339.


雖然係講左句好型既說話…(說穿左係食阿彥口水尾)
但係…

「應該點做好…?」

而家我躺係床上面(芷螢沖更涼)…不斷重覆思索岩岩發生既事…



芷螢佢千叮萬囑咁我唔可以將阿彥死既日期話比佢知…
因為…如果要救阿彥,唔應該額外增加變數…

「哼!咩喎…佢話比阿彥知佢會死已經係變數啦!」我攬實個攬枕,不滿咁講

但係…阿彥都唔會知道一月九日死…
所以…佢都會照去修頓...照去踢波...

「點算好…」



明知道只要伸手就可以救到阿彥…但偏偏要等…

既然要等…

*

叮噹叮噹

『家…蔚?』開門既…係樂宜…



「我有d野想同妳講。」

『下…?』

樂宜屋企樓下,

「琴晚…妳話比我知妳會去澳洲…但係…妳係咪仲有d野未同我講?」

『點會喎…』樂宜佢,眼神閃閃縮縮…

「樂宜妳…一月九日就會走…係咪?」

一聽完,樂宜佢就睜大眼望實我…

『我…點解表哥…你會知既…?』樂宜訝異咁問



「我係老師…miss lee到聽返黎…」

『係…係啊…』

「拾好野未?」

『差唔多…啊…我醒起啦…』

「嗯…?」

『其實…表哥你件黑色外套…係去完澳洲之後…我都未比返你…』

「講起上黎…係喎…」



『不過…表哥你應該都唔需要啦…大概?』

「我要…」

『下…?』

「件外套…係樂宜妳既心意…唔係同其他…掉左既衫可以相題並論…」

或者…各位會好奇我而家做更乜…
係最後既另兩日…我想…了解清楚…

我…陳嘉為,同時...加上陳家蔚…既真正想法。
 
「伯母…妳好。」



『家蔚呀…好耐無見啦。』

係公園同樂宜講完野之後,我就返上左去樂宜屋企…目的係拎返件黑色外套...

『媽,家蔚係黎幫我拾野既。』

『係啊…真係好啊!』阿姨佢好高興『樂宜佢成日都係到猶豫帶乜野去嫁,
而家有家蔚妳幫手一定好好多姐!』

『夠啦媽!家蔚...』樂宜行到佢房門口『入黎…』

「哦…」

樂宜個房間…同對上次一次黎…無大分別…
都係咁整齊…都係聞到…樂宜使用既洗髮露味道…



「真係…好耐無上過黎。」

『嗯…』樂宜佢打開個衣櫃『上次…已經係…堂姐第一次返黎既時候。』

「啊…係喎…」

個晚,為左林家蔚呢個身份唔穿崩,我去左樂宜屋企到訓…
但樂宜覺得我突然變得好女仔…所以用”錫”黎希望我可以男性化返…

如果當時…我同樂宜錫完之後,更進一步,我地既關係會點呢…?

「個晚…而家諗返真係好笑…」

『咩喎!』樂宜佢有少少面紅『咁…咁人地個陣真係擔心你嫁嘛!』

「而家呢?」

『表哥你今日真係好奇怪。』樂宜講…

「有…?」

『係…超奇怪!』樂宜佢張件黑色外套推係我身上『拿!』

「摺好左…仲有…睇黎有keep住洗?」

『更係有啦!』樂宜回應『點可能唔洗嫁喎!』

「樂宜…」

『係啦…表哥你爸爸好似新年假就會返黎…?而家我走左…真係無問題?』

「無…我記得…堂姐應該都就會返黎…而且…」

『而且…我相信到時會有人幫表哥你口。』

「下…除左堂姐…仲有邊個…」

『邦彥啊!』樂宜理所當然咁講

「下?佢會幫我?」

『點解唔會,最重要表哥你要開聲!』樂宜講『邦彥佢啊...其實有時份人真係好遲頓!』

「噗...」我笑左出黎「妳岩...」

『到時只要話你地兩情相悅…經歷左好多風波都可以一齊…我相信叔叔佢一定會答應你既!』

「點…點解講到好似求婚咁嫁!」

『差唔多嫁啦!』樂宜笑住講

「但咁樣…樂宜妳真係開心?」

『我講過啦…只要表哥你開心…我…』

「我指既係真話…」我認真咁望住樂宜「樂宜你既真心話…」

『下…?』

「樂宜妳…成日叫我放低妳…但係…妳…真係放得低我咩?」
 
『表…表哥…你…你講咩啊…?』

「我記得…芷螢…都應該有問過妳呢個問題…樂宜…表妹…」

我身體…慢慢同樂宜貼近…

『咪住…』樂宜明顯想退縮,但後面就係衣櫃…

「答我…樂宜…」我…堅定咁望住樂宜…

『我…之前我咪講過囉!』樂宜回應『係之前…話你係大白痴…唔想再理你個次..
我而…而家再講多次,無…無啊!我對表哥你無哂感覺!表哥你係咪又想我唔彩你呀?』

「我…我豁出去啦今次!」我大嗌「反正...再唔豁...等...等樂宜妳走左就太遲!」

『下…』樂宜疑惑

「我…」我吞一吞啖氣「唔想樂宜妳去澳洲。」

『下?』變為驚訝

「我唔想…」我搖搖頭…

『你傻嫁!』樂宜佢伸出手想推走我…

「我無傻!即使…即使我係同阿彥一齊,但我都唔想樂宜妳離開我!」

『點…點可以咁任性嫁!』

「雖然可能係任性,但…但係我真心話!我已經清楚…
無左樂宜…我…我一定會變得行屍走肉…無哂目標…」

『表哥…!?』

「係…係妳同邦文一齊既時候…我…我個心真係好亂!
就算…就算阿彥係我身邊都係一樣…我…我唔可以無左妳…樂宜…我…」

啊!?

樂宜佢大大力…將我推開...

『白痴!』今次樂宜佢唔同上次,無眼濕濕…

反而…好似真係好嬲咁