289.


鬆一口氣。

果然…表妹妳係對我最好既…

坐車去冰韻診療室既時候,我地三個都好安靜...
而冰瑤就夾係我同表妹中間…



『妳地...係咪嘈完交黎?』冰瑤大概忍受唔到咁尷尬既情況,終於開聲。

「下…」『邊有呢…』

『唔好昆我啦…』冰瑤再講『平時點靜都唔會靜到咁奇怪。』

「果然…乜都瞞唔到冰瑤…」

『呵呵,』冰瑤滿意咁笑一笑『好啦,等我做和事婆好無?』



『哼…』表妹雙手抱胸『好難啊!』

「表妹…唔好咁啦…我真係…琴晚…對唔住!」我誠懇咁講

多得冰瑤...我終於可以開聲同表妹道歉。
 
『哼!』但表妹睇黎仲係唔肯原諒我…
 
「對唔住啊,對唔住!」我向表妹鞠躬道歉
 


『既然家蔚都做到咁囉樂宜』冰瑤都幫我講好說話
 
『妳唔明佢琴晚有幾惡劣嫁啦!小瑤!』
 
『但我睇得出家蔚係真心道歉既。』
 
『但係但係佢係衰人!』
 
『樂宜妳都出現得係到囉,即係妳心入面都想原諒佢嫁嘛?』
 
』表妹開始猶豫
 
冰瑤好波繼續幫我講啦
 
『家蔚呢?已經無野講?』冰瑤望住我


 
下?
到呢到嫁咋?
 
「有更係有啦!」我望實表妹
 
雖然佢都係唔敢正視我
 
「我表妹我認我琴日對妳做既事好錯但係我
 
我係真心嫁嘛!
 
『知啦!』但表妹舉起手阻止我講落去『明啦明啦!』
 
「下」比我講埋先嘛


 
『我原諒你就得啦,家蔚。』表妹終於肯望住我
『但如果你再將琴日既話題講多次我就以後,永遠,一直,點都,唔會再原諒你!』
 
「下但係
 
『你係咪仲有野講?』表妹瞪住我
 
再講表妹就真係可能唔會再原諒我
 
「無無啦」唯有認低威。
 
『咁就好。』表妹滿意咁講
 
「咁樣係啦」我細細聲講「聽晚


 
『聽晚冰瑤會陪你。』表妹講『我已經應承左邦文,唔會爽約。』
 
「下」但妳之前都應承左我嫁wo…
 
『係咪唔滿意呀?』表妹再瞪住我
 
「唔係
 
嗚嗚嗚
 
邦文不懷好意嫁點解表妹妳唔明
 
嗚嗚嗚
 


點解我琴晚要同表妹講個dwo…
 
嗚嗚嗚
 
*
 
上到去診療室,我即刻將記憶回復件事講比冰韻知…當然,原因無講到。

『下?點解我唔知既!?』表妹好驚訝

「因為…妳之前嬲更我…」

『係…係喎…』表妹尷尬咁dup低頭

『即係…家蔚妳已經回復返一部份記憶?』冰韻聽完之後

「嗯…」我點點頭

『原因呢…』

「呃…有d尷尬…」

『講啦!』表妹講

話說,冰瑤而家坐埋係房既另一邊睇更醫學書,
睇黎佢真係唔多想同冰韻同台坐。

『如果可以我當然希望家蔚妳可以詳細咁講,但如果唔願意既話,粗略咁講都可以既。』

「唔…其實…係同某人做返過去做過既一件事…
之後…之後就記返起同個個人一齊既事…嗯...咁會唔會太粗略?」

『係邊個?』表妹即刻問『係唔係邦彥?』

我搖搖頭,表妹露出少少失望既神情

『咁樣已經足夠。』冰韻講『睇黎我呢個催眠師真係應該要重新學下野。』

「下?點解冰韻姐姐妳要咁講…」

我隱約聽到後面睇更書既冰瑤發出一聲不屑既笑聲,
係本書好笑?定係…

『無,雖然家蔚妳講個個方式的確係好正宗,但亦估唔到會比我既催眠有效姐。』

「唔係嫁!都係接受完冰韻姐姐妳既催眠…我先會有呢種情況出現…之前都無既!」

呢個係事實黎嫁!

『家蔚妳真係溫柔。』冰韻講『好啦,咁我地再黎啦?』

『咁無我地既事啦,樂宜,我地出去先。』冰瑤放返好本書,之後行埋去打開門

『嗯…』表妹企起身,望住我『加…無野啦,一陣見。』

「拜拜…」

之後我就躺係椅上面…

『所以家蔚妳真係覺得唔係我失敗?』冰韻問

「更係唔係啦…我唔知點講啦…我硬係覺得係因為冰韻既催眠…
幫我打開左腦海某度門…我既記憶先可以咁容易返到黎…」

『咁講…的確係有d道理既。』冰韻無奈咁笑一笑,令我覺得我岩岩講既野有d膚淺

「係嫁…一定係咁。」

『但我妹妹就唔係咁諗啦。』冰韻嘆一嘆氣

「下…即係…冰瑤…」

我突然有種感覺…唔通…冰韻有種壓力…源自冰瑤帶來既壓力…
所以…佢先出唔到全力?

『飲啖水,我地開始囉。』

「嗯…係…」

結果,今次催眠亦都係無任何結果。