298.


『小…蔚…』原本有少少驚訝既邦淫好快就轉返微笑...

「小你個蔚!」我大嗌,睜住邦淫「你…你係咪對樂宜…」

『我…對樂宜…妳唔係應該最清…』

「係唔係啊!」我再大嗌…



連red bull都買埋…分明…分明已經…太遲...
樂宜…嗚…我…我對妳唔住…嗚…

『我話唔係…妳信唔信?』

「我點會信…電話…電話我已經收到啦!你分明…你分明…」

我鬆開一隻手…唔係因為想放開邦淫…而係想…狠狠咁打佢一拳…



「殘格!!!」我大嗌…

但係…

『發生乜野事?』士多老闆終於發現到唔妥行出黎…一面驚訝

『無野…我同女朋友嘈交姐…』邦淫即刻應答,臉上面係無奈既微笑

「佢先唔係…」我正想開聲…



『妳如果攪大件事…之後就好難睇。』邦淫細細聲同我講

「下?」我難以置信咁望住佢

難睇個個係你咋?

『小姐…佢係咪你男朋友?』老闆慢慢行埋黎…手上面拎住部電話…

睇黎佢已經準備好報警咁…
報警好啊…等差人黎捉走呢個…呢個強暴犯!

『我難睇…妳難睇,小樂都係。』邦淫講個陣表情難得地認真…

下...?樂宜...



『小姐?』

「唔係…」我搖搖頭「佢雖然唔係我男朋友…不過…我地無發生任何事…」

『真係?』老闆睇黎唔信『如果佢係做過d乜野…』

「真係無事…啦…信我...」我鬆返開雙手,向老闆證明…

『無錯啦...』邦淫笑一笑,之後彎低身拾返兩罐野

『唔…而家d後生既真係…亂咁黎』老闆收返埋電話,搖搖頭行返入鋪頭…



「你唔好以為咁就算…我只係怕…如果差人黎…攪大件事…咁樂宜…」



『前題我要真係有咁做過。』邦淫笑一笑…

「你唔好再扮…啊!」邦淫突然將一頂鴨嘴帽放係我頭上面…

『跟係我後面…唔好出聲…扮係其他人。』

「下…?」我好驚訝「點解我要聽你…」

『我已經玩厭啦,呢d小朋友遊戲…而家…』邦淫背對住我『我要比妳知道一件事。』
 
比我知道…一件事?係乜野事?

我好想即刻問清楚…但係邦淫佢已經開始行更…
我唯有急急腳跟係後面…



當然…電話我已經準備好…一有乜野事就即刻打比冰瑤…
其中包括…見到…衣衫不整既樂宜…或者傷心欲絕既樂宜…

我唔希望咁…但可能性…的確唔係無…

邦淫…帶我行落沙灘…再沿住遠離燒烤場既方向行…
呢個方向會行去邊…我完全唔清楚…

行左大約五分鐘…我開始見到一d都係帶住帽既人…
佢地都企係石灘上面…雖然好黑…不過大致都知道佢地係到…

釣更魚?

再走前少少…我突然收到封短訊…


係…邦淫?點解唔直接同我講…

(一陣搵個聽到我地講野,又唔會比我地發現既地方好好坐低。)

下?搵個位坐低?點解?
再行落去…我終於見到佢…樂宜…

佢同岩岩釣魚既人一樣…企係石灘上面…手上面…拎住一枝野…
下…我…完全…唔明…

係樂宜佢地後少少既位置…有舊方型石屎係到,
如無意外坐係下面可以完全遮住我既身影…

『唷,我返黎啦,小樂。』

『嗯…真係好難啊…多謝...咦?罐zero粒左既?』係樂宜既聲音…感覺…好正常…超級平常。

『哦…岩岩比隻貓嚇一嚇…』

『噗!哈哈,你驚貓嫁咩?』

『可愛既貓就會驚。』

『唔好玩啦!哈哈…』

樂宜…佢好開心…根本就唔似係發生完個d事…到底…

唔通…係我誤會?完全誤會哂?
如果係咁…咁即係邦淫比我聽到咁易誤會既野…係有意引我黎?

『話左之後會慣嫁啦?係咪?』

『係姐…但我都係一條都釣唔到…』

『個細細條雞泡魚都當妳成功嫁啦…』

『點可以…我一定要釣條大既…』

『妳好好留意住我既釣法…就會明…』

『邦文你真係乜都識!連釣魚都咁勁…』

『多朋友姐。』

『真係好,我都好想…好似邦文你咁識多d人。』

『然後點?然後就可以搵到個更好既?』邦文笑一笑…

『你呷醋?』樂宜問

『哈,點可能。』邦淫笑住回答

『咁又係…我地既關係係假扮嫁嘛…』樂宜再講…

我腦袋好似突然停止運作…
因為樂宜既一句…”我地既關係係假扮嫁嘛”…

樂…樂宜?

『妳認為係假扮…但我好認真嫁。』

『邦…文?』

『我仲記得小樂妳係咁講…「對唔住…邦文…雖然我…接受唔到…
但如果可以既…試啊?得唔得?我可以係餘下既時間同你試下呢段關係…」』

試下…呢段關係?

『竟然記得咁清楚?』樂宜有d驚訝

『唔係我自誇啦,好多人都話我記野好勁。』

『嗯…咁事實呢…呢段時間我係有將個心放落去嫁…
試下同邦文你一齊享受呢段關係…雖然…』

『雖然都係唔得?』

『嗯…都係唔得…不過事實我係開心嫁!』

『哼…算妳啦。』邦淫笑住講『咁…妳要達成既事呢?』

『我要…達成既事?』

『令到一個人…唔會…』

『哦!』樂宜醒起返『成功左啦…雖然…係繞左好多路…
但今日我已經知道…佢已經放低左我…心入面唔會再有我…』

『但咁樣對妳自己唔係好殘忍咩?』

『點會殘忍…我啊…講過永遠支持佢地…我一定…咦?』

『有魚?』

『唔係…我聽到後面好似有…聲…』

然後…樂宜同我就互相望住對方…