309.


但結果,身上面乜都無。

之後,我開始搜房入面其他位置,都係一樣,無。

時光機唔係我到。

「哈…哈哈哈…」我無奈咁笑左出黎…



因為…真係乜都完啦…無時光機…即係我一世…都會咁…

「我唔撚想…唔撚想啊!」望住塊鏡入面既自己,我痛苦咁嗌出黎

喂!唔好講粗口呀!好粗俗囉! 突然腦海裡有把女聲不滿咁講

咦?邊…個?
 
應該係我問你係邊個啊,我一醒左就發現到唔妥


咦?點解我郁唔到既...點解點解你會控制住我個身體嫁!? 個女聲繼續講

下…控…控制住你身體?

而且!仲要係男聲既變態?係咪變態?

「咪住先!」我嗌左出黎「我唔係變態啊!」

唔好用我把聲講野啊!好嘔心囉!變態!死變態!



「係…咳!」係既…咁樣…妳話係妳既身體…即係…妳就係呢個身體既主人...芷螢?

媽媽話...唔可以同變態講野

我唔係變態!我有名!我叫做智影!

智影?同我個名咁似既

即係真嫁啦,妳就係真正既芷螢!妳好啊!

哇,變態仲想扮同人熟d比返個身體我啊

都話我唔係變態!點講呢,我…可以話係另一個妳。

?另一個我?



岩岩妳聽唔聽到媽媽…呃…妳媽媽講既野…佢都係由男變女…

我聽到我好驚訝呀

我…我地而家個情況就有d似…我本來係男仔…但係…

但係無啦啦佔據住我身體?你果然係 芷螢聲音開始變得顫抖

我都唔想嫁!我都唔知點解會咁…無理由我地同時會有…兩個人格…

分明你呢個人格係假既!嗚d比返身體我而家咁樣真係好奇怪

我都想快d回復原狀!如果冰瑤阿姨係到就好…佢…佢一定會幫到…



冰瑤阿姨?你係咪指冰瑤姐姐?

冰瑤…姐姐?

佢做研究嫁你話佢會幫到我地?

芷螢…

變態先生

帶我去搵妳既冰瑤姐姐。

芷螢勉強同意,但係佢強迫底下,我首先要換返套女裝衫…

唔通你想就咁著住睡衣出去咩?果然係變態!



唔係呀!只係…我原本係男仔…著女裝好似...

係囉仲要男仔!一陣你你你你換衫個陣千其唔好做奇怪既事啊!

信我啦!我都係另一個妳黎嫁嘛!…

到底點解我會咁唔好彩!明明係一個好好既星期日

我都係一樣唔好彩嫁咋!

估唔到另一個我竟然可以咁女子氣…人地明明係男子漢黎嫁嘛…

喂我聽到你心聲嫁!變態智影!



麻煩。
 
但換女裝真係…點解我唔可以比返個身體妳自己換嫁?
 
係囉!我…我而家仲要無著胸圍…一陣…嗚…嗚…一定比你睇哂…
 
呃…總之…只要你當我係妳自己…就樣…
 
點當喎!嗚…點當喎!你明明係男…我明明係女…
 
唉…定不如…我只係著件外套係身…
 
無bra點得嫁!一陣點知你出到街會唔會除哂衫…
 
信我啦…芷螢…如果我真係要除…妳著左bra都一樣姐…
 
嗚…嗚…
 
因為點都講唔掂數既關係,所以我保持自己既原則
 
你真係加件外套,著個牛仔褲就算我唔洗嫁人啦
 
大姐,我已經努力無睇妳既裸體嫁啦!我真係唔係變態嫁!
 
媽媽爸爸點解我會咁黑嫁
 
總之d帶我去冰瑤姐姐到盡快解決呢件事啦
 

 
芷螢姐姐?定叫妹妹好求下妳
 
我十四歲咋!變態
 
我都係
 
十四歲就咁變態變態變態變態!
 
『芷螢妳想去邊?』一行出房,媽媽就問
 
「我我想去搵一搵冰瑤阿姐姐。」
 
『其實我都有打比冰瑤但係佢唔聽不如我帶妳去?』
 
「唔洗」我搖搖頭「我要自己去
 
喂,禮貌d對媽媽啊!
 
知啦煩!
 
『芷螢但我擔心妳會
 
「我會亂黎?唔會一定唔會。」
 
因為我有好重要既事一定要解決
呢個唔係我既世界唔係我既人生
 
智影
 
『咁好啦媽媽溫柔咁笑一笑『我相信妳
 
芷螢我一定會諗辦法幫我同妳回復原狀
 
智影睇黎你真係唔係變態?
 
一早已經話左啦!
 
我原本仲以為…因為稱呼唔同左 (冰瑤阿姨~>冰瑤姐姐) 既關係,
所以我對冰瑤既認識都應該有唔同…但係…

「就係呢到?」

嗯呀。

研究所既位置原來都係一樣。

咁早知就唔洗求妳啦~

咩喎!原本我仲對你有返少少好感!變態!

唔知係咪因為對方係另一個自己既關係,所以係心聲到講野可以好自然…唔會口窒窒…

我聽到嫁!

但所有心聲都比芷螢聽到…呢個感覺真係有點兒差。

喂!夠啦喎!

「冰瑤…姐姐?」

『咦?小螢?點解妳會黎呢到既?』

事前已經問過芷螢,呢個空間既芷螢,平日係唔會晚晚都到冰瑤阿姨研究所既,
因為…無左媽媽為冰瑤煲既住家湯…

不過,佢地都好似一星期會成家人黎見冰瑤阿姨一次。

而家呢個研究所,大致上都同之前個個相同,
只係有一d研究無左,同時多左d我唔清楚既研究…

然後我留意到...而家純白大台上面…
個條頸鏈…

「其實係咁嫁…冰瑤姐姐,我…我我並唔係陳芷螢!」

『下…?』