313.


芷螢佢係腦海到嘈左好耐,不斷罵我衰人…叫我消失…
但因為佢始終控制唔返身體…所以暫時放棄左…

而家腦海好安靜…

但思緒無辦法平靜…



我諗冰瑤阿姨既意思係…如果我說服唔到芷螢…
我就無資格去用時光機…

但事實我係說服唔到…我根本搵唔出一個適合既理由。

另一個十四年既人生…仲有一條人命…或者仲有更多我唔知道既事…
真係可以由我自己一個決定?

我有呢個權利嗎?有嗎…



我…

唔清楚。
 
轉眼就到左星期一…今日…係返學日子。

為左確保一切正常,所以我被迫要返學…
校服係”媽媽”既協助下換上左 (著裙下面涼浸浸…唉),睇黎真係走唔甩…

點解…我要以女仔既身份返學喎?



唉…

而家我行緊返去學校,因為天氣好凍,
所以…無任何遮掩既雙腳真係唔多好受。

所以你仲係唔願意消失? 芷螢間唔中都會出黎問呢個問題…已經唔知幾多次了。

我都講…我…係消失唔到…一定要…用時光機…

點解會咁

芷螢…

唔比你離開你就會一直佔據住我身體比你離開爸爸就會消失





而且甚至我自己都有可能會消失根本...兩個選擇都唔得...點解要咁喎

我都…唔清楚…

都係你既錯

我認…

都係你

所以我先更加要用!時光機!去修補我既錯…我既罪…
芷螢...或者拎到時光機個刻...妳就會明白我既感受!明白...而家既一切根本就係錯既!



但係爸爸我爸爸

芷螢…一係咁...我應承妳...

智影

反…反正過去要改變根本就唔難?係咪?
咁樣…或者我可以…調整返我既未來…又唔洗你爸爸死呢?

點做?

只要到時…我親自去一去修頓…就會知道嫁啦?

但係咁我呢你既未來我而家既媽媽咪唔再係



我明白…但只要你爸爸無死…未來係點都有可能嫁嘛?係咪先?

咁即係

未來…就由返個天去決定…呢個就係我既意思…

智影….

相信我…好無?

我信你。

*



『所以…芷螢已經同意左?』

「嗯。」我點點頭…

『嗯…』冰瑤阿姨若有所思『睇黎你既猶豫已經消失左?』

「無錯…」

『咁黎啦…』冰瑤阿姨講『由你接住時光機個刻…之後就要靠你自己。』
 
我係冰瑤阿姨既手上面接過頸鏈…
係接觸冰冷金屬個一刻…我個腦…突然受到一種強烈既衝擊。
 
無數既片段,無數陌生片段…
無數關於芷螢既片段…係我腦海到閃爍…
 
食雪糕…學單車…去遊樂場…
芷螢同佢爸爸媽媽無數開心快樂既片段衝擊我個腦海…
 
 “爸爸”…邦彥…係一個好溫柔既人…
我終於明白…點解爸爸寧願變做”媽媽”…都要選擇佢…
 
我終於明白…點解芷螢妳會有妳既堅持…
因為…你個家庭…係某程度上比起我更加幸福…更加…快樂…
 
但我媽媽…我媽媽都係唔會輸比佢…
 
唔會…點都唔會…
 
*
 
頭好痛…
真係好痛…
 
我張開眼個陣…發現自己係跪左係到…
 
『無事嘛?小影…』
 
「無事…冰瑤姐姐…」咦?
 
冰瑤姐姐…我好自然咁叫左佢冰瑤姐姐…
 
『姐姐…』冰瑤阿姨緩緩咁講『芷螢意識而家仲係唔係到?』
 
「我…」奇怪?感覺好奇怪…
 
由張開眼個刻…我突然覺得自己唔係兩個人…而係同一個…
我…我唔係芷螢咩?
 
你唔係! 突然有把聲出現…真正既芷螢…?
 
「唔得…我好混亂…」
 
我先係真正既芷螢!
 
『果然…後違症就係咁…』冰瑤姐姐搖搖頭…
 
你係陳智影!你要記住!你答應過我嫁!
 
答應?…親自救爸爸個件事?
 
係呀!
 
其實不如放棄留係到咪仲好?如果如果呢個世界比我個個仲幸福
 
智影?
 
至少爸爸好溫柔媽媽都係唔似我個邊爸爸成日都唔係香港
 
醒啊!快d醒啊!
 
而且女仔都幾好啊可以著靚衫可以比人錫
 
咁你媽媽呢?
 
媽媽陳家蔚?我岩岩咪講左
 
王樂宜啊!
 
王樂宜
 
係喎…王樂宜…先係我…媽媽…

王樂宜你媽媽對你既愛唔通只係咁簡單就被摧毀既野?

簡單...就摧毀...?

如果唔係就同我醒醒啊!白痴智影!

無錯…媽媽…我要…將所有野都回復正軌…

係啊!仲有完成應承我既野!

芷螢...

『小影…?定應該叫小螢…?』冰瑤阿姨重新開聲…

「小影。」我企起身

『已經無事?』冰瑤阿姨有少少疑惑咁望住我

「唔係…係多得芷螢…我先會清醒…」

智影

多謝妳啊…芷螢。

...我先唔係為左你啊!我係為左我爸爸!

『咁樣…』

「要開始啦。」我握緊手上面既時光機…

『唔洗休息一陣?』

「我已經拖得太耐…」我搖搖頭「唔可以再拖。」

心入面慢慢開始回想...2012年1月9日…7點半左右…尖沙咀海旁…
芷螢…如無意外妳今次都會跟埋去…

下?

一齊感受下呢種奇妙感覺啦…

然後就係一種熟識既感覺…周圍變得好黑好凍…
芷螢開始發出難受既聲音(但聽唔清楚)…咁係正常…因為第一次我都係咁…

再黎...係黑暗係面前扭曲...
轉眼間…我又回到1月9日。