295.


「冰瑤…妳到啦。」

『嗯。』

雖然表妹係原諒左我,但佢都係堅持今晚去同邦文睇星 (答應左人嫁嘛!)
所以阿彥係送完我返屋企,換好衫之後黎接既我…只有冰瑤一個。



「冰瑤…我真係要多謝妳…」

『家蔚?』

「因為妳…我先可以記返起阿彥係對我幾重要…」

『呵呵…我只係根據返家蔚妳既概念去協助妳姐…』

「下?」



『「係同某人做返過去做過既一件事」,係個個女人既診療室妳講過既野。』

「哦…」個個女人?係指冰韻姐姐?

『我記得…妳同我講過,妳對邦彥有感覺,係由佢係動漫節救妳開始。』

「係…失憶之後?」

『無錯…上年八月,我地兩個發生過好多事嫁。』



「咁講...好易令人誤會喎...』

『呵呵。』

係喎…八月八日直到開學…起馬仲有半個月…
個陣我同冰瑤…到底為開學做過...準備過d乜野呢?

『而且…我幫助妳都係為左我自己。』

「冰…瑤?」

『我要…證明我自己。』

「其實呢…冰瑤!」我終於鼓起勇氣「妳同妳姐姐…係咪…」



『家蔚發現到?』冰瑤雙眼微微張大…

「係…無論係妳定係冰韻姐姐…我都覺得妳地互相有唔妥!
而且岩岩妳仲要話”個個女人”,妳地兩姐妹黎嫁嘛…」

『我…唔承認佢係我姐姐。』冰瑤搖搖頭…

「下…點解…」

『個個女人…』冰瑤咬牙切齒『無資格…』

「冰瑤…到底...」

『家蔚…妳係好溫柔…但我都曾經講過…妳呢份溫柔有時係會傷害到人。』



「…」

『所以…家蔚妳知道到呢到就夠啦,我同佢…妳係幫唔到手。』

「明…白…」冰瑤…

去到診療室門口…冰瑤今次睇黎連入都唔想入,

『我一陣再黎接妳。』

「嗯…」

到底...佢地兩姐妹...發生過乜野事呢?
 
*


 
『家蔚好似唔係好開心咁既?』冰韻倒完杯水比我之後問

「無呀…」

『今日旅行喎…係咪發生左乜野事?』冰韻講
『雖然我唔係心理醫生,但我都好樂意聽下嫁…』

冰韻向我微微一笑,呢種感覺真係好似冰瑤。

「唔係…我係好開心嫁其實!」

『嗯?』

「我啊…今日記得返起同男…男朋友既野!」我同冰韻講



『係啊!?點解既…』冰韻高興咁問

「個做法...都係之前我講咁啦…不過今次係多得冰瑤幫手…」

一提起冰瑤兩個字,冰韻姐姐即刻低沉起黎…

『冰瑤啊…』

「冰…冰韻姐姐?」

『唔…』冰韻微笑咁搖搖頭『無野啦…』

「其實…冰韻姐姐妳同冰瑤係唔係…」

『家蔚…妳都…留意到?』

「係啊!」果然係兩姐妹,發現後既反應都好似「我feel到嫁!」

『嗯…我同冰瑤…的確係溝通上有少少問題…不過…』

「我…雖然咁講好似有問題…但我覺得唔係少少…
我…我呢!好想幫到妳地…因為…我同冰瑤…係好朋友…而冰韻姐姐妳…」

『家蔚。』冰韻打斷我『呢個…始終係我同冰瑤之間既問題…
我覺得…妳要幫到冰瑤同我…就應該從另一方面著手。』

「下…」

『搵返記憶…唔係妳而家要做既事咩?』

「係…不過…」

『我同冰瑤…雖然溝通係有問題…但想幫到家蔚妳既感情,係真心既。』

「冰韻…姐姐…」

咁…咁又係…

『所以…我地一齊努力?好無?』

「係…」我點點頭「我地努力…今日…今日我真係好想成功嫁!好想好想…」

『咁既心態就好,咁我地黎啦…』

「嗯…」

訓上躺椅個一刻…我有種感覺…
而呢種感覺…我好快就明白…好快就會清楚…

為左阿彥...同時...亦為左不斷祝福我地既表妹同紫晴...我要努力。
 
*
 
『我怕…我怕結果會一樣。』

係…係芷螢把聲?

『咁…咁都無辦法…』小芋個語氣…好似有少少失落?『如果…失敗…妳會點?』

『我…唯有親身…同家蔚講…』

『下?』

『個件事…如果家蔚知道左…佢應該...大概...』

『但係…佢唔應該知嫁嘛!』

『但呢個係最後既方法!雖然好殘忍…但係…』

『芷螢…』

『已經到左呢步…小芋…妳會支持嫁可?』

『呢個呀…呃…都走到呢步囉…』

『小芋!』

『希望…呢一日唔會發生啦。』

*