310.


之後我將發生過既既事,一五一十話比冰瑤阿姨知道…

『即係…小螢…定而家應該叫小影…既你…利用左我手頭上呢個時光機…』

「嗯…改變左過去…所以而家我…變左做女仔…仲有屋企人都…」

『另外…你仲話你腦海入面有原本芷螢既意識?』



「係…」我點點頭

『嗯…』

「冰瑤阿姨…姐姐妳唔信?」

『我問一個問題就會清楚,芷螢…記唔記得上年生日冰瑤姐姐送乜野禮物比妳?』

咿?點解要問呢個問題喎!



下?

叫人點答喎唔制!

下,但妳一定要答嫁…如果唔係冰瑤阿姨就會唔信…

唔答唔答唔答呀!

「佢…佢話唔答…」



『嗯,咁就係正確答案。』

「下?」 下? 我同芷螢同時反應
 
『呵呵。』冰瑤阿姨笑得好開心…

睇黎佢本身就係相信既,只係想乘機玩下野!

『其實從你個反應我已經知道你同芷螢好唔同。』冰瑤接住講

「嗯…但我都係唔明點解…我地個意識會共存…」

『小影你本身既存在已經係好特別。』



「下…?」

『因為你爸爸已經變左媽媽…而家既爸爸直程係另一個人…
咁本身…你就唔應該再擁有自己既意識…你應該係會係改變既空間到消失…』

「我…雖然唔係好明…但好似…係一件好可怕既事?」

消失…即係…

『變成虛無…因為真正既陳智影係唔存在呢個世界…』

「…咁唔通…學…學芷螢咁講…我只係一個虛假既人格…
甚至…可能我之前既記憶…都唔係屬於我既?我本來就…唔存在…』

智影 芷螢用擔心既語氣講



『但點解你而家又會存在呢…我自己有個諗法。』冰瑤接住講

「冰瑤阿姨…」

『當你穿越返時空個陣…因為未來已經改變左…
唔可以容立多一個陳智影…所以佢將你”陳智影”呢個意識…送入去最接近既人…

而接近既定義…就係血緣,唔計你以前既媽媽同爸爸…
即係樂宜同而家既陳家蔚,係呢個空間同你血緣最近既…就係芷螢,

但充其量只有一半…就係陳家蔚既部份,但正正係呢一部份…救左你。』

「救左…我?」



『嗯…因為陳家蔚既一半血緣…令你個意識可以有個安居之所…不至於被毀滅…』

「但只有一半…真係唔會無問題?」

『我相信會有…而家你同芷螢既意識同存就係其中一個好明顯既問題。』

「…」

點會咁嫁 芷螢訝異咁問

『而我相信…繼續落去問題只會越黎越大…越黎越明顯…』

咁即係我…唔可以繼續留係呢到…唔可以再留係芷螢妳身上…

智影



「咁…冰瑤阿姨!我一定要即刻去改變返世界…咁樣…」

『你打算點做?』

「時光機…!」我指住大台上面個條頸鏈…「只要…」慢慢行埋去…

但想拎起個一刻…冰瑤阿姨佢搶先拎到手…

「阿…阿姨?」

『唔得…』冰瑤阿姨臉有難色咁望住我『你唔可以用佢住…』

「下?」

點解…喎?
 
我未攪清楚而家既情況…所以呆呆咁企係到,
瞪目結舌望住冰瑤阿姨,纖細既小手仲係維持住舉起既動作。

「點解…我唔可以用佢?唔通…冰瑤阿姨既時光機…未完成?」

『並唔係咁,小影。』冰瑤阿姨搖搖頭『而係我需要攪清楚一件事先。』

「下?」

『我唔想小影你做白老鼠。』冰瑤阿姨講
『雖然事實你已經做過一次…但你都要明白用時光機係一件好危險既事。』

「我知道嫁…係用個刻…周圍變得好暗好凍…我都…差d以為自己會死…
而且...仲唔小心攪到而家呢個結果出黎…但正正係因為咁我先要再次用時光機啊!」

『小影…』

智影

「我要所有野回復返正軌…就一定要再用…」

『小影,我明白你既心意。』冰瑤阿姨微笑『但我都係希望你可以等一兩日。』

「冰瑤阿姨…」

『就因為太重要,所以你先要忍耐。』

「阿姨…係...明白。」睇黎冰瑤阿姨主意已決...

*

芷螢…返屋企之前,可唔可以比我去一個地方?

下?你指既唔通係

嗯…

所以,我花左十五分鐘時間,由研究所回到個個地方...
樓下既大堂號碼同管理員都係之前個個...

而往日熟識既走廊...亦無大不同...
除左一樣...就係我"屋企"道鋼閘...款色明顯唔同左。

我嘗試禁響門鈴…仿佛希望…會有一個熟識既人打開門…

但係…

『小姐,妳搵邊個?』應門既,係一個唔識既中年阿姨

「啊…對唔住…我諗我...搵錯左地方…」

『嗯…』中年阿姨點點頭之後就關返埋門。

我屋企…再唔係我屋企,
再唔係,陳智影,陳嘉為,王樂宜三個人既屋企…

爸爸…媽媽…

智影...

芷螢…雖然呢個係不情之請,但妳願意比我…暫時留係到嗎?直到時光機可以用...

智影嗯,可以。因為我已經感受到你所感受既個種痛苦。

芷螢…

個種屋企人都離開左自己既痛苦我已經感受到,所以可以。

多謝啊…芷螢…

但你千其唔好用我身體做d奇怪既事啊!

一定啦!哈哈…

咁輕率!都係唔肯啦!變態!

下!?!?

一齊努力啦!白痴!