288.


攬左一陣…紫晴就輕輕推開我…
 
『雖然咁講有d差…有d壞心眼…但假設如果有一日…我知道家蔚妳得返自己一個…
到時我一定會努力…努力埋于子朗既個一份…將家蔚…追到手…
之後一齊…幸福咁去到永遠…所以…家蔚妳一定要努力唔好比呢件事發生啊!』
 
「我…」我笑一笑,之後點點頭「我一定會努力…」


 
『啊!係啦…仲有偽…我另一個人格既事。』紫晴突然醒起d野…
 
「係?即係…偽紫晴…」
 
『佢話啊…今次唔可以同家蔚妳告別好可惜…』紫晴笑住講
『但佢一定會監視住妳,叫家蔚妳千其唔好比佢有機可成!』
 
「哈…哈哈…其實…偽紫晴都唔差啊…」
 


『的確…』紫晴講,佢放隻手係佢心口『佢就好似我一個姐姐咁…
雖然有時係做得唔岩…但佢係真心一直保護我,而家…佢會真真正正同我一齊…』
 
「紫晴…」我微笑「行囉。」
 
『嗯!』紫晴露出燦爛既微笑…
 
同今日既天氣一樣燦爛…同晴朗。
 
但另一邊廂,個個人就同今日既好天氣完全相反啦…


 
早會時間…當我同紫晴返到去個陣…
 
「表妹…」我嘗試同表妹講野
 
『唔好同我講野!』表妹好嬲咁講
 
「下…」
 
結果連排隊佢都排最後,所以到阿kay同紫晴夾住我。
 
然後到小息時間…
 
「表妹…」一響鐘我已經即刻另轉頭…
 


『乜都聽唔到!』表妹彈左起身走左去…
 
「…」
 
直到小息完佢先返黎…
 
表妹…明明妳係關心我嫁嘛…但係點解要嬲我喎…
 
之後就係另一個人…
 
『小蔚…聽日去旅行既野準備好未?』阿彥…啊講錯,邦彥係後面講
 
「而家係轉堂時間呀!班長!」
 
『我唔理得咁多…』


 
今朝紫晴幫我搵返回憶個陣…我見到邦彥佢發現我同「子朗」錫既一幕…
大概因為咁…所以佢同我分手…
 
但係醫院醒個陣,我記得邦彥係話乜都唔理…要同我一齊…
咁樣…咪即係無左分手呢回事囉…?
 
『小蔚…』
 
「咪煩啦!」
 
可惜…知道失憶前既我同邦彥就只有個一幕…知道既野實在太少…
但亦證明左一件事…就係紫晴同我同邦彥三個人係無乜同時既交集…
 
同時紫晴令我明白到一樣野,


就係重現返之前發生既事…真係可以令我恢復記憶。
 
諗返起…如果個日…邦彥真係天台到同我告白既話…
或者…或者…我對佢既記憶就會返哂黎?
 
係咪應該…真係…要…要試下呢?
 
「唔得!」我猛烈搖搖頭,旁邊既表妹好似比我個反應攪到窒一窒…
 
唔得!唔可以試…唔可以試…呢d野…
如果試…我咪同時要比個答覆佢囉…
 
點答喎…叫人地…係咪先…
咦?唔係喎…拒絕咪得囉?拒絕…之後搶返表妹返黎…
 


都係唔得…我唔知記憶返黎之後會點嫁嘛,係咪先?!
 
唔可以試唔可以試。
 
結果表妹keep住以不理我既態度去到午飯時間…
但出去食野一直都係四人去嫁嘛,所以表妹走唔甩掛今次…
 
但係…
 
『hi,小樂…各位。』邦文唔知點解企左係學校門口…
 
『咦?又黎痴餐?』阿kay笑笑口講『定係…』
 
『阿kay妳真係聰明姐。』邦文講『其實我黎搵小樂食飯…』
 
搵…搵表妹食飯?唔係掛!?
點解偏偏要係今日喎!
 
『啊…王樂宜終於要同人二人世界拋棄我地啦!紫晴!』阿kay非常浮誇咁講
 
『下…下?』紫晴應該比阿kay浮誇既表現嚇到…
 
『咩…咩喎!一次之嘛!可!邦文…』表妹不滿咁講
 
『無錯啦,我都係徵用小樂一次姐,各位。』邦文微笑,眼神掃一掃我地各位…
 
然後目光放係我到…
 
『行囉,小樂。』明明係望住我…但係同表妹講…
 
呢種眼神…好討人厭…
 
『嗯…』表妹回應…
 
『係啦…順便可以傾下聽晚睇星既野。』邦文終於望返表妹…
 
睇星!?
表妹唔係話…聽晚…
 
『喂!唔好…』表妹驚訝『係到講啦…』細細聲
 
陪我…既咩…
 
『哇!去到觀星呢步啦!呃嗚嗚嗚嗚!!!』阿kay睇黎好羨慕,然後望實我…
 
但係我唔想理阿kay住…
 
「表妹…」我要…提返表妹…聽晚…
 
但係…
 
『哼!』表妹側埋一臉『行囉,邦文。』自動拖住邦文隻手走左去…
 
表妹,唔好走啊啊啊…
但佢地只係越走越遠…
 
『有男朋友真係好啦…』阿kay講『我地行囉…表姐…咦?』
 
如果…我唔係著裙既話…
 
我一定會跪係到…
 
Orz咁…
 
表妹…
 
表妹…
 
唔好…走啊…
 
表妹岩岩趕起午飯時間完之前返到黎,
睇佢個樣…好似幾開心咁…到底…岩岩邦文同佢傾左乜呢…

但而家既我點問得出喎…因為表妹佢…

『哼!』我只係望住佢,佢都係咁既反應…

叫我點開聲喎?

如果再咁落去…今晚去搵冰韻既時候…表妹會唔會唔陪我去嫁?

焦慮同不安佔據左我成個下午時間…
放學…放學我一定要同表妹道歉…

但係…

『樂宜?』鐘一響完,應該係隔離班既主席即刻黎搵表妹『上去傾野啦?』

『啊,係!』表妹快手快腳拾好野『我即刻黎。』

結果我又係眼白白見住表妹離開。

『小蔚…真係唔一齊買野?』邦彥係呢個時候搵我…

「彈開啦!」

無視其餘所有人既我,一個人行返屋企。

平時我地都係分別換好衫,
之後係我屋企集合之後出發去冰韻到既…

但係今日…

表妹…

叮噹叮噹

衝去開門個刻,我默默祈禱,千其唔好得冰瑤一個啊!

一開門…第一眼見到既…

『唷。』係冰瑤…而佢隔離...

係撇過頭唔肯望實我既表妹。