301.


我個心…突然變得好沉重…
因為我…完全接受唔到…岩岩樂宜講既野。

去五年澳洲…即係有五年時間唔會再見到樂宜?

點可以...



「去…去澳洲讀書…?點解…點解…我完全唔知…」

『原本只係一個提議…但多得李sir同冰瑤幫手…終於可以成真…』

「咁樣…即係…樂宜妳話要學英文…」

樂宜微笑,點點頭

「仲有…邦文幫你買既書…仲有…教你…都係因為…」



『無錯…都係作去澳洲既準備。』

「點解…樂宜…唔…唔一早同我講…要…要隱瞞喎…」

咦?唔係喎...樂宜好似…曾經…定我記錯?

『我一直都無…講出黎,因為我未有足夠既心理準備…』

「樂…樂宜…」



『而且…我知道表哥你仲未放低到我…
如果我一早講出黎,表哥一定唔會想我去,之後做埋d奇怪行動。』

「係…!無錯!我而家就係唔想樂宜妳…」

『但而家唔同啦,係咪?』樂宜打斷我講野…

「下?」

『啊!』樂宜嘆一嘆氣『我定既計劃真係注定殘念!
但好彩今次都算係成功一半!係咪?因為…表哥已經完全放低左我啦嘛!』樂宜好開心咁講

「放…放低?」

『今日旅行個陣我已經留意到啦。我而家係可以完全放心咁去澳洲。』



唔係咁…

『因為有邦彥代我照顧你嘛!而且表哥你今次一定會好好珍惜同邦彥既關係!』

「樂宜!我…」

『我…我要返去啦。』樂宜擰住身…背對住我

個感覺…就好似想阻止我講落去…

『好好同邦彥一齊…好無?唔好因為其他事猶豫…
就當係為左我…當係送比我去澳洲既道別禮物?好無?』

「樂…宜…」



『拜拜啦…表哥…』講完,樂宜就一步一步咁遠離我…

呢種感覺…好熟識咁…

就好似…曾經係邊到見過…
係邊到呢…點解我醒唔起…
 
*
 
我而家一個人…跪係沙灘上面岩岩既位置…並無移動過…
原本刺骨既海風已經慢慢習慣…但係內心...依然平伏唔到,

唔知跪左幾耐…冰瑤出現係我隔離…



『家蔚…係咪已經搵到樂宜?』

我點點頭

『即係妳已經知道哂?』

「冰瑤…係喎…因為有妳幫手樂宜先可以去澳洲…咁妳一定都知道...」

『我係指…其他事。』

「樂宜…同…同邦文係扮既個件事?已經…知道哂…」

『係啊…』冰瑤語味深長咁嘆息

「冰瑤…妳又係乜都一早知道…」



『本來我就唔認為佢地兩個可以成為情侶。』冰瑤講
『雖然表面好似夾得埋…但係內裡佢地係兩個世界既人。』

「咁樣…點解邦淫…邦文佢要同我講呢件事呢?明明…隱瞞埋落咪仲好…」

咁樣…我個心咪唔洗好似而家咁亂…
我本來已經決定好嫁嘛…決定好唔再猶豫…同阿彥...

『呢點…我相信家蔚妳…搵日自己問佢會係最好。』

「點…點會去問…」

即使知道…邦文或者唔係我所知道既咁壞…但我...始終對佢無好感…

「一定…」我咬牙切齒「唔會去問。」

*

『唷。』但係返到屋企樓下個陣,邦文佢正正企係到等更我。

我嘗試無視佢…係佢旁邊走過…

『所以妳唔打算做任何野?』

「下?」我擰返轉身,難以置信咁望住邦文…

『我一早已經知道小樂佢講既人係妳。』邦文講『放唔低佢既人。』

「所以…你今晚先會攪咁多…為左引我去石澳?」

『既然小樂…可以為左妳…犧牲咁多野…
我都好想睇下妳可以為小樂做到乜野地步,而妳今晚已經好好證明左…

我實在好有興趣知道,點解一個女仔會為左另一個女仔猶豫咁多呢?
明明身邊已經有一個絕世好男人。到底妳同小樂曾經…有過乜野關係?』

「…」

『唔答嘛…都係正常既。』邦文無奈咁笑一笑

「無可能…會話比你知…你又唔係我邊個!」

『呵呵,當然。』邦文點點頭『咁事實呢…
我叫妳山長水遠出石澳…就當然有其他原因嫁啦…』

「下?」

『你地…一直咁樣停滯不前實在好令我反感,
為左我…為左小樂…件事係需要適當咁催化一下。』

「你到底…係到講乜…」完全...唔明?

『自己參透下啦,學妳話齋…我又唔係妳邊個。』

拋低完迷一般既說話…邦文漸漸消失係夜深之中。
 
*