312.


我都好耐無試過同人一齊沖涼…
最後一次同媽媽沖已經係小學一二年級既事…

明明我已經十四歲…

『芷螢…水溫岩可?』”媽媽”問



「嗯…」因為朦住眼…所以身體個觸感反而更加強烈…
特別係...同原本身體唔一樣既部位...唔知點解會特別敏感...

唔好用我身體發出咁恥辱既聲音啦!

我…我都唔想嫁…但…但真係好奇怪…呢種感覺…啊嗯…痕痕地...但又...有d舒服...

喂喂!死變態!

我真係好希望,呢種日子只會持續好短既時間。



呢句野應該我講呀!

由其係...好似精神分裂咁比女身既自己不停吐糟呢件事。
 
沖完涼,換好衫之後…我同”媽媽”平排企係塊鏡面前…
“媽媽”而家幫我梳更頭…

『已經就黎同我差唔多長啦…頭髮…』”媽媽”好滿意咁講
『係咪好似樣呢?我同芷螢。』



「嗯…」就好似一大一細既孖公仔一樣…

『智影你呢?因為個日好黑…又咁耐之前…所以我唔太清楚你係似邊個…』

「我啊…d人話我係似媽媽…即係王樂宜。」

『係啊…』”媽媽”淡淡咁講『樂宜…我都好耐無同佢聯絡。』

「即係…妳唔知道媽媽…樂宜而家點?」

『嗯…我只係係個次災難之後同佢傾過一次電話…』

「佢無事嘛?」我有少少激動...



『無事…災難個個位離佢住個度好遠…』

唔知道…呢個世界既媽媽…而家既生活係點呢?
會唔會…已經嫁左比第二個人…甚至…甚至生左另一個仔或者女…

一諗起呢點…我個心就好痛…非常痛…

嗚…都係我既錯…

智影你都唔想嫁嘛我好清楚嫁!

唔洗安慰我…我知道呢個係我既問題…點都係…

*



「阿姨…時光機…我可以用未?」

第二朝,我好早就去到冰瑤阿姨個研究所…

『我…唔清楚。』冰瑤阿姨有少少迷茫咁講

「下?」

『雖然我知道小影你唔等得…但係…唔攪清楚呢點…我…』

「冰瑤阿姨!我已經唔可以再留係到!妳好清楚嫁!」

『係!但有兩點如果你知道…你一定會猶豫!』

我第一次…見到咁激動既冰瑤姐姐…



我都係…

『小影…當你接觸到時光機既一刻…你有可能會得到…呢個世界芷螢既所有記憶。』

「下…?」

『設計時光機既時候…我係咁諗...就算成功改變左歷史,但如果唔知道改左係邊到,
咁係無意思既…所以…我就係時光機到加左呢個機能…』

「咁樣…雖然好奇怪…但係…問題應該…唔係好大?」

『錯…係非常大。』冰瑤阿姨講『你想像下…你個腦袋係一個硬盤…
當你成功改變左一個好小既事…你所需要增加既只一段好小既記憶…佔用好小既空間。』



「係…」

『但今次呢…好唔同,你要增加既…會係完全唔同既人生…
姓名…性別…經歷…係完全唔同既十四年人生…你個腦…』

「無問題嫁?」我回應「人既腦袋本來就可以裝到好多記憶…根本就用唔盡…」

『無錯…的確係可以記哂落腦…但難免會有副作用。』
 
「副作用…即係…」

『係咁短既時間得到一段咁長既記憶…難免會對腦部做成暫時性既傷害。』

「傷害..即…即係會點…」

『頭昏…頭痛…記憶混亂…甚至…失憶,
雖然話係暫時性…但都可以係好長…視乎記憶既複雜程度…』

「…」

智影

「但阿姨…呢個機能…唔通唔可以取消左佢…?」

『無辦法…』冰瑤阿姨搖搖頭『呢個係最基本既理念…
要取消佢就等於要重新研發過…咁會浪費好長既時間…』

「竟…竟然…」

『而且…另一個問題。』冰瑤阿姨繼續講…

「係…?」

『我對於…時間係平行發展…定係一條線發展都係有種疑問…』

感覺…冰瑤阿姨即將會講出一件好嚴重既事…

『如果…時間係一條線發展既話…』

一件…我唔敢話比芷螢知道既事…

智影係乜野事?

『即係…2012年1月9日,邦彥無死到呢件事...如果知道你打算改變呢件事...
而家既芷螢…或者係我…或者係家蔚…仲會願意比你用時光機嗎?』
 
*
 
「冰瑤…阿姨…妳點解…會知道?」

『我猜測到…因為家蔚同kevin都同我講過修頓個件事…
而你咁岩就係用時光機回到個一日…由此推論…所有野都講得通。』

智影冰瑤姐姐岩岩講既係乜野意思爸爸無死到呢件事?即係點解

『2012年1月9日,你,陳智影,誤打誤撞…救左邦彥…做就左呢個未來出黎。』

我爸爸?係智影你

『而你而家…想修補返過去…成就返…邦彥會死既未來。』

智影真係咁

芷螢…

爸爸你想去殺我爸爸?

唔係咁嫁…芷螢!我個未來…你爸爸…

唔係至少我聽既係咁如果你而家返去過去我爸爸就會死

芷螢…

唔得唔得

芷螢!

唔得! 芷螢歇斯底里咁大嗌 我唔可以比你咁做!我

『芷螢佢…係咪唔同意你咁做?』冰瑤阿姨凝視住我…

比返身體我!同埋離開我個身體你係衰人

芷螢呀!聽我講啊!

衰人衰人!嗚等我仲一直相信你原來原來你係想拆散我個家庭!

點...點解會變成咁…?

『所以…小影…係而家呢個情況…』

我最鍾意既爸爸唔可以唔可以比你帶走!

『我唔可以比你用時光機住。』

你走啊! 芷螢狠狠咁講

*