326.


直到f4插班之前,我基本上做左好多種唔同既工作,
但最有印象,都係第一份…西餐廳既工作…

因為就係個份…令我再次遇到佢…

『咦…阿輝話今日黎既新人,就係妳?』說話既…



就係當日我唔小心係學校門口問「你...你應該係我男朋友可?」既個個人…邦彥。

「係…係啊…」我dup低頭…因為回想返仲係好尷尬

『總之…今日你就負責幫人拾野同送食物…
點單呢d野就叫我地幫手,唔好勉強自己住,要按步就班…』

邦彥佢...講野既態度好認真…絲毫無任何異樣,睇黎佢一d都無介懷到個日既事?

『芷螢…咁叫妳可以可?』



「嗯…可以…」

『加油啦,有問題一定要問。』

「哦…」我點點頭

當然啦,除左邦彥,其他人係做野既時候都好認真…
但係休息既時候佢地都會變得好nice…同成日關照我…



反而邦彥就同當值既時候相反…
經常一個坐係旁邊戴住耳筒聽歌睇書…

但正正係因為咁,所以我覺得佢好特別…
比其他人更特別…

所以係之後...我經常會不由自主地留意住佢...
 
基本上呢,我既返工時間都係過得好輕鬆愉快既,
而且工作量亦都唔係話太多…

最重要呢…係有時會見到一d有情既人同事…

「想點d乜呢?」經過一個月既實習,我已經識係客人既面前笑…



雖然原本既我根本唔在行啦…

『喂,表哥諗好未啊?』其中一個女仔抱怨咁問

『咪…咪住…我仲未諗好食西冷扒定咖哩雞好啊…』個男仔仲係望住個menu,

咦…呢把男聲…我係咪係邊到聽過呢?
嗯…無可能既,應該係諗多左啦…

『真係失敗!做人成日都係咁猶豫不決!』

『咁表妹妳話請我食丫嘛,咁難得既一餐…更係要…諗清諗楚』

『真…真係誇張!』個女仔雖然表面好不滿,但我隱約見到佢嘴角微微上揚…



『一係咁啦…表妹妳叫扒…我叫咖哩…之後一齊分黎食…』

『點解我要就你喎!食扒咁肥!』

『表妹啊…』

『哼…等我幫你叫!』個女仔一手搶左個menu…之後『我要個咖哩雞飯…同埋…』
佢瞄一瞄個男仔之後嘆一嘆氣『一個西冷牛扒啦…』

『表妹…』個男仔感激咁望住表妹…

『無人話會同你分喎!啊…再要杯檸水同咖啡…多奶少甜…』

『表妹…果然妳最清楚我!』



『哼!』女仔聽完有少少面紅…

或者係好簡單好平常既一件事,但唔知點解我會有種懷念既感覺…
到底點解呢,當時既我當然唔會知道…

『係呢…芷螢,點解我係學校好似見唔到妳既?』今日難得地我同邦彥係同一時間落班。

「errrrr…其實我而家唔係係你間學校到讀。」我決定講出事實

『下?』邦彥驚訝『點解既?』

「無…無得解…總之…幾個月之後…我先會入讀。」

『係…啊?』



「而呢段時間…我都會一直打工搵下錢…」

『點解咁需要錢…妳屋企人…』

「都唔係到…」

『啊…我完全唔知道…』

「正…正常既,哈哈…」我向邦彥笑一笑「不過無問題既,我相信總有一日會遇到佢地…」

『下?』邦彥聽完更加疑惑…

而事實,的確係即將既事…

話咁快,時間就去到九月,我正式以一個f4學生,
入讀阿輝同邦彥佢地個間學校...
 
因為唔算係中途插班,
所以好好彩,無自我介紹呢樣野…真係鬆一口氣...

亦因為第一日返學未分好座位既關係,所以可以隨便坐…

『唷,芷螢。』係一個一個陌生既面孔入面,我注意到個個人…邦彥。

佢隔離個位係空左係到既…

「介…介意嘛?」我行去佢旁邊之後問

『唔會。』邦彥回答

既然全部人都唔識,我搵返個識既人…都唔奇怪姐?
雖然…係男仔…

「係呢…班入面…你多唔多識既人?」我嘗試問邦彥

『真係識既話…其實大部份都識…不過熟既唔多。』邦彥回答…

「係啊…」唔怪得自己一個坐係角落...

班主任正正就係當日見到既個個miss lee(點解咁有緣嫁?)
一入到黎就開始選班會代表…

『樂宜同學大家讚成嫁啦?』miss lee問大伙『佢上年…』

企起身個個女仔有少少尷尬咁點點頭,個樣…唔知點解熟口熟面…

「喂…」當我正想開口問邦彥既時候...

我發現佢眼定定咁望住我…

「咦?」我反射性彈後少少距離…然後塊面唔知點解興起上黎…

點…點解要望實我?

『芷螢…』邦彥一面認真…

「…係…?」

邦彥用佢兩隻手拉高我頭髮兩側既滴水…

「哇…你…你做乜呀?」雖然我好激動…但都係細細聲…費時比其他人注意到...

點解會有咁既超展開嫁?

『無…我只覺得…呃...妳只要整短個頭髮…就會有少少似樂宜同學?』

「下?」似…主席?

『嗯…』

「你諗得太多啦!」

『咁男女班長就係佢地啦!』突然傳黎miss lee好興奮既叫聲『既然你地無人肯做…』

我望返去老師台個方向…見到miss lee佢而家指住我同邦彥…

『好野…』同一時間就係班入面其他同學既拍手聲…佢地都好開心咁望住而家既我同邦彥...

尷...尷尬死。

呢個就係我同邦彥…被選為男女班長既經過。