345.


轉眼間...已經去到樂宜屋企樓下...

『已經到樓下啦…』

「嗯…真係快…」

『聽日…記住唔好黎接我機啦…』樂宜講『你要上堂,時間唔岩嫁…』



「嗯…」

『到步之後…網上面聯絡啦…』

「嗯…」

『家蔚…?』

「嗯…」



『嗯完未啊!白痴!』樂宜不滿咁講

「因為我已經…唔知到應該講咩好…」

『下…?』

「一路順風…加油…努力…有緣再見…」我握緊拳頭「我完全都講唔出…」

『家蔚…?我唔明…』



「唔好講我住啦,樂宜妳呢…妳有無野想同我講…?」

『同你講?』樂宜疑惑

「嗯…任何野…除左岩岩個d…」

『唔…』樂宜佢努力思考『有一點。』

「係…?」

『同邦彥記住要幸福啊!大.白.痴.嘉.為!』

唔知係有心無意…或者係我聽錯…
嘉為…我聽到既...係嘉為…



「嗯…」

如果我個感覺,同樂宜關係係姐妹既話…
我一定可以好似岩岩既阿kay咁…攬住樂宜…

但唔係…

「聽日見啦…」

『都話左聽日…』

「我係指上網…機場都可以上到網嫁嘛…係咪?」

『嗯…』



「拜拜啦…」

『再見…』

決心…前所未有咁大。
 
*
 
『家蔚…今日你…見到哂佢地兩個?』

「嗯…」

返到屋企,坐係梳化上面既芷螢望住我…



『咁樣…你係咪已經決定好?』

「嗯…已經考慮清楚...」

『咁樣你打算...』

「其實…我心入面…一早已經有個答案…」

『下…?』

「係呢…其實…之前聽芷螢你既故事…但好似無講到…小芋之後會點?」

『小芋…』

「佢…唔係打算捉你返去嫁咩…咁…佢而家係邊到?」



『我唔清楚…』芷螢搖搖頭『但佢…話限期就係聽日…』

「聽日…」

『一月九日…關於我…所有野既開始…所有既終結…』

「即係…佢好大機會會係聽日…將芷螢你帶走…?」

『大概…但呢個唔係關鍵!家蔚…你到底…聽日打算點做…就憑你一個人…』

我舉起隻手打斷芷螢講野…

「我打算...」

*

一月九日,下午六點正,

『真係…唔洗同冰瑤阿姨先商量下?』自從我講出"計劃"之後,芷螢已經問左好多次…

「唔洗…我已經…決定好…」

任性一次…

『但係…』

「而且…唔可以比過去既冰瑤知道咁多野嘛,你唔係同benjamin講好嫁咩。」

『嗯…』

「就係咁啦…」我著好鞋,企起身…

今日天氣好好,無論踢波…定係飛機起飛…都一定會好順利…

『家蔚…我…想跟你去…』

「下…?」我驚訝「唔係不嬲都係嫁咩…」笑一笑「無左芷螢陪我,我無信心嫁…」

『嗯…』

「好…行囉…」

踏出門口…就無得回頭…
決定我未來既終幕…正式開始。
 
*
 
『小蔚…我仲擔心妳唔會黎!』

「嘿嘿,電話已經講好嘛!我會黎睇阿彥你既比賽!」

下午七點,灣仔修頓球場。

練習時間雖然過左,但阿彥既對手(即係kevin個間學校)既人,
仲係球場上面練習更,而且感覺相當兇狠…

『我開始覺得琴日邦文約kevin飲下場係一個陰謀…』阿彥同我講
『今日kevin既狀態好差…』

「嗯…」望住遠處既kevin,佢岩岩又接唔實一個傳球…
「但阿彥你呢?你狀態好唔好?有無邊到唔妥…?」
 
『非常好。』阿彥認真咁講『我好有信心一定可以嬴。』

「咁就好…」 睇黎胸口件事…只係多疑…?

『小蔚凍唔凍?只係件橙色外套真係夠?如果唔夠…我可以…』

「夠啦…」我捉住阿彥隻手「有阿彥既溫暖就夠。」

『小蔚…』

「教練叫你地過去啦!」我同阿彥講「一定要嬴呀!」

『嗯!』

雖然我係咁講,
但嬴…對我黎講已經唔重要…最緊要係阿彥無事…

我慢慢行去石階個邊坐係到…

『家蔚…』芷螢而家坐係我後面,佢今日既打扮係我第一日見佢個陣既打扮…

男裝…牛仔褲,帶鴨嘴帽…
為左唔比人認得出所以咁著…

「好緊張…」

真係好緊張…雖然而家阿彥佢地只係坐係到聽更教練講更"戰略"...
但…但我硬係覺得…阿彥...發生”個件事”既一刻…會隨時發生…

所以…我要保持警惕…唔可以鬆懈…

阿彥…

「我…一定要救到你…」

*