327.


接下來,我既校園生活亦都無乜野特別野可以講,
無驚喜…無刺激…只係一直安穩…一直平淡…

但老實講我好享受…
因為我知道如果我將有一日…會變成另一個身份…或者回到未來…

咁樣…我何必要花心機同時間接觸而家既人呢…



啊...除左一個人…

『一齊返去嘛?』放學鐘響起後,邦彥微笑住問

「好…好啊…」

就係邦彥…
 
或者你地會問,邦彥…點解我會在意佢?



嗯…一來,係佢身上我會搵到一份不知名既熟識感覺…
二來…係佢身邊我個心會特別溫暖同平靜…甚至…有種想要依靠佢既感覺…

不過,當然我無係佢面前表現到出黎啦,
因為我內心,都有另一股感覺…嘗試去抗拒…

就係…

男同男…唔岩嫁嘛。



Gay嫁嘛。

唔岩嫁嘛。

但事實,真正令我理解到呢點既係兩個月後…
個日係星期六,所以我打完工之後就會去搵韻姐姐催眠…

至於我而家打既工呢,係旺角既一間運動鋪…

『咦…芷螢?』係我面前既係樂宜同學…

「咁岩既…」

『原來妳係到打更工嫁?』



「散工黎姐…」

返返下工遇到同班同學…今次真係第一次(除左邦彥)

『真係勤力啊…我就唔得啦…』樂宜講,佢既語氣係好真誠…

「唔係既…」事實係因為我要交租同賺生活費姐…

雖然本身都係自己攪出黎…

打完招呼之後樂宜同學就走左去…但令我奇怪既係佢行去男裝個邊…
而且…係選衫既過程都好苦惱…

「其實…」終於…我睇唔過眼行埋去「妳係咪行錯男裝部?」



『下?』樂宜驚訝『唔係呀…我係想買件男裝無錯…』

「買比邊個?」

『嗯…』樂宜佢有少少怕羞咁dup低頭『其實係我表哥。』

「表哥…」

『佢下星期三生日…所以諗住買比佢…』

「啊!」我發現我醒起樣野「原來個日餐廳就係你地!」

『係?』睇黎樂宜佢無印象…



「無野啦…」我笑一笑,香港真係細
「呢件唔錯嫁,我係男裝外套入面拎起其中一件…」

『唔…紫色麻麻姐…佢唔岩嫁…而且…哇…都唔平…』樂宜講

「其實…有黑同白色既…」我講「仲有呀…」我細細聲
「如果由我名義買可以5折….之後比返妳…」

『真係既!?』樂宜好激動

「唔好咁大反應!」我連忙講「比人知道我係買比人都煩嫁!」

『多謝呀!芷螢!』樂宜感激咁講『真係好多謝…咁...咁比件黑色我啊?』

「唔洗…」咦…?



係接受樂宜同學多謝既同時,我突然有種感覺湧上心頭…
呢種溫暖既感覺…同邦彥一齊既時候…有d相同…又有d唔同…

到底…係點解呢?
 
*
 
『醒啦?』
 
「嗯…」我發現…我張開眼既時候…係笑更既…
 
『今次,有無見到d乜野?芷螢。』韻姐姐一如以往咁問
 
「今次有d唔同…我…好似見到我…一個好親密既人…」
 
『媽媽?』
 
「嗯…但雖然係見到…但都係好模糊…」
 
唯一清晰既地方,就係我係男仔…我…第一身角度既我…係一個男仔…
 
呢點無容置疑…
 
『嗯…但咁樣已經係好好既發展啦?』韻姐姐問
 
「雖然係咁…但已經過左咁耐既時間…」
 
『芷螢…我同學界既人都研究過,妳呢個case係特別既,
難得一個特別case可以有咁既進展,已經係好好嫁啦。』
 
「咁…又岩…係啦!我醒起我見到另一樣野…」
 
『係…?』
 
「不過正確d講…係一個日期…但係乜日期我又唔太清楚…
只係記得係…個位數月份同個位數日子…」
 
『點解…會記得呢個日期呢?』
 
「因為…係個日既夜晚…我要去搵人…或者…係叫人去搵其他人…係…鐘樓底下…」
 
『鐘樓…即係尖沙咀?』韻姐姐問
 
「嗯…」
 
『係啊…咁可能係因為過去既妳…係尖沙咀…』
 
「唔係…」我搖搖頭
 
『係?』
 
「啊…我係話有可能…」我差d就口快快講出左真正既原因…
 
我腦海入面整理過後既原因…
 
我係未來人…點解會回到過去…就係因為…岩岩講咁…
係某個個位數月份同日子…我會去尖沙咀海旁…為左完成一件事…
 
*
 
係呢一日之後…我就養成左一個習慣…
呢個習慣甚至係之後會比其他人注意到(其中一個就係邦彥)…
 
就係,每到個位數月份同日子,返工個度我都會專登請假,
然後成晚留係尖沙咀海旁到…睇下搵唔搵到我想搵既人…
 
對於呢個不知名既”任務”,我多少都有過厭倦既時刻…
甚至有想過放棄…但每次我都堅持過黎…
 
而點樣可以令到呢個”任務”變得有趣d呢…我當然嘗試過好多做法…
學習同人溝通…或者都係一個考量過既原因…
 
然後…終於到個一日