300.


王樂宜視角:

十二月二十四日,夜晚。
而且我同邦文…坐係冰瑤別墅後花園既長椅上面…
 
「係啦…就快要倒數啦,我地要入返去…」我企起身…



隔離既邦文都一樣…

『但我有件重要事未同小樂妳講,可唔可以...聽我講埋先?』

『嗯?』

『我相信而家就係最好既時機…』邦文眼神好堅定咁望住我...

「下?」我感到訝異「到底…」



就係呢個時候,隔離突然傳黎怪聲…我同邦文同一時間望向聲音既來源,
無人…大概係。

「所…所以呢?」

『我係第一次見到小樂妳個陣,就已經發現到』邦文溫柔咁微笑
『小樂妳同其他女仔真係好唔同,妳有種特別既感覺…』

「咦!?點…點會呢…」我微微dup低頭…突然比人讚個感覺真係好奇怪囉。



『妳有妳既堅持,同時...妳對愛情有種無私奉獻既精神…其他女仔根本唔會有既野...』

「邦…文…」

『或者有時妳會唔開心,唔高興,但妳永遠都會選擇自己吞哂落去…
但當妳快樂既時候…所有人…都會比妳感染到。』邦文繼續講

...咁...咁講得我太好啦掛?
我根本無...咁大既威力...無啊...

短暫既沉默…

死啦…呢種感覺…好奇怪…
岩岩段說話就好似…為即將發生既事而開場咁...



然後…

『我鍾意妳…小樂。』

啊…果然…果然係咁!

「咪住…等…等我…」

『可唔可以…做我女朋友?』

「下…下…下下…」

其實邦文份人真係好唔錯…但我始終對佢…無個種感覺…
但唔知點解…係佢告白個陣,個畫面同某個人…有種重疊既感覺…



『小蔚?可唔可以…比個機會我比到幸福妳?』

但係…唔得…唔可以…

「對唔住…邦文…你係…好人。」咦?我咁講係咪好衰?
「但我唔接受係有我既原因嫁…真係嫁…我…我其實之後會過外國讀書。」

『去邊到?』

「澳...澳洲。而且好長時間都唔會再返黎…
我…我聽人講…遙距拍拖…係一件好辛苦既事…所以…」

『我明白啦。』邦文保持住微笑『完全明白哂…』

「對唔住!真係對唔住呀!」



而且…除此之外...其實仲有個更重要既原因…

芷螢...
 
*
 記得有一晚…芷螢佢…專登黎搵我。

『妳知唔知嘉為仲對妳有感覺嫁!樂宜!』

「下芷螢

『佢根本從來都無放低過妳!妳唔應該因為表面所以就放棄嫁!媽!』

個晚…亦係芷螢第一次叫我媽媽…



但對唔住...芷螢...妳對我既期望...我回應唔到...

我…

*

『唔…咁我地返入去囉?』

「邦文…你肯唔肯幫我一件事?」

『嗯?』

「我…我有個想佢放低我既人。」

『小樂?即係...』

「對唔住…邦文…雖然一齊…我真係接受唔到…但如果可以既…試啊?
得唔得?我可以係餘下既時間同你試下呢段關係…等個個人…可以因為咁對我死心…
因為我有男朋友而死心…一心一意面對佢自己既感情…而唔係因為我而猶豫!」

『小樂…』邦文有少少驚訝…然後…
『雖然…小樂唔肯做我女朋友…但係我都好樂意幫妳。』

「邦文…」我有少少感動…

『一於咁話…』邦文微笑
『但呢段時間,我都會出盡全力,令到假既關係變成真實。』

「嗯!多謝你…邦文!咁我地而家就係…」

『咁黎啦,攬住我。』邦文突然講

「下…咁突然?」

『咁一定要比人知道嫁嘛,小樂。』邦文笑一笑
『而家就有幾個人係旁邊等更我告白既結果。』

「真既?」

即係岩岩既聲音…真係人為發出…
係阿kay?會唔會…連表哥佢都…係到?

『無錯…如果而家就咁散開,呢場戲就開始唔到嫁啦。』

嗯…的確…邦文講得好岩…

「咁黎啦!」我鼓起勇氣…然後…

行埋去邦文身邊攬住佢。

王樂宜視角完。