302.


邦文走左之後,我無即刻返屋企…而係去左公園坐,
雖然知道時間已經好夜…但我完全唔理會…

樂宜…妳實在…為左犧牲左太多太多...
我已經...無辦法...亦無資格再同妳一齊...

『好好同邦彥一齊好無?唔好因為其他事猶豫


就當係為左我當係送比我去澳洲既道別禮物?好無?』

如果我…仲一直猶豫不決…咁樣我…
就係一個大白痴…真正既大白痴…辜付左樂宜做既咁多野…

我好應該…係呢一刻…下定好決心…
呢個係樂宜希望…所有人都希望既事...

阿彥…我…



我慢慢拎起電話…
我要約阿彥…聽日…然後…

『然後點?』

「下…」我慢慢…抬起頭…

係芷螢…?

妳終於…出現…?



『打比邦彥…然後點?』

「然後?下…」我企起身「就更係同佢講我記憶返左黎…我…我同佢…」

『之後放棄樂宜…放棄我媽媽?』

「我一早已經講過!雖然自私…但…但我個未來應該由我自己選擇!」

『爸…我知道…』

「我唔係妳爸爸啊!唔係啊!我係女人!我由頭到腳都係!以後都係!永遠都係!連下輩子都係!」

我捉緊部電話...但係...始終打唔出...
點解我打唔出...明明只需要一瞬間時間...但我隻手...點解唔聽我控制?



可惡...可惡!

「我已經唔想…嗚…唔想再辜付樂宜啦…嗚…嗚…」

我再次跪係到…

好無力…感覺好無力…
我到底應該點做…兩邊都好難選擇…

根本…選擇邊一邊都會錯…選擇邊一邊都會受傷…嗚…

『唉…』芷螢嘆一嘆氣『無辦法…』

「妳…妳唔明…嗚…妳完全唔明...」



『或者...』芷螢講『家蔚...你願唔願意聽我講一個故事?』

「下?」

『聽完...有可能...妳會有另一種啟發。』

「故事...即...即係...」

『我既記憶,我既經歷,我既存在...』芷螢認真咁講『都係因為一個錯誤既決定開始...』


『因為…救左一個人。』