293.


而家,阿沖已經orz左係到,阿澤就成身發顫…然後…

『…饒命啊女班長…』終於佢都orz埋一份…

『啊啊…咁樣我好為難嫁喎…』冰瑤睇黎玩得好開心

『唔好啊…最多…最多…屌…我都唔知可以點…』阿澤語無倫次咁講



『阿澤…冷靜呀…我估…切J成件事就可以解決嫁啦…』阿沖講

『你先最唔冷靜呀仆街!』

『下…切J唔得?一係三貓再接任咪得囉…』

『屌…你痴撚左線…而家對手唔係恐暴龍啊…』

『女班長恐怖過恐暴龍囉!』



…呢兩個毒撚呢個時候都要咁毒…

『唔…要點做呢,睇怕要問家蔚囉。』冰瑤講…然後望住我…

「下?」

『點樣處置佢地兩個…由妳決定。』

『小蔚…一於比我打佢地一餐…』邦彥向前行一步…佢地兩個即刻嚇到縮一縮…



「唔好呀!」我捉住邦彥隻手臂「打人一陣阿彥…唔係,邦彥你都會有錯嫁!」

而且,邦彥打人呢件咁man既事情,再睇落去我會…會變得好奇怪囉!

『咁樣…你地好彩!』邦彥大叫

「一於咁…你…你地兩個…刪哂d相…同岩岩既錄音…之…之後就當無事發生過…」

『即…即做!屌,阿沖咪跪啦!快刪!』阿澤拎起佢部手機禁禁禁…

『係…係既…』阿沖都起勢咁禁…

『咁益佢?』邦彥問



「我唔想攪大件事!」

之後由邦彥親手驗證左佢地部手機…真係刪哂…
呼…但佢地始終都有相既backup…應該係話…上網都會有…

『咁…咁咁咁…dv入面d片…』阿澤向冰瑤笑一笑…

『係囉…冰瑤大姐姐…瑤瑤大人…』阿沖都一樣…

『你地唔係以為我會刪走佢嘛?』冰瑤用高高在上,不屑既眼神望住佢地兩個…

『下…?』『唔撚係掛…』

冰瑤好甜咁笑一笑『只要你地…係之後唔會做出奇怪既舉動…
咁呢段咁有觀賞價值既片亦都唔會公開出去…D.E.A.L?』



『DEAL!更係屌!』『GOOD DEAL!』阿澤同阿沖好似拜神咁拜冰瑤...

『呵呵,咁無你地既事啦,走啦。』冰瑤同佢地講…

然後兩個毒撚即刻雞飛狗走咁離開左現場…

「多謝妳呀…冰瑤…如果妳無拍片…我就大獲啦…」雖然如果一早出黎救我仲實際…

咦唔係喎…如果一早出黎…咪唔可以反威脅佢地囉?冰瑤…原來妳計好哂…

『呵呵,只係參考當時阿kay既做法姐。』冰瑤笑一笑
之後微微低下頭『而且…出救妳既人唔係我…』

「下…」我側一側臉…望落冰瑤雙眼望既位置「啊…」



唔知幾時…我由捉住邦彥既手臂…變左做拖住邦彥隻手…

『睇黎,呢到無我既事啦。』冰瑤微笑『我去搵…樂宜佢地…』


『唔阻住你地兩個啦。』
 
冰瑤走左之後…我同邦彥兩個…無任何行動咁企係到…
無講到全何野…無望住對方…
 
只有…手…牽著手…
 
唔知已經過左幾耐…
 


我唔想開聲…因為…我面好紅…心又跳得好快…
呢個時候講野…一定會口窒窒…語無倫次…
 
如果…手既溫度可以傳達我既說話就好啦…
 
但可惜唔得…
 
『小蔚…』終於…邦彥開聲講野…語氣…好溫柔…『無事嘛?』
 
呢五個字…仿佛穿透我既心一樣…
我…我忍耐唔到啦…
 
我突然…轉身攬住邦彥…
 
『小...?』
 
「唔好出聲…唔好…」啊…我終於做左出黎…
 
點解嫁…我...點解會…
 
「我記起啦…邦彥…動漫節…仲…仲有德國餐館…」
 
動漫節…我又係咁…比邦彥救左…
 
「由你出手救我個一刻開始…我已經…已經…啊…好尷尬…」
 
我心入面明明唔想gay…但而家…呢種情況…
 
『我明…小蔚,我明。』
 
「然後…而家咁樣攬住邦彥…我又記得更多野…海旁...係啦…海旁…我又係咁…」
 
個日…我見完小影…之後撞到邦彥…喊得好利害…
 
『仲有呢…小蔚…』
 
「之後…奇…奇怪?感覺…斷斷續續…下一幕…已經係…」
 
公…公廁?有一個中年阿叔…佢…佢想…
 
『你想點呀?』
 
『哥哥仔!係咪想一齊爽呀?我都係準備開始咋…』
 
『死開啦你!』然後又係一拳…
 
「邦…彥…十二月二十九日…你…你係咪係公廁救過我黎?」我抬起頭問邦彥
 
『下…?』邦彥有少少疑惑『無…我記得…無…』
 
奇怪?點解…我記得既野…邦彥會唔記得?
 
『小蔚?』
 
「無野啦…呢…呢點唔重要…最重要係而家…邦彥…啊…」我dup低頭「係…係阿彥。」
 
『小蔚…妳終於…』
 
「我其實未記得哂…同阿彥既所有野…但係…只要…」
 
『只要我同小蔚一齊…妳既記憶一定會返黎…然後…』
 
「然後…我同阿彥又會…」
 
嗯…
 
阿彥…
 
呢一吻…雖然無令我記起更多…
 
但有一點…我好清楚…
 
我係女仔…我係陳家蔚…我係…阿彥既小蔚。
 
*