337.


「如果…當初有小芋幫手…我或者已經可以做返男仔…」

『呵呵。』

「但係…之後應該呢?」望住訓係床上面,禁住頭既家蔚…我問小芋

『更係幫佢回復原狀啦!就好似當初幫妳咁!』



小芋佢,慢慢拎起之前用黎扑我既個舊野…

「但係…小芋…可唔可以比我額外做一件事…」

『下?』

「我記得…小芋你之前話過…你呢個記憶修正器…可以篡改記憶…」

『嗯!』小芋點點頭『妳唔係想令到陳家蔚對賈邦彥既記憶消失嘛?』



「唔係。」我搖搖頭「不過…都近似…」
 
『芷螢?』小芋張大眼望住我

「我想…只係將家蔚既記憶…回到八月七日…即係遇到我之前…
只要…家蔚既記憶入面無左我…咁樣…呢半年既我就唔會影響到佢…」

『但妳要知道…記憶係隨住行動可以搵返黎…』



「嗯…就好似我自己咁…我明白…所以…」

『所以…』

「我想…睇下佢地既關係…係咪真係已經無任何野可以阻止到…
所以…我要額外刪走多兩日…」

對邦彥開始萌生愛意既動漫節…同餐廳事件…
如果無左呢兩段重要記憶…家蔚妳…同邦彥…係咪依然可以一齊…?

如果…你地真係可以既話…
咁樣…就算我點再阻止都無用…

『就咁話啦…咁對大家都好!』小芋同意『有咩妳要交代埋?』



「唔該哂…
家蔚…媽…唔係…爸爸,雖然而家咁講好突然…但係...不過...再見啦。」

係之後我會消失…
亦都係因為唔想再影響到家蔚…直到一月九日…

但偏偏…

「點解…你要同返家蔚一齊?」

一月一日既下午,我係醫院既天台問邦彥…

『因為…我想…幫家蔚搵返記憶…』邦彥佢…唔敢正視我…

「唔係…你唔係咁…你仲有更加深既原因…」



感覺…我地既立場,就同當日既尖沙嘴相反…

『我…』邦彥緊緊捉住天台既欄杆『無辦法放棄到小蔚…我做唔到!』

「邦彥…」

『所以…命運…去死啦!』邦彥大嗌『我一定唔會死…我…我要同小蔚一齊…』

「但家蔚佢已經失左憶…無哂同你一齊既記憶…佢而家鍾意既係其他人…」

『咁我就會用盡一齊辦法…』終於,邦彥佢用堅定既眼神望住我

媽媽…或者諗計劃呢點我都係同妳一樣…



『無論點…我都要同返小蔚一齊…』

永遠都係咁失敗。

*

一月六日,夜晚。

『阿…阿彥佢會死…?』家蔚佢…全身都顫抖得好利害『我…我唔信…』

「呢個係事實…我…確實經歷過既事實…」

『我唔信…芷螢…我…我唔信…』

「所以…爸…我而家問你…」




「接下來你諗住點做?」

陳芷螢視角完。