338.


陳家蔚視角:
   
而家,我身處係屋企既樓下,
芷螢…佢係我面前…

而且…佢仲講左一大輪…我聽完都未能理解清楚既野…



除左一點…

「我…我唔信…」

阿彥…會死…

而同時…

「咁…咁我既另一個選擇呢?機場個個選擇…」



『你唔係…應該好清楚咩?』

「樂…樂宜…?」

芷螢點點頭

「點解…佢唔係應該下年先…點會咁快就去澳洲…?」

『佢只係唔想同你講。』芷螢搖搖頭『想一個人靜靜地離開…
等你發現個陣…佢已經到步…然後…你就會有幾年既時間...慢慢放低佢…』



「點解喎!」我大嗌「點解佢要咁做…仲有…妳明明話佢係拒絕左...點解…」

『佢原本的確係拒絕左!佢曾經都有諗過同你講,
但係佢諗深一層…無必要…反正唔係重要既事...而且...你分分鐘會支持佢去!』

講起上黎…又真係有印象…
樂宜係岩岩返到澳洲個陣…的確有件事…欲言又止…

唔通…就係比人應邀去澳洲既事…?
如果我聽左...我的確...有可能會支持樂宜去...

『然後...你選擇左同樂宜分開...選擇左邦彥...
但係佢…知道你心入面其實仲唔放低佢…所以…佢做左好多野…』



「同邦文拍拖…」

『同邦文拍拖…係其一…仲有…答應返澳洲個邊都係…』

「…」

『只要佢唔係你身邊…你就可以一心一意對邦彥…樂宜…媽媽就係咁諗。』

「樂宜…」

『直到…你唔小心失憶既時候,樂宜佢…曾經都有考慮過放棄…或者延遲…』

個日…係七樓…見到樂宜眼濕濕係教師室行出黎,
唔通就係因為咁?



『但當然唔得…好彩,你既記憶已經返到黎…所以…佢可以如常…係…』

「一月九日…」

『無錯…一月九日…』

「阿彥…有可能死既個晚…」

『亦都係…樂宜佢坐飛機去澳洲既一晚…』

所以…

『當年既家蔚…當年既你...面臨兩個重大既抉擇…
去追樂宜…一係放棄樂宜…去搵邦彥…』
 


一係樂宜…
一係阿彥…?

「而最後…我選擇左去機場…搵樂宜…所以…」

『所以…最一開始個未來…就係你同樂宜…生出左我…陳智影…』

「但係…我無理由…」唔去搵阿彥…「唔通…我根本唔知阿彥會...死?」

『嗯…』芷螢點點頭

好合理…如果我知道阿彥會係個日死...
我無可能…唔追阿彥嫁嘛…

「但…但點解芷螢你而家會決定…將所有野講比我知…?」



『因為…』芷螢佢dup低頭『你同邦彥兩個...已經啟發到我…』

「下...?」

『就算...發生乜野情況...我點影響你地...甚至家蔚你失憶...但到最後你地都可以一齊返...』

「我同阿彥…」

『我…有時會諗…』芷螢佢擰轉身背對住我『或者…
我改變過去…改變未來…其實只係一個既定既事實…?』

「芷螢…」

『或者…我…同家蔚妳繼續做女仔…先係命運決定好既事?
所以我同小芋先可以輕易矯正家蔚妳改變既事…但始終無辦法矯正我自己做過既事?』

「點會…」

『所以…我…我今日係到…將所有野講比家蔚你知…』

芷螢…雖然你係咁講…

『就係想你…係一清二楚既情況下…自己去選擇…』

但其實你心裡面…對原本自己個未來既憧憬…

『由你…順住自己既意願行動…』

一直…絲毫都無變過…係咪…

「芷螢…」我慢慢向前行…

伸出雙手…將芷螢攬住…

『爸...?』

「我…我唔可以保證…將來我係你爸爸定媽媽…但而家…而家...」

我已經清楚個情況…

「仲有兩日…離一月九日…仲有兩日…我…」

我一定…

「我答應你…芷螢…我一定…會考慮得好清楚…」

『爸…嗚…家蔚…嗚…』

「令所有人都幸福既決定…一定會有!」

命運…去死啦!
 
*