287.


入到公園之後,紫晴繼續帶領住我行…

呢個公園…我記得上次黎個陣已經係幾年前…
但唔知點解,感覺好似好熟識咁…

“失憶前既我有黎過”…唯一既解釋就係咁。



到底係同我邊個黎既呢?黎又係做咩呢…
行下行下…我發現有少少奇怪...

「咦…紫晴?」

『係?』紫晴繼續行…

「岩岩咪有長椅囉…」我指住岩岩個方向,雖然紫晴見唔到。

『唔…唔係坐低…』紫晴搖搖頭『繼續跟我行就得,家蔚。』



「哦…」奇怪?

結果行下行下就行到去公園既角落頭…有棵大樹係到…

大…樹…

『平時有d公公婆婆會係樹下面捉象棋…』紫晴擰轉身講…

「哦…」



『家蔚…』紫晴突然捉住我隻手『跟…跟我過黎。』

哇…到底乜野事?
紫晴隻小手 (雖然而家只係同我差唔多),明明係冬天…都係咁暖既…

然後我同紫晴企左係樹下面…

『家蔚隻手…有少少凍。』紫晴微笑

「係嫁啦…紫晴隻手就唔同呢…好溫暖。」

『其實…係因為我有暖蛋…』紫晴細細聲講,之後打開另一隻手…上面有粒暖蛋。

「原來係咁。」



然後…又係短暫既沉默…

呢段時間,我留意住紫晴…
而家既佢…無帶眼鏡…到底幾時無帶嫁呢?

好可愛…而且…係宿營個陣亦知道紫晴好有料…
如果而家既我心入面唔係有表妹…同…”之前”既我有邦彥既話…

或者…我同紫晴已經一齊左?

『家蔚…而家係樹下面…有無任何感覺?』

「呃…」我抬起頭「唔係話無…不過…有d微妙…」



然後我慢慢低返頭…

「呃唔!?」突然嘴唇傳黎種微妙既觸感「唔唔唔!?!?」

係種甜甜既味道…
係一種濕濕既感覺...

之前...同表妹都試過既...
而且...琴晚都幾乎會發生...

紫晴…佢…嗯!?

佢點解無啦啦錫我啊?
 
紫晴…幾時變得咁大膽啊?


錫…錫喎…我根本完全想像唔到…紫晴會咁做...

呢種甜甜既味道…啊…

紫晴而家同我既距離係非常非常之近…
所以,我能夠感受到,紫晴佢而家既氣息好急速…

紫晴…佢而家都好緊張?
佢做出呢個舉動…都係付出左好大勇氣?

但係原因呢…

原因…

嗯…啊!?



腦海突然…有無數既片斷傳過黎…
同個日係冰韻診療室…訓係躺椅上面個情況一樣…

偽紫晴落藥係zero之後將我綁係床上面然後
表妹同偽紫晴同我比人綁架但原來一切都係冰瑤既計劃

紫晴同子朗交換左身份…”紫晴比阿芝告白
偽子朗床襲我之後佢專登上福建搵有關本子朗既資訊

miss lee既相我搵到于子朗然後希望見佢婆婆一面
十二月二十九日係婆婆封信上面

于子朗思蔚

『家蔚…』唔知幾耐之後…紫晴嘴唇終於同我嘴唇分開…

「我地」跳舞…之後係樹下錫左一啖…

之後仲比阿彥發現

『家…家蔚!?』紫晴驚訝咁望住我

我估紫晴咁驚訝…因為…

我喊更…

我知道…因為寒風吹過我落出既眼淚既時候…有種刺痛既感覺…

子朗…估唔到係因為咁所以…先唔返黎搵「我」…
而當佢決定搵「我」個陣…我已經因為抑鬱症…所以死左…

明明本來係一對幸福既情人…點解要受到咁既對待…

『家蔚…係…係唔係…諗起d野…』

但好既係…佢地兩個…相隔咁耐終於可以見返面…仲可以…完成個次既約定…

『家蔚...?』紫晴越黎越擔心

「我…」我抹一抹眼淚「我…我無事…仲有…我…我記起返啦…」

記起返…想知道既事情...仲有…

『記起…真係得?』紫晴難以置信咁望住我…

「嗯…」我點點頭…

但相對…唔想記起既…

阿彥…邦彥發現左之後點?之後點啊?
唔會係想同我分手嘛…唔通…就係因為同我分手…

所以好似冰韻咁講…我係因為受唔到分手既刺激所以…自己選擇失憶?

唔係掛…

點會..咁…
 
『家蔚…子朗個度…子朗…』
 
「我已經全部記返起。」我同紫晴講「真係多謝妳…
岩岩個一吻…令我明白哂所有…同紫晴…”子朗”發生既所有事…」
 
『我…我只係覺得…只要比家蔚重新經歷返一次…
就有可能會令家蔚醒返起…估唔到真係得…』紫晴臉帶淚光咁講『估唔到…』
 
「多謝妳…紫晴…」
 
『唔洗…』紫晴搖搖頭『唔洗多謝…』
 
「要既…真係要…」我堅持…
 
紫晴…于子朗既下世…
可惜時機唔對…我地先唔可以一齊…
 
「我…我有無乜野可以為紫晴妳做?」
 
『下?』
 
「我唔知…本來我地應該係命中注定一齊…但係…但係而家…」
 
做情侶…起馬…現階段係做唔到…我仲有表妹…
仲有…記憶入面…既邦彥…我真係叫佢阿彥?
 
『唔洗…』紫晴搖搖頭
 
「但係…」
 
『我好記得…我自己講既野…即係于子朗。』紫晴微笑
『我地呢…唔應該因為上世既我地而影響而家既我地…』
 
「紫晴…」
 
『而家既家蔚…有樂宜同邦彥…』紫晴講『我好清楚呢點…』
 
「係…」紫晴咁明白事理…突然令到我感動起黎…
 
『我好希望好希望…家蔚妳可以得到幸福…』紫晴繼續講
『我知道一點…只要家蔚幸福…我就會幸福嫁啦…所以…』
 
紫晴佢捉實我雙手
 
『唔理結果…家蔚妳會同樂宜同邦彥邊個一齊…總之…一定要幸福!答應我!』
 
「紫…嗚…紫晴…」我終於喊起上黎…
 
紫晴都係…
 
『我…嗚…相信呢個都唔單止係我既希望…上世既我…同上世既妳…都係一樣…』
 
我攬實紫晴…
 
「我答應妳…紫晴…我答應妳…」
 
『嗚…嗯…家蔚…』