333.


『咁樣…妳親愛既benjamin叔叔,就會…』

指向benjamin既頭前面…

『死…』

『don’t!芷螢…help!』



「…」

『雖然好老土…但呢招永遠實用…我而家數三秒…三…』

估唔到…拍戲既情節竟然會出現係我面前…

『二…』

點…點算好…



『help!芷螢!』benjamin張張開大眼望實我…

『一…』
 
係我正想開聲個一刻…

原本一直企係灰銀色西裝友隔離,
另一個頭髮ALL BACK既西裝友突然拔起一枝槍…



但唔係指住我或指benjamin,而係...
指住亮灰色西裝友…

『喂喂…』亮灰色西裝友一開始有少少驚訝…但好快冷靜落黎『KEN…?』

『放低把槍。』個ALL BACK男人講...

由於佢帶住黑超,所以睇唔到佢既眼神…

『哦…明白…唔好開槍啊…』原本指住benjamin既亮灰色西裝友舉起另一隻手…
然後拎住槍既另一手慢慢放低…

『灰仔…』ALL BACK男同另一個黑超友講『你出去攪掂門口個個…』

『明白…』另一個黑超友有少少緊張…之後慢慢打開門…



然後一聲”啊”,原本係門口守住個個人就訓低左…

『哈…真係失策,估唔到兩個幫手都比人掉左包…』亮灰色西裝友搖搖頭

『唔好出聲。』

『但到底係點做既呢…我完全…想像唔到…』

『你永遠唔會知道…』ALL BACK男講『妹妹。』ALL BACK男望住我
『出面個個人而家暈左…一陣妳帶住benjamin…係後門離開…千其唔好行正門…』

「下…」

『唔好下,係正門有佢地既同黨,而且,佢地好快會覺得有唔妥…』



「咁…」

『總之,GO!』ALL BACK男講…

「係…benjamin,」我拉起佢…但睇到佢隻腳有少少顫抖「要走啦…」

『你地去到邊我地都會搵到你地。』行到去門口,亮灰色西裝友帶威脅意味咁講

『前題你要記得發生乜事。』ALL BACK男意味深長咁講左句…

但我無理會到…只係拽住benjamin隻手,帶佢由後門離開…
反正唔明白既事已經夠多…唔差在再多一件…

『但我地真係要係後門走?』benjamin問



「唔清楚…但相信佢地…應該無錯掛…始終…」

佢地岩岩係救我地…呢點係無容置疑…

『如果妳咁諗,就會好慘啊。』行到去就快到後門既轉角位既時候…有把聲講

唔係男聲…甚至…係想像唔到會出現係研究所既聲音…

眼前…係一個比我細得多既細路女…至少…細起馬五年…
而佢既衣著…亦只可以用怪異黎形容…

「妳岩岩講咩話…?」我眼定定望住眼前既小女孩…

『我係話,如果妳真係打開後門既話…後果會好嚴重哦。』小女孩講



真…真係?

「點解我要信妳…佢地岩岩救左我同benjamin…」

『因為我身上面無槍。』小女孩開心咁轉一轉『同個班大人唔同…』

「下…」

『仲有,小芋可以話比陳芷螢妳知好多妳唔記得既事,
相反,個班大人只會迫妳講出妳根本唔記得既事,好唔同嫁。』
 
「點解妳會知道我個名…」

『小芋仲知道妳好多事…妳既過去…妳既未來...』

...邊個信?

『但小妹妹…』benjamin開聲『個邊唔係出口黎嫁喎…』

「係囉…」連研究所既人都咁講「如果死路…咁我地咪會比人捉返…」

『呵呵呵呵。』小芋拍拍心口『小芋一早已經諗好嫁啦…』

「下…?」

『總之跟小芋黎啦…』講完,小芋就擰轉身走左去…

「點好…」

『芷螢…I think…跟住佢應該無錯…反正…』benjamin認真咁講
『我的確係信唔過有槍既人…而呢個只係細路女…必要時要肉搏我地都無可能輸…』

「嗯…」前題,係咪真係有出口係前面…

所以,我同benjamin就跟住用躍步跑更既小芋…去到…

「儲物房…?」

『嗯呀!』小芋醒神咁點點頭,明明而家係咁緊張既時刻…但佢出奇地輕鬆…

『我明啦…』benjamin好似醒起d野『果然聰明…』

「下…?」

『地下水道。』

*

而家我地身處係地下水道…

『沿住呢條路…應該可以通去郊區…到時我地就安全…』benjamin講

「嗯…」前面既小芋,好似係到哼更歌…感覺好似係童謠…但無聽過
「係呢…點解會有班人…黎到呢個研究所既?」

『唉…all my fault,』benjamin嘆一嘆氣『只可以講解密既過程…太唔小心…
結果比人發現左...而家唔單止解密既資料無左…仲攪到引左個班人黎…¬』

「個班…」

『個班希望搶到妳所擁有既時光機既人…』

「時…時光機…?」

『芷螢真係搵唔到?任何唔屬於呢個時代既野…』

「其實係有…」我用雙手…慢慢解開頸上面條鏈「就係呢條…」

『wow!』小芋突然係我面前『就係呢樣野啦!』

「下?」

『咁小芋個任務就有著落啦!』

「任…任務?」

『嗯!』小芋點點頭『我個任務,就係捉芷螢妳返去未來!』
 
「捉…我…返未來!?」我驚訝咁後退幾步

呢個係乜野展開啊…?

『嗯!因為…唔…聽媽媽講妳係犯左時空法…所以…』

『犯法…?』benjamin有少少疑惑『so…』

「咁…咁唔通…岩岩救我地個班人都係為左咁…所以先…?」

『唔係啊!』小芋搖搖頭『個班人雖然的確唔屬於呢個時間,
但佢應該唔係為左捉妳…而都係為左更重要既野…』

「更重要…」

『呵呵,呢點連小芋都攪唔清楚啦,總之佢地唔係同我一伙既,
我同佢地既任務都唔同,不過有樣野你地可以放心,就係離開下水道個刻…
之前發生過既事都應該會化為零,即係唔存在過…』

『so...佢地就唔算再打時光機既注意...?』

『嗯呀!應該係咁!』芷螢猛烈點頭

「咁樣…」

『但我地呢邊就唔會有影響…黎啦,陳芷螢,等一陣出到去,
就接受命運既制裁,比我小芋捉啦!』小芋擺出左一個誇張既手勢…

點可能喎…

如果正正常常回到未來都算…而家係比人捉…即係…有可能會坐監…

必有可能會制!