334.


「小芋…但妳話我犯左法…但我首先都要知道我犯左乜…」

『嗯…』小芋dup低頭『妳岩!』

「但我而家失左憶…」

『我都知道!』小芋拍一拍隻手『哦,完全明白啦!咁樣呀…』



小芋係佢褲袋到拎起一樣野…一樣圓形既機器…

『就等小芋破例幫妳回復記憶啦。』小芋行近我...我望一望個機械...

...與其話係機械,不如話似一個圓形盒仔...
上面...仲有應該係眼前十歲小女孩畫既公仔係上面...

『千其唔好睇少呢個機器呀!』小芋佢認真咁講『佢唔單止可以幫人搵返記憶…
仲可以篡改記憶…或者選擇令人忘記某日,某人,或者某件事…』



『咁咪有d似無痛失戀個個機械囉?』benjamin問

『唔知你講乜!』小芋即刻回答『總之…黎啦…陳芷螢…』

係我都未反應都切…小芋已經將舊野”啪”一聲放落我頭到…

然後…就係一幕一幕熟識既片段,係我腦海入面傳黎…

我…陳智影,為左可以令爸爸陳嘉為唔再去澳洲...


所以改變左過去…回到一個唔熟識既未來…仲因為咁變左女仔…

為左修補錯誤…我作過好多次嘗試…但都唔成功…

唔成功…
而今次…我…仲去到比預定時間早左2年…

「白白…」我發現自己而家係跪左係到「白白浪費左兩年…」

『芷螢?』

「我同芷螢既約定…已經遲左兩年…」

仲有…因為我比預定時間早左差唔多…半年遇見到家蔚…
對家蔚既影響…絕對比當初海旁既一句話…更嚴重…



如果以呢個情況下返未來…
我…到底會變成點…?
 
『明白未…陳芷螢?』小芋企係我面前『記返起自己做錯既事未?』

做錯既事...
某程度小芋講得岩...我每一次用時光機...個後果只會變得越壞...

『總之呢,出到去呢,就要乖乖接受制裁哦…』

無可能…如果以呢個狀態返去…
家蔚佢…一定…會選擇...邦彥...

*



出到下水道...行上一個斜坡之後,我地而家係一個公路隔離...

『咁我…先截個的士返去聯絡返wong…芷螢,妳自己要小心。』

『放心,我送佢返去之前,小芋有責任保護住佢既!』小芋拍拍心口講

『係啊…咁thx u啦,小芋。』benjamin拍拍小芋個頭

『hehe…』小芋好開心

『總之,情況許可之前都唔好返去研究所…保持聯絡』

講完,bemjamin就坐上左的士離開



『咁之後呢!』小芋問

「下?呢個問題唔係應該我問嫁咩?」

『因為啊!小芋都未到時間返去…』

「咁樣…妳要幾時先可以返到未來?」唔怪得佢岩岩係話”送佢返去之前”啦...

『唔呀…』小芋load一load『我諗最快都要兩個月後!』

「下!」唔係掛…

『嗯!』小芋點點頭『所以,陳芷螢妳住係邊?不如順便比我住埋一齊?』

傻嫁?比一個將要捉自己既人同自己住?我先唔會咁蠢呀…



唔得…既然知道佢仲有兩個月先可以返去…
即係…我仲有時間將情況調整返去正軌…

但首先…一定唔可以比小芋跟住…

「我…我想去一去洗手間。」行到去公廁既時候,我同小芋講

『去啦!我係出面等妳!』小芋回應,睇黎一d都無懷疑...

唔通…佢根本遇左我唔會走得甩…唔會掛…

事實係無錯,入到女廁既時候,我瞄到廁所個通風口係鎖左既,
而且設係好高既位置,所以無梯係爬唔到上去…

「可惡…」結果我只能氣急敗壞咁離開公廁…

『妳出黎啦!』小芋講『咁我地行囉!』

唔通…我無辦法走得甩…?

『唔…』但行一步之後,小芋突然停下腳步,好苦惱…

「小…小芋?」

『諗諗下,小芋都想屙殊殊!』小芋好有朝氣咁講

「下…」咁岩岩點解唔去呀?

『嗯,陳芷螢係到等我,我好快出黎…』講完,小芋就標左入去公廁。







邊個會等妳啊?
 
我點都估唔到,可以咁容易就撇甩小芋…

而且,雖然我係之後亦都試過撞返佢,
但都總會搵到機會再次撇甩佢…

總之…只要佢搵唔上學校…或者家蔚既屋企…就無問題...
 
*