樣...之前既記憶算得係咩喎…」

『唔…唔係呢個問題…』

「就係呢個問題!表妹妳願意不斷幫我…就係因為妳心入面仲有我…仲放唔低我…仲…」

『表…表哥…』表妹開始臉帶淚光…

「仲鍾意我!」

然後我慢慢…將個頭…靠近表妹…


我要用呢一吻…向表妹傳達…我既心意!


啪!


好痛…
表妹佢…打左我左臉一把…

『白痴!』表妹大嗌『大白痴!』佢已經喊更…

「表…表妹…」

『我…我都已經講過!』表妹好大聲咁嗌
『我已經有邦文…唔…唔會對表哥…嗚…再有任何想法!』



「點…可…可能…」

『我支持表哥你同邦彥,就係因為你地本來就係一齊,
本來就係一對!絕對無其他原因!嗚…白痴!白痴!死白痴!嗚…』

然後佢另轉身…我聽得出…佢喊得更加利害…

『但表哥你…表哥你...可惡!可惡可惡可惡!我…嗚…唔想再理你啦!拜拜!』之後就跑左去…

留低我一個…
我將左手…放係自己被掌既臉頰到…

好痛…

但係…心更加痛,

最終…我都係...再次傷害到表妹。
 
星期四既朝早,我好早就起左身好換校服,食埋早餐,
因為…我想表妹今朝黎接我個陣,見到我咁長進會稍微開心返…咁或者佢會原諒我…

原諒我琴日既一時衝動…

叮噹叮噹

黎啦!

我即刻衝去打開門…
但門後面個個,原來…

『早…早晨,家蔚。』係紫晴。

「早晨…?」點解係紫晴既?

我開門比紫晴行入屋,
之後就伸個頭出去望走廊…表妹唔係到…

『家蔚咁早已經換好哂衫食埋野啦…』

「如果我叫早咁紫晴仲早啦…哈哈…」

『咁…咁就係。』

之後係尷尬既幾秒

「係呢…點解紫晴妳會…」

『下…我…我因為知道家蔚今日無人會黎同妳一齊返學…所所所以…』
紫晴口窒窒咁講『所以咪上黎囉,係啦就係咁啦。』點點頭…

「哦…」

咁既話,完全明白哂…

表妹,雖然話就話唔想再理我,但因為驚我可能唔知醒或者曠課,
所以都係專登叫紫晴黎接我返學…

而點解同理由之下唔叫阿kay而要叫紫晴呢,咁就要問返表妹啦。

表妹…
妳就算嬲左都仲係咁對我…

「咁我地行囉。」知道呢個”事實”之後,感覺踏實左好多!

『嗯,家蔚。』

因為今日早左好多出門口,所以我同紫晴基本上係慢慢行…
咁樣非常好…咁既情況我就可以…

「紫晴啊…」

『係?』

「關於返我同妳上世…個件事…」

『家蔚…妳真係完全無印象?』

我無奈咁點點頭…

『咁啊…』紫晴微微低下頭『家蔚…而家仲早…不如…我地係學校個邊既公園坐下?』

「下…?」

『關於佢地既事…我…我有個唔知可唔可行既辦法。』

「係乜野…」

『但…但因為有d尷尬啦…所…所以希望可以過個邊公園…』

「就咁話啦。」

所以我同紫晴就繞一繞路,行去學校旁邊既公園。