340.


「樂宜…」

『我一直做咁多野…但表哥你都係一樣…點解喎…』

「就因為樂宜妳一直做咁多野!」

『咩…啊?』



我捉實樂宜雙臂…之後用盡力…將樂宜向住我個方向拉…

『放...放手!』但樂宜嘗試掙扎..

所以突然演變成我同樂宜兩個女仔係到角力...
就係混亂...我地幾乎都失去平衡之制...我將樂宜左去床個個方向...

然後...



o伏!一聲…

樂宜佢而家訓左係床上面…
而我...而家跪係係樂宜上面…形成一個orz既姿勢…

真...真係做左...

我…我推倒左樂宜...
 
估唔到…我真係做左…


點解我會咁衝動?

而家我同樂宜兩個人互相對望…

樂宜佢…一開始依然係保持驚訝既表情…然後…

『喂…』樂宜佢慢慢面紅起黎『表…表哥…』嘴唇微微顫抖『你…你想點啊?』

因為太大聲可能會引黎阿姨佢地拍門,所以樂宜好細聲咁講

係呢…我想點啊?
將樂宜就地正法?痴線…傻的嗎

「我…我…」攪到我都開始緊張起黎…



平時比人推倒得多…今次推倒人…仲要樂宜…

「唉…」最後我都係坐返係樂宜隔離…

無可能…呢個本來就唔係我既原意…

『表哥…』樂宜佢坐返起身,一臉疑惑…

「對唔住…我…激動過頭…」

『發更燒?』樂宜笑笑口問,將隻小手放係我頭蓋到…

「係掛…」

樂宜佢呢個態度…睇黎係唔想提起返岩岩既事…


咁反而令我…覺得我個感覺無錯…

「樂宜…」妳果然…

『發燒就唔好啦…』樂宜佢打斷我『阿kay有無打比你?』

「下…?」我拎起部手機,真係有阿kay既未接來電「有喎…」

『佢知道左真係好激動…我指阿kay…』

「下…?」

『佢話啊…知道左之後日日都以淚洗臉…前幾日仲晚晚上黎同我訓…成個細路女咁!』

「阿kay…妳連阿kay都好遲先講…?」



『嗯…你估得表哥你係特別咩!』樂宜笑住講

乜唔係咩…

『總之…聽日…就係最後一日…所以阿kay佢…決定去玩返日…』

「去邊到…?」

『表哥你聽完一定會覺得好囧既地方…』

「下…?」

『海洋公園。』



的確…個日…帶堂兄堂姐玩個日…我…

『嘿嘿,個個新既動感飛車我想玩好耐嫁啦…』樂宜佢笑得好開心咁講
『可以走之前玩返次真係好!』

我唔想玩呀呀呀呀呀呀呀呀呀呀呀呀呀呀呀…
 
『表姐!咁樣聽日約定妳啦!金鐘等!』阿kay好興奮咁講完就收左線…

『講掂?』

「嗯…佢仲叫我…記住叫埋阿彥…」乜唔係阿彥唔係到對佢最好嫁咩?

『表哥。』樂宜笑孜孜咁『玩個陣只要阿彥坐係你隔離,你就唔會怕嫁啦…』

「前題我真係要玩…」

『如果我要求既…你會唔玩?』樂宜問

「咁…」

『你表妹…臨走之前既請求…都唔肯?』

嗚嗚…妳嬴…

『嘿嘿,雖然係單軌姐,但應該好安全唔會飛你出去既!』

「妳…妳又講埋呢d野!」

『哈哈…當係岩岩既懲罰啦!』樂宜佢企返起身

岩岩…即係…

『好啦,我要專心拾野啦。』樂宜擰轉身同我講『送你落去?』

樂宜...

*

『咦…要走啦?』行出房門口個陣,阿姨有少少驚訝

『嗯…家蔚話佢突然有野做要走先。』樂宜講

「嗯。」我點點頭「打攪哂啦…」

『係啊…係呢,點解樂宜妳唔叫嘉為黎幫下手?』著更鞋既時候阿姨問樂宜

『下?點解要叫佢喎…』樂宜驚訝,然後尷尬望一望我…

『妳其實係咪同嘉為嘈左交姐…之前都有上佢屋企…又成日係我面前提起佢…但而家...』

『喂!媽!有朋友係到嫁!』樂宜慌張起黎

『哈哈,』阿姨笑得好開心『怕乜喎!大家都係女仔…爸爸又唔係到!』

『雖然係咁…但…但佢…』

『而且唔知點解見到家蔚就好有親戚感!』阿姨笑住望住我『就好似識左好耐咁!』

好快…阿姨妳就會知道呢個係事實…嗯。

『行…行囉…家蔚…』樂宜佢急急腳咁著好鞋…打算推我出去…

方死阿姨會爆更加大獲既野咁…

「我…我未綁好啊…」

『咁慢嫁!』

『哈哈,我個女怕羞啦!話埋比妳聽啦,家蔚,樂宜佢啊…
以前細個食飯既時候…哈哈,諗起就好笑…』阿姨邊笑邊講

『媽!』樂宜佢幾乎激動到想撲去阿姨身上

『話大個既志願係做嘉為…即係佢表哥個新娘啊…妳話係咪好好笑丫啦!』


 
短暫既沉默…

『媽!夠啦!』樂宜大嗌『行囉,』捉住我隻手格硬拉起我…

「再…再見啦…伯母。」其實仲有一邊未綁好嫁…

不過…呢點唔重要…

『家蔚…』等更lift既時候,樂宜企起我前面,留意唔到佢既表情
『岩岩媽咪講既野,記住係好耐之前既事黎嫁啦…千其唔好亂諗野…』

「嗯…」我點點頭「阿姨話係妳細個個陣嘛…」

『無錯…細個個陣…超細個個陣...』

望住樂宜個背脊,唔知點解有種想攬住佢既衝動…
到底…今日我係攪邊科啊…?

就因為…我知道樂宜就黎會走…而且…
我清楚明白…如果我唔阻止佢…佢就唔會再返黎?

樂宜…

『啊…有lift!』就係我伸出雙手個刻…樂宜已經行左入lift…

嗯…

*