331.


過左陣,老師既車就到左,係一個中年女人…
因為係中型size既車,所以我地5個人可以入哂去後排…

『妳估Fermin有無事啦?』樂宜問

Fermin應該係岩岩比蛇追第一個走左個男仔…



「佢又走咁快!一定無事既!」我講

『噗…』樂宜笑一笑『咁又係…』

係車上面我地將岩岩發生既事講返比個老師知…
轉眼間,已經到左山腳…

一到步,個女老師就帶埋另外兩個澳洲女仔,
行埋去其他老師個邊,應該係匯報返件事…



過左陣,heidi就行埋去樂宜到...之後...

『what…?』樂宜驚訝

「咩事?』

『佢話...要我過去老師個邊...』樂宜同我講

「唔通…係因為離隊所以要懲罰我地?唔會掛?」



唔係喎…如果要懲罰都會叫埋我去啦…點解淨係叫樂宜…
但…都唔係完全無可能…因為係樂宜提出…要擅自離隊...

「樂宜…我…我同妳去…」我提議…

『但佢只係叫我一個…』

「如果有乜事我都可以幫妳分擔嘛!」我同樂宜講…

樂宜佢搖搖頭『傻既,芷螢…都只係得返兩日之嘛,
就算懲罰…都唔會好嚴重姐…無謂要妳陪我...』

「但係…」

雖然樂宜咁講岩...但難保…返到香港唔會有影響?



『咁我去啦…』樂宜向我笑一笑…

「樂宜…一...一定會無事...」我同樂宜講

『嗯…』

一定…要無事啊…
 
我同冰瑤企係一旁默默注視住比幾個老師圍住既樂宜…
佢個樣好緊張…但從佢個表情又睇唔出會點...

大約十五分鐘之後…

「點…點呀樂宜…?」



『唔…』樂宜佢…神情好凝重咁返黎…

唔通…真係懲罰…?

『樂宜…佢地同妳講乜…?』紫晴佢個組都返到黎…

『我…唔清楚…』樂宜有少少難以置信咁講

「下…係咪…好嚴重?點會咁嫁,明明係救人!我地明明救左個兩個澳洲女仔…」

可惡…點可以咁嫁?有無發生乜野意外…

『唔係…』



「我去同佢地理論,雖然我英文渣…但…但係!」

『唔好…』樂宜突然捉住我隻手

「樂宜!咦…?」

點知佢而家個樣,係笑更…

『哈哈哈哈…』樂宜佢禁住個肚…

「下…?」

『玩妳咋!』樂宜笑住講『想試下妳既反應…點知…真係同我諗既一樣!』

下下下下下!!!!!!!!!!?!?!?!?!?



*

「樂宜妳即係話…佢地…有意叫妳…之後係到讀?」

『嗯…』樂宜點點頭…

而家已經係夜晚時間,我地係市區一間starbucks入面…

「點…點解既?」

『佢地話…其實之前已經有留意到我…話我…同澳洲既其他同學溝通唔錯…
又有責任感…今次呢個決定…雖然唔完全正確,但都係有思考過先行動…』

「嗯…」

『啦!』樂宜佢好認真『真係佢地講嫁,我無自誇到嫁!』

「知啦知啦…」

『然後…巧合既係…maggie個老豆…而家係悉尼某間大學既教授…』

「咁樣…即係…」

『即係…佢老豆為左報答我...又聽完其他老師意見…叫我考慮下…
之後…過黎澳洲讀書…佢地會幫我申請資助…幾乎...可能會係全免...』

「咁妳點決定?咁好機會!一定要讀啦!」我講

『我…』樂宜飲啖咖啡『拒絕左。』
 
「下…?點解要拒絕…」

『呢層…』

『係囉…樂宜…又唔係經濟問題…?』紫晴講『佢地都話會資助...』

『我啦…唔想離開香港。』樂宜微笑

「就因為咁…但讀書唔係讀好耐姐…?」

『最少…都要五年嫁。』樂宜望住我『因為…
我可能連下年既文憑試都唔洗考…所以要係到讀返一年適應班..之後...』

「咁咪仲好啦!唔洗考都讀大學喎!仲要澳洲…
外國…浸過咸水一定唔同d!或者讀完妳會唔想返香港tim呢!」

咦…?奇怪…
點解又有種奇怪感覺…

『所…所以就話唔想離開香港先拒絕囉,我…』樂宜dup低頭『我…我有個放唔低既人。』

「但就因為咁放棄咁好既機會?」

『嗯…小瑤。』樂宜望向一直都默默聽既冰瑤『妳會唔會覺得我咁做好傻?』

點解唔問我?我一定會話妳傻!

『我…唔會。』冰瑤佢用吸筒飲左啖咖啡
『我覺得只要樂宜妳係順住自己意願就係最正確既決定。』

『嗯。』樂宜點點頭『我就係咁諗…
不過…係我拒絕之後佢地都係繼續叫我考慮…仲之…隨時歡迎我…』


「到底…妳…男朋友係邊個…點解可以為左佢放棄咁好既機會…」

『話左…』樂宜望返住我『而家應該未係男朋友…但係…佢值得…』

「真…係…?」

『芷螢…如果將來妳遇到一個對妳好好既人…妳就會明…』樂宜甜甜咁一笑

我相信…如果個個人睇到佢而家呢個笑容…
佢之後,係一定唔會決定…同樂宜分開…

一定唔會。

*