336.


然後既事…我諗大家都知道…
十二月二十三日,雖然我無去到聖誕聯歡…但係

『仲唔比我搵到妳!』小芋自豪咁企係家蔚屋企大門口

「…點解既…」明明隔左咁耐…我仲以為佢一定無辦法…



但佢始終都係搵到上家蔚屋企…

『呵呵呵呵,小芋係咪好叻呢?』小芋笑笑口

不得不承應…又或者…

「其實…小芋妳之前係有心放我走?」

『啊!』原本仲超興奮打算大啖咬oreo既小芋愣住係到…



「就算點唔小心…都未理由放走我咁多次…妳應該…」

『哈哈哈哈,妳...妳妳諗太多啦,妳!』小芋大笑
『我先唔係故意放走妳,之後係後面觀察妳行動當睇卡通咁唔應該啊!啊…』









點都好…小芋咁樣做…事實的確係幫到我…

『但我諗呀…妳想做既野好似已經比人發現左囉哦…』

「下…?」

『陳家蔚。』小芋咬一半塊餅『已經知道左妳意圖拆散佢同男仔朋友既事…』

唔係掛…
唔通係尖沙咀個陣...佢已經聽到哂...?

就係呢個時候…開門聲就傳黎…

「點...點算好?』我開始慌張起黎



『唔怕,』小芋拍一拍心口『有小芋係到妳可以放心。』

事實,雖然家蔚開門個陣真係好激動…
但佢一見到小芋…小芋表明佢係黎捉我個陣…

家蔚原本想質問我既衝動…應該暫時消失左…

就係咁…時間去到十二月二十九日…

『小蔚…係咪出左去…?』電話入面…邦彥問

「嗯…」

『呢幾日…我已經諗通左…』



「下…?」

『如果我既死係阻止唔到…令到家蔚無咁傷心既辦法…』

「邦…邦彥…?」

『我只要…首先同佢分左手…咁樣…
隨住時間過去…家蔚對我既感覺一定會變淡…咁樣…』

雖然…呢個的確係最順利既發展…但係…
到底邦彥你…下左幾大決心先定下呢個決定…?

『我…就算死…都唔想家蔚傷心…』



邦彥...點解你硬係要令到我有內疚感...?
 
*
 
就係咁,邦彥選擇左同家蔚分手…

或者…子朗同家蔚個一錫…的確係一個好好既理由…
再加上…我話比邦彥聽家蔚扮阿理情侶呢件事…

但我偏偏估唔到…
家蔚為左同邦彥修補關係…竟然會選擇搶走我個時光機…

而做成既後果…

『芷螢!』係電話入面,邦彥好慌張



「點…分手個度…?」

『未講到出口!重點唔係呢到…我見到家蔚佢訓左係男廁…』

「點解既…?」

『我唔知!仲有個男人打算…總之…佢無事…我救左佢…』

「但佢而家係乜情況…?」

『我唔知…佢只係禁住個頭…係咁話好痛…手上面…仲有條好辣手既鏈…』

「鏈!?」點解時光機會係家蔚到?

唔係喎...條鏈明明係我身上...
即係...呢個係未來既家蔚?佢用左時光機?

即係…家蔚而家既情況...係後違症…用時光機既後違症…

『我而家諗住帶佢去醫院…』

「唔好!」我大嗌

『下?』

「去醫院無用,帶家蔚黎我屋企…」

『芷螢…』

「信我。」

*

十五分鐘之後,邦彥就黎到,
我同邦彥合力…將家蔚放係床上面…

『好彩,家蔚佢都勉強行到...而且街上面無乜人...我先可以帶到佢返黎』邦彥喘住氣講

「家蔚…家蔚!醒醒啊!」我嘗試拍一拍家蔚…但係無反應…

『佢無事嘛?』邦彥擔心咁問

「我唔知…但邦彥你返屋企先!」

『不過…去醫院好似…』

「唔得…你返去…呢到我地有辦法,可…小芋!」

『無錯…大哥哥你返去先啦!』小芋點頭…

『嗯…但…有乜一定會打返比我!』邦彥講

「ok…」

點解家蔚要咁傻?
為左一段...即使改變左都係悲劇既未來...而攪成咁...

可惡...
 
邦彥走左之後,我同小芋就開始商量對策…

『大姐姐,握住呢樣野呀…』

首先,要將家蔚送返去未來先…
唔係就會有兩個家蔚係同一個時間…

『之後…我地就要等…』小芋點點頭『至少要多一日。』

「呢段時間…我諗…我要做一件事先。」

『嗯?』

「將家蔚…佢改變過既未來回復返正常…」

『點解要咁做?』

「我…」我拎起條頸鏈「我用時光機已經做錯左好多事…我唔想…家蔚佢步我後塵。」

『嗯!有道理』小芋點點頭『等我都幫手啦,咁會容易成功好多!』

而事實,有小芋既幫手,件事的確係容易解決左…
但始終家蔚係十二月十七日係唔止用左一次時光機…
所以我地都花左好多時間…先修正到件事…

我諗講到呢到,你地應該會明白到,

點解邦彥對於十二月二十九日既記憶會同家蔚唔同,
因為…邦彥十二月二十九日同家蔚去公園既呢件事已經比我地抹去左…

一切…都回復返去最一開始…

但…咁唔代表家蔚既失違症會取消…佢用過時光機呢點的確係事實…