335.


講返研究所個邊…
Benjamin叔叔係之後有聯絡返我…

「benjamin…無事嘛?」

『嗯…我好好,研究所個邊…真係好似小芋講咁,所有野都好似無發生過咁…
之前黎想搶你時光機既個班人...係調查過之後,真係好似對呢件事完全無印象..』



「點會…」到底點先可以做到咁既效果…?

『但為左保險起見,我暫時都會先返一返外國…以防萬一…芷螢妳自己都要小心。』

「嗯…」

『至於封解密信…已經到返我手上…芷螢妳需唔需要知道…』

「benjamin,我諗唔需要啦…」



『why…?』

「因為,我記憶已經返左黎嘛…」

『o,you right!』

「所以…我已經知道封解信要講既野…同寫既人…」

『即係妳已經記起…文冰瑤?』



「無錯…而且佢一直都係我身邊。」

『緣份…真係一樣可怕既事。』benjamin用驚嘆既語氣講
『but you need to know…時光機同文冰瑤有關係既事…妳都唔可以…』

「我明白…就好似之前咁…繼續乜都扮唔知就得…」

但有個人…我始終都想話比佢知…
即使…我相信佢一定會講比冰瑤知道…

係陸運會既時候…

「係呢…家蔚呀…」



『芷螢?』

「今晚,如果可以既話…可唔可以返黎屋企…我…我有樣野想比妳睇。」

就係咁,我陸運會當晚就將時光機既事講比家蔚知…
而係之後,佢果然叫左冰瑤幫手…

但冰瑤阿姨咁聰明,就算我同benjamin刻意去隱瞞…

佢發現到有唔妥…應該只係時間既問題…
 
總之…重點…都要放返係邦彥同家蔚到…

兩年...到底我可以點修補兩年做過既野...
家蔚同邦彥既關係...我相信已經唔可以簡單咁解決…



最終…我下左一個決定…

「邦彥…」十二月十七日夜晚,我打電話比一個人…

『芷螢…點解既?』

「你…一陣可唔可以出一出尖沙咀?」

『下?』

「我…有d野想同你講。」

*



雖然...打電話個刻我已經下定決心...
但當我見到邦彥...同係後面...鬼鬼祟祟躲藏係到既家蔚既時候...

我...最終都係選擇左逃避...

「啊!」我輕輕一嗌「講完出黎真係舒服哂。」

『下?』 邦彥有小小疑惑

「呢件事屈係我心入面太耐啦…今日終於可以講出黎。」

『我…唔明?』邦彥回應『芷螢妳...』

「無啦…其實我真係想講返呢件事姐…哈…啊!?」



『唔係…妳唔係!』邦彥佢突捉實我雙臂…

「邦彥!? 」

『我睇到…感覺到…妳明明有d野想講出黎但又收返埋左…』

「我…我無呀…」點解…你會清楚嫁…

唔通…我始終瞞唔到…將來有可能係我爸爸既你…?

『到底…係乜野事…妳之前做咁多野…一定唔係想我同小蔚分手咁簡單…
妳唔係呢種咁既人…一定有個更加深層既原因…一個善意既理由!』

「就係咁簡單…就係呀!」

『講大話!』

「我…無…真係無…唔好迫我…唔好…」

點解…要迫我…

『妳到底係到隱瞞更d乜!?』

「我無…我…無啊呀!!!」我擰轉身向住海旁個方向走左去…

『芷螢!』後面傳黎邦彥既叫喊…

我…我始終做唔出…
太殘忍…咁對佢地黎講…真係太殘忍啦…
 
但係…我而家作為一個女仔…
邦彥要追到我…根本就唔難...

「點解…點解喎!點解係都要追返我…唔…唔去搵你既家蔚!」

『因為…我想聽到芷螢妳既解釋…』係後面既邦彥講…

永遠…都係呢種溫柔既語氣…
唔想人傷害…想保護所有人既語氣…

但佢唔知道…點都唔知道…

『總之…我同家蔚…點都唔會分手…但係…我都好想知道芷螢妳既原因…』

邦彥佢…慢慢行到係面前…

『芷螢…』

「你會死。」

但你永遠唔知道...真正會受傷害既人...係你...

『下…?』邦彥驚訝...

「好快…你就會死,雖然唔知道原因…但係…你就係會死。」

『妳…』邦彥佢…愕然咁慢慢後退幾步『講…』

佢望住我雙眼…彷彿想係我雙眼到搵出真相…然後…

『係講更真話…』

我點點頭…

『點解…點解妳會知道…?』

「因為我係未來人。」我同邦彥講「我…原本身處個世界既你…一早已經過左生…」

『點可能…』

「咁樣…你知道我點解要拆散你同家蔚啦…?」我抬起頭「如果順住歷史走落去
家蔚佢…一定會好傷心,因為佢最心愛既邦彥…會死…而且…仲要係將近既事…」

『但…但到底係幾時…?』邦彥既面孔…終於浮現出一絲既膽怯…

「我…我唔可以話比你知…」我dup低頭「就呢點唔可以…」

『因為…你覺得我會改變未來…?』

「或…或者…」

『嗯…我明白啦…』邦彥又回復返溫柔既語氣『完全明白…』

「下…?」

『但之後既事…就由我黎決定…』

邦彥佢…就係咁拋低一句…轉身離開左。