325.


然而,呢個炸彈終於係半個月之後引爆…
 
『爸爸,今日咁齊人我想…同你傾一件事。』
 
『係…依玟?』
 
然而,呢個炸彈終於係半個月之後引爆…



『爸爸,今日咁齊人我想…同你傾一件事。』

『依玟?』

而家我地全部人都係齊大廳到…

包括依玟既媽媽,佢係外國既fashion designer,
襯三月無咁忙既時候請左一星期假返黎香港休息下…
佢媽媽比人感覺好nice好容易溝通…同依玟一d都唔同。



『係關於芷螢既。』依玟接住講

下…?關於我…

『下?』阿輝好激動

『女…?』依玟媽媽有少少愕然

『講。』叔叔即係好冷靜...



『芷螢佢…』依玟望住我『爸爸你真係諗住有得佢係到白食白住?』

我…白食白住…?

『喂,依玟!』阿輝佢企起身…

『哥收聲,而家係我同爸爸講更野!』依玟好有威嚴咁講

『無錯啦。』叔叔同意咁點點頭『依玟妳繼續講…』

『就好似我岩岩講既,芷螢佢一直係到白食白住,明明佢同我地無關係…』

『佢係輝既朋友…』



『就只係朋友。』依玟強調朋友兩個字

『唔係朋友咁簡單!』阿輝企起身,然後望住我『可?芷螢…』

佢既表情…彷彿等更我一個回答…?
回答佢..."係...我地有比朋友...更親密既關係?"

真係...得?

『芷螢…?』但我一直都無答到…

『哼…』依玟不屑咁笑一笑

『依玟,』叔叔佢終於開聲『但留芷螢係到住,係仲有其他原因…』



『下?』依玟岩岩既笑容一瞬間消失左

『無錯啦。』依玟媽媽都加把口『妳識benjamin叔叔嫁啦?妳爸爸係應承左佢留芷螢係到住既。』

『但…但但…』依玟開始慌張起黎

『所以芷螢已經唔係阿輝朋友咁簡單,而係我地重要既客人…』叔叔講

『嗚…』依玟激得咬牙切齒『但…但…但係!』佢指住我
『佢又唔返學,又唔做野…咁…咁成何體統喎!』

『依玟!』阿輝行埋去依玟面前『妳有好多野都唔清楚…』

『我最唔清楚就係你係到諗緊乜!』依玟大叫『可惡…阿哥正衰人!』



之後就跑上樓梯走左去…

『依玟…』阿輝愣住企係到…

『總之,芷螢唔洗理我個女,』依玟媽媽講
『學老公咁講,妳係我地重要既客人,放心住係到啦。』

「嗯…」

但今次發展既影響…已經深深烙印係我腦海。
 
*
 
『芷螢…點解…』



「我已經決定左。」

第二朝,襯大家都係大廳個陣,我講出我用一晚考慮出黎既結論…

『點…點解要搬出去喎!住係到咪好囉!』阿輝激動…

「唔…我諗過啦,始終都係唔好意思…」

『妳唔需要理依…其他人點諗嫁喎…』阿輝發現佢比依玟睜住之後轉個講法…

「唔關事…」正確d講…係唔完全關依玟事…

仲有個原因…就係因為阿輝…你…

『如果芷螢自己想咁既,我地都無辦法挽留。』叔叔講

『爸!』

『但芷螢妳出到去有地方住?仲有…妳有錢咩?』叔叔認真咁問

「我…」我搖搖頭

正確d講,當然無…無錢…無地方…乜都無…

『係囉,如果妳自己一個…就會好似之前咁…無人理…』阿輝繼續嘗試說服我

『不過如果芷螢肯堅持,我都可以幫到手。』叔叔講

『下?』驚訝既係依玟『幫佢?』

『幫佢係附近租一間屋…』叔叔接住講『或者...』

『咁同而家有乜分別喎!』依玟講

『係囉,所以住係到啦!』阿輝食住個勢講

『咁唔代表我同意佢係到住!』依玟好嬲咁講

「我可以…打工交租…咁樣…就唔係白食白住…反正…我而家都無野做…」

『妳呢個歲數,好難可以搵到份交到租既工,
妳要知道香港要租一間屋係唔容易…』叔叔認真咁講『就算大妳好多歲既人都交得好辛苦...』

「咁…咁又係…」

『咁啦。』叔叔嘆一嘆氣『如果妳真係想出去住,
我可以將之前收開租既個間屋租比妳…反正而家都空左係到...』

『爸!』

「叔叔…」

『雖然話平,但如果妳唔打下散工,都係交唔到數…』叔叔再講
『不過工方面…我都應該可以幫到妳搵到…順便當充實下妳之後幾個月既時光…』

「嗯…叔叔…多謝啊!」我向佢鞠一鞠躬

『攪咁多野,不如芷螢妳都係留…』阿輝睇黎都係唔願意

「多謝啦,阿輝…但係我已經諗清楚…」我搖搖頭…

已經考慮清楚…
係離開呢間屋既同時…我…亦都唔會再對阿輝有其他感覺…

永遠都唔會...
 
就係咁,係一星期後既三月中,我終於離開左阿輝間大屋…

回望大宅度大門,唔知之後既我會唔會後悔呢…
放棄做貴賓,大小姐…轉移去打工,自己賺生活費…

雖然…

「都唔細喎…?」望住叔叔租比我個間屋…

粗略估計都至少有五百呎?而且…d傢俱都好齊全…又新...又乾淨...

『原本我想叫爸租個更加大既比妳…但佢話一個人住…五六百呎已經好夠…』

「你爸爸咁諗係好岩。」

『芷螢…』阿輝將我既行李放係廳中間『而家反悔仲黎得切嫁…』

「我已經…決定好啦。」我搖搖頭…「亦都唔會反悔。」

就係咁,我既新生活就正式開始…